Бомбите „ги собирале“ само тројца

Објавени се дел од незаконски сниманите разговори но, објавена и комуникацијата на поранешниот шеф на разузнавачите Верушевски во која тој за своите услуги бара надомест, финсиски. Неговите соработници кои вршеле неовластено снимање на туѓи телефонски разговори, што го потврдија и пред судот дали како обвинети но и како сведоци, сега јавно тврдат дека сето тоа би го правеле - бесплатно.

Доказите за нелегалното прислушување во УБК, ги собиравме јас, Ѓорѓи Лазаревски и Зоран Верушевски и никој друг. Вака го зврши своето сведочење сведокот Звонко Костовски, на денешното судско рочиште за „Таргет и Тврдина“’

-Никој не ни плаќал, туку ова го правевме да собереме докази за она што се случувало од 2008 до 2013 година, во МВР, односно за нелегалното следење на комуникациите, рече Костовски.

Тој денеска во судница откри нови детали за прислушувањето, односно дека се прислушувало и од компјутер кој бил во стан, во зграда кај Железничка, односно надвор од УБК. Исто така посочи и дека премиерот Зоран Заев бил прислушуван под псевдонимот Зо За.

На наредното рочиште обвинетиот Сашо Мијалков вкрстено ќе го испрашува Костовски.

Видео: Навивачите не го оставаат сам

Вчера во рамките од третото коло во Сериа А,  екипата на Болоња тимот кој го предводи Синиша Михајловиќ, гостуваше кај Бреша и забележа победа од 3:4.

Триумфот беше уште позначаен ако се има во предвид дека Болоња губеше со 3:1 и успеа да го заврти натпреварот за втора победа сезонава во италијанското калчо.

Михајловиќ и на овој натпревар не беше на теренот со своите фудбалери, а натпреварот го следеше од болничката соба. Но, фудбалерите му приредија вистинско изненадување кога после триумфот застанаа со автобусот пред болницата и го скандираа неговото име.

Србинот потоа се појавил на прозороцет и ги поздравил своите херои.

Ова се моменти кои докажуваат дека фудбалот е повеќе од игра.

Препознајте ги симптомите на мозочниот удар

Брзото делување во случај на мозочниот удар може да Ве спаси од тешките оштетувања, па дури и од смртта. Кај ваквите ситуации битна е секоја минута.

Со секои 15 минути порано одење на доктор, се намалува ризикот од тешките последици и смртта за 4%, се наведува во една студија која е спроведена на повеќе од 58.300 пациенти со мозочен удар, која е објавена во весникот Journal of American Medical Association.

Тие 15 минути порано одење на доктор влијае и на времето на напуштањето од болницата. За 4% е зголемена и веројатноста за отпуштање од болницата, а за 3% шанса да Ве пуштат дома и да не Ве пуштат на рехабилитациски центар или дом за стари лица затоа што повеќе самостојно не можете да живеете.

Мозочниот удар е состојба на намалената циркулација на крвта во мозокот, поради што доаѓа до ненадејното губење на мозочните функции. Тоа е еден од водечките причинители за смртта во голем дел од развиените земји, а повеќе од половина преживеени луѓе кои се постари од 65 години по ударот ја губи способноста за одење.

Секоја минута која ќе помине без лекување, се губат  два милиони неурони. Колку е брзината важна покажува податокот дека дури 15 минутно доцнење со почетокот на лекувањето, оставаат последици. Доколку постојат проблеми со лицето, со функцијата на раката или говорот, не чекајте, реагирајте на време!

Како да ги препознаете симптомите?

Лицето – олабавеност      

Дали едната страна на лицето не реагира? Кажете и на личноста да се насмее. Дали е насмевката е неуедначена?

Рацете – слабост   

Дали една рака е послаба или во неа нема осет? Речете и на личноста да ги крени двете раце. Дали и паѓа едната рака?

Тешкотии при зборувањето 

Дали е зборувањето нејасно? Личноста не може да зборува или е тешко да ја разберете? Замолете ја личноста да ја кажи едноставна реченица и дали ќе ја кажи како што треба?

Време – повикајте итна помош   

Доколку некој покажува било кој од овие симптоми, дури и ако симптомите ќе се повлечат повикајте итна помош или што побрзо однесете ја личноста во болница.

Најчести симптоми на мозочен удар се:    

-здрвеност, слабост или укоченост на лицето, рацете нозете или целата половина на телото.

– Пореметување во говорот, неразбирливо и отежано зборување или потполна неможност за зборување.

– Ненадејно замаглување на видното поле во целост или делумно, или губење на видот најчесто на едното око.

-Ненадејна силна главоболка пратена со повраќање без јасна  причина.

-вртоглавици, губење на рамнотежа поврзано со другите симптоми.

– пролазни симптоми – сите наведени симптоми, со пократок интензитет се нарекуваат транзиторни исхемички атакци ( ТИА), можат да бидат предупредувачки знак за мозочен удар, па е неопходна неуролошка обработка.

Фото. Прилепските џудисти го развеа Македонското знаме

Членовите на Џудо клуб “Бушидо” по трет пат  учествуваа на Меѓународниот џудо турнир “Трофеј Пантера 2019” во Бјелина, Република Српска.

На овој  меѓународен турнир учествуваа околу 800 такмичари,  а Прилепчани успеаа да освојат 17 медали.

Oва се освојувачите на медали:

– Сара Атанасоска 1 место; Теодора Ристеска 1 место; Елена Малиноска 1 место; Елеонора Илиоска 1 место; Матеј Малиноски 2 место; Сара Јанеска 3 место; Илчо Малиноски 3 место; Теона Ѓоргиоска 3 место; Стефани Илиеска 3 место; Филип Попоски 3 место; Милена Божиноска 3 место; Христијан Здравески 3 место; Давид Мицески 3 место; Матеа Илиеска 3 место; Филип Стојкоски 3 место; Анастасија Мицеска 3 место; Стефан Талески 3 место.

Популарно