Министерот Сухејл Фазлиу пред да стане минитер немал ни еден ден работно искуство

Мора да си многу среќен човек или претерано квалитетен кадар за првото работно место во животот да ти биде министер. Една од овие две претпоставки веројатно била клучна за министерот за локална самоуправа Сухејл Фазлиу кој во своето CV ќе може да наведе дека прво работно место му било министер во владата на премиерот Зоран Заев.

На својот реално блескав старт на кариерата, Фазлиу според податоците објавени од Владата зема месечна плата од 66.442 денари или нешто помалку од 3 пати повеќе од просечната плата во Македонија.

Што правел претходно, бидејќи има скоро 33 години, може да се најде само на Википедија.

„Сухејл Фазлиу (30 септември 1986 во Скопје) — македонски политичар од албанскo етничкото потекло и министер за локална самоуправа во македонската влада од 2017. Фазлиу е член на Алијанса за Албанците. Средно училиште завршил во „Панче Караѓозов“ а дипломирал современи науки и технологии при универзитетот на Југоисточна Европа во Тетово. Тој во периодот 2010–2016 работел како консултант за информатичка технологија за различни компании“ – стои во базата на отворената енциклопедија.

Што работел во овие компании не се знае, но неговиот стаж, доколку постоел го нема наведено како информација во листата на Владата и тој, не добива додаток на плата за изминат стаж како другите министри.

НА веб сајтот на Владата за него пишува дека имал богата професионална кариера.

„Дипломирал на Универзитетот на Југоистична Европа, во Тетово, на Факултетот за современи науки и технологии.

Во својата професионална кариера има богато искуство во сферата на информатичката технологија и тоа во реализација на консултантски услуги за локална самоуправа на проекти, во Македонија и надвор од земјата.

Министерот Фазлиу како независен консултант за Е-Влада и Е-Трговија, има работено за повеќе јавни претпријатија, како и за приватни компании за услугата Е-Трговија.

Во периодот од 2010 до 2015 година, работи и како консултант за информатичка технологија и веб апликации за различни компании.

Министерот Фазлиу активно ги користи англискиот и македонскиот јазик.

Министерот Сухејл Фазлиу е роден 1986 година, во Скопје.“ – стои на владиниот бев сајт.

Џамбаски: Гоце Делчев никогаш не се борел за никаква независна Македонија

Бугарскиот европратеник Ангел Џамбаски повторно излегува со изјава која може да ги разгори духовите во Скопје и во Софија. Тој во изјава за епицентар.бг тврди дека Гоце Делчев никогаш не се борел за никаква независна Македонија и оти тој не може да биде ништо друго освен Бугарин.

Според него, за  Бугарија, Македонија никогаш нема да биде ниту северна, ниту јужна, ниту горна ниту долна, туку само една и братска втора бугарска држава на Балканот.

-Не можеме да продолжиме да го правиме дека не ги гледаме овие злоупотреби, провокации и фалсификати извршени од Скопје.. Ја отворивме вратата на Македонија кон НАТО преку Спогодбата за соседство..Сега зборуваме за идното членство на Македонија во Европската Унија. Ова членство поминува само преку препознавање на историската вистина. А  таа е следна. Политичка македонска нација постои по 2 август 1944 година. На овој датум, банда бугарски болшевиците и шумкари, национални предавници се собираат во подрумот на манастирот “Прохор Пчински”, користејќи за алиби на собирањето големиот бугарски христијански празник Илинден и прифатат т.н.декларацијата на АСНОМ или “Антифашистичкото народно собрание на Македонија”. Ова се случува под диктатурата на Коминтерната и Москва. По одлуката на Коминтерната да создаде и спроведе т.н. “Македонска” нација во триесеттите години на дваесеттиот век, бугарската, српските и грчкките комунистички партии  ја земаат оваа национално-предавничка директива “вооружување” и работат за нејзиното спроведување.Пред овој датум, 2 август 1944-та година – Илинден, нема никакво сомневање и не може да има никаков спор за карактерот, самосвеста и самоопределување на населението во денешната Вардарска Македонија. Тие се несомнено, недвосмислено и категорично бугарски, смета Џамбаски.

Заев не го знаел законот - се повлекува од позицијата Министер за финансии

Премиерот Зоран Заев ќе го повлече предлогот истовремено да биде министер за финансии.

Седницата за избор на нови членови на Владата требаше да почне во 11 часот, но сѐ уште не е почната токму поради оваа причина.

Засега ќе нема предлог за нов министер за финансии, но не се знае ни дали Драган Тевдовски ќе остане на функцијата.

Антикорупциска: Заев не може да биде министер за финансии

Премиерот Зоран Заев истовремено не може да биде министер за финансии, но може да раководи со ресорот, објаснува за Фокус претседателката на Антикорупциската комисија Билјана Ивановска.

-Законот за антикорупција е јасен и јасно предвидува дека премиерот истовремено не може да биде министер и дека овие две функции се непоиви. Меѓутоа, Законот за влада му дозволува да раководи со одреден ресор во одреден период во определни услови – вели Ивановска.

Целиот текст на Фокус

Популарно