Внуката се борела за живот, бабата не давала никој да се доближи

Црна хроника

на 3.2019

-Видов жена како носи дете низ дворот. Не знаев за што станува збор, па излегов да видам.Детето беше мокро и едвај дишеше.Таа зборуваше неповрзано, дека и паднало во вода, но не сакаше да ми дозволи да го допрам девојчето- раскажала соседката која гледала додека малото девојче умирало во рацете на баба си во селото Велика Греда во Србија.

Соседката раскажала дека поминала покрај дворот пред несреќата, а 2- годишното девојче седело во скутот на бабата.

-Девојчето беше живо, и реков да ја преврти и да ја соблече мократа гардероба, но таа ја стегаше и не ми даваше да ја допрам. Ја барав да ми ја даде, но ја стегаше и викаше „тоа е мое дете“ додека малото ангелче умираше во нејзините раце, се гледаше дека се бори за воздух- рекла таа.

Од силен шок и страв не знаела што да направи

-Кога пристигна Брза Помош, едвај и го земаа детето од раце, ја ставија во амбулантно возило и ја однесоа,а бабата остана да вика„тоа е мое дете сакам ијас со него“. Не можам да се смирам, можев да го спасам девојчето, но сега е доцна- раскажала соседката.

Потсетуваме дека трагедијата се случила додека во куќата биле малата Леа и нејзиниот брат близнак, а нивната баба се грижела за нив, додека росителите биле на лекар со постарите две деца кои исто така се близнаци.

Почина познатиот македонски моторџија

Црна хроника

пред еден ден

На 48 годишна возраст почина познатиот македонски моторџија Тони Шипка, соопшти неговиот клуб LOWLANDERS MC MACEDONIA на социјалните мрежи.

– Почина Тони Шипка, човек кој имаше големо срце и беше голем другар. Тони беше член на LOWLANDERS MC MACEDONIA. Сочувство до семејството и клубот, до неговите пријатели и блиски. Ќе ни фалиш Тони! Почивај во Мир, стои во објавата.

Погребот ќе се одржи утре на гробиштата во Ѓорче Петров.

Доживотен затвор за Усеин Р. кој со 42 убоди од нож ја уби Танкица Младеновска од Кочани

Црна хроника

пред еден ден

Педесет и деветгодишниот Усеин Р. од Кочани, кој во септември лани ѝ нанесе десетици убодни рани од нож на 46-годишната Танкица Младеновска од Кочани и ја уби, денеска е осуден на казна доживотен затвор. Тој се сомничеше дека на 25 септември лани, на свиреп начин ја лиши од живот Танкица, нанесувајќи ѝ многубројни убоди со нож. Таа почина на местото на настанот.

По поднесено обвинение од Основното јавно обвинителство Кочани, а по признание на вина, Основниот суд во Кочани донесе осудителна пресуда за едно лице за кривично дело – Убиство извршено при родово базирано насилство и на свиреп начин, при што за сторителот е изречена казна – доживотен затвор.

Во обвинението, Основното јавно обвинителство Кочани го товареше обвинетиот и за кривично дело – Уцена кон истата оштетена, сторено пред убиството. Меѓутоа тоа дело обвинетиот не го призна, постапката е раздвоена и за тој дел од обвинението ќе продолжи судска постапка.

Платформата за родова еднаквост лани реагираше до Јавното обвинителство со барање ова убиство да биде квалификувано како фемицид при вршење на родово базирано насилство истакнувајќи дека институциите не го препознаваат родово базираното насилство, и овој случај го водат како убиство на свиреп начин.

-Случајот на фемицид, најтешкиот вид на родово базирано насилство, кога во Кочани жена беше избодена до смрт, иако претходно го пријавувала сторителот за уцена и барала заштита, Основното јавно обвинителство Кочани го квалификуваше како убиство на свиреп начин, со што се потврдува фактот дека институциите сѐ уште не го препознаваат родово базираното насилство. Основното јавно обвинителство Кочани донесе наредба за спроведување истражна постапка против едно лице поради основано сомнение дека сторил кривично дело –Убиство според член 123 став 2 точка 1 од Кривичниот законик, реагираа оттаму.

21-годишник тешко повреден откако излетал од коловозот

Црна хроника

пред 3 дена

На 15.04.2024 во 11.00 часот во Полициската станица Делчево било пријавено дека на регионалниот пат Делчево – Берово, на место викано „Даштица“, атар на село Тработивиште-делчевско, патничко возило „фолксваген голф“ со делчевски регистарски ознаки, управувано од М.У.(21) од Делчево, излетало надвор од коловозот.

Во несреќата со тешки телесни повреди се здобил возачот констатирани во Клиничка болница Штип. Извршен бил увид од увид екипа од ОВР Делчево, соопшти МВР.