1.500 евра казна, ако не го вакцинирате детето

Без вакцини нема образовен процес. Надлежните конечно се усогласија и на вчерашната владина седница одлучиле дека во септември, во училишните клупи ќе седнат само вакцинирани првачиња. Министерот за образование апелираше до родителите да ги однесат децата на вакцинирање доколку сакаат да одат во училиште.

Адеми вели дека овој период нема да ги враќаат пријавите на невакцинираните, но до почетокот на учебната година да достават вакцинален картон. Во спротивно семејствата ќе се соочат со прекршочни пријави и за непочитување на законот за заштита од заразни болести како и за неодење во задолжително основно образование. Казните што ќе треба да ги платат се најмалку 1500 евра и за двата прекршоци, пренесе Сител.

-Според законот предвидени се казни кога детето не е дел од основното образование. Затоа треба да се подигне свеста, треба да имаме доверба во институциите и во здравствениот систем за да се вакцинираат децата затоа што сите ја знаеме состојбата. И во моментот додека зборуваме во здравствените установи има деца ко исе соочуваат со овој проблем. Ќе бидат примени само тие со потврда за примените задолжителни вакцини, изјави Арбер Адеми, министер за образование.

Адеми вели дека ќе ја следат состојбата на терен заедно со министерството за здравство и најави покрај теренска и отворање на пунктови за вакцинација во училиштата.

-Се соочуваме со епидемија и во вакви околности навистина треба сериозен пристап од страна на сите институции. Апелирам до сите родители да ги вакцинираат нивните деца и со ваквиот пристап да помогнат и да придонесат за јавното здравје, вели Адеми.

Министерот за образование вели дека и Уставниот суд пред неколку години потврдил дека не е дискриминација доколку како услов за упис во училиште се бара потврда за задолжителните вакцини.

Во меѓувреме, на Клиниката за инфективни болести четири пациенти се во тешка состојба поради компликациите од морбили. Меѓу нив е и 16 годишната девојка со церебрална парализа која сеуште е на апарати за дишење.

Прилогот на Сител, погледнете го во продолжение

Денеска се потврдени 125 нови случаи на ковид 19, две лица починаа

Министерството за здравство информира дека во последните 24 часа се направени 1085 тестирања, а регистрирани се 125 нови случаи на ковид-19 во: Скопје-46, Kуманово-19, Штип-17, Прилеп-1, Тетово-16, Струга-7, Велес-3, Битола-1, Охрид-5, Гостивар-6, Кочани-1, Делчево-1, Неготино-2.

Денеска Институтот за јавно здравје регистрира 8 оздравени пациенти, во Прилеп-2, Тетово-1, Велес-4 и Свети Николе-1.

Починаа две лица, пациент од Прилеп на возраст од 73 години, хоспитализиран во ГОБ „8 септември“ од 19 мај и пациентка од Струмица (67г) хоспитализирана на Клиника за неврохирургија од 18 мај.

Вкупната бројка на ковид дијагностицирани во нашата земја од почетокот на епидемијата изнесува 2915, бројката на оздравени пациенти е 1640, на починати е 151, а во моментов бројот на активни случаи во земјата изнесува 1124. Последната дистрибуција по градови е следна:

•       Скопје 1201, активни 595

•       Куманово 545, активни 129

•       Дебар 52, активни 1

•       Штип 161, активни 123

•       Прилеп 218, активни 29

•       Тетово 273, активни 115

•       Струга 98, активни 26

•       Велес 141, активни 27

•       Битола 30, активни 4

•       Охрид 30, активни 13

•       Кавадарци 6, активни 1

•       Гостивар 47, активни 26

•       Гевгелија 6, активни 2

•       Струмица 5, активни 2

•       Крива Паланка 6, активни 0

•       Радовиш 4, активни 0

•       Крушево 3, активни 0

•       Кочани 43, активни 12

•       Пробиштип 5, активни 3

•       Демир Хисар 1, активни 0

•       Македонски Брод 2, активни 0

•       Пехчево 3, активни 0

•       Берово 2, активни 1

•       Валандово 3, активни 2

•       Виница 3, активни 1

•       Делчево 2, активни 1

•       Кратово 3, активни 1

•       Свети Николе 3, активни 2

•       Кичево 3, активни 1

•       Неготино 16, активни 7 (*9 лица од ПЕ Неготино се жители на Демир Капија)

Направените 1085 теста се преку: ИЈЗ –663, ЦЈЗ Скопје-12, Авицена –128, Биотек -42, Жан Митрев (Филип Втори) –144, Систина со PCR метода –41 и МАНУ -55.  Досега во земјата се направени вкупно 35471 тестирања на ковид -19.

Од вкупниот број направени тестови во изминатото деноноќие 113 теста се во рамките на скринингот во градинки во Штип и Кочани и не се регистрирани позитивни случаи на ковид-19.

На Инфективната клиника во изминативе 24 часа примени се 7 нови, а вкупно хоспитализирани 58 пациенти. На кислородна поддршка се 27 пациенти, нема пациенти на механичка вентилација.

До утрово, во ГОБ „8 Септември“ примени се 12 нови, а вкупно хоспитализирани 38 пациенти. На респираторна машина се 7, a со потешка клиничка слика се уште 8 пациенти.

Во болницата во Битола се хоспитализирани 11 пациенти, а на домашно лекување преку болницата се следат 2 пациенти. Во болницата во Штип се хоспитализирани 21 пациент. На инфективните одделенија во Охрид, Велес, Куманово и Прилеп се хоспитализирани 31 пациент - позитивни и сомнителни на ковид-19.

Од Понеделник повторно ќе нема полициски час

Од понеделник најверојатно повторно нема да има полициски час. Оваа најава на вчерашната пресконференција стигна од министерот за здравство Венко Филипче. Но, како што и самиот нагласи, тоа го вели со резерва, бидејќи конечната одлука ќе се донесе или утре, или во понеделник наутро. 

Причина за ова може да биде што најголемиот број од новозаболените се со лесни симптоми, што покажувало дека вирулентноста на вирусот слабее, и дека нема да се случи опасното сценарио, односно да се пренатрупаат болниците со пациенти. 

„Ние впрочем, од понеделник најверојатно, и ова ќе го кажам со резерва, бидејќи одлука ќе се носи во недела или понеделник наутро, нема да има никаква рестрикција, ќе биде така како што беше до четвртокот, насекаде. Но, ќе имаме целосен увид, сите позитивни ќе бидат веќе ставени во изолација, ќе ја следиме и нивната состојба. Многу од нив не развија симптоми, 90 отсто веројатно ќе поминат и без никаква терапија. Значи, имавме еден пристап со кој го проценивме ризикот врз здравствениот систем, и плус што имаме доказ дека вируленцијата опаѓа“, рече министерот. 

Тој признава дека откако настапи полицискиот час, се пренатрупаа туристичките места во земјава. Но нагласи дека мерките секаде и сега и во иднина ќе мора да се почитуваат, бидејќи во следните чекори се очекува ново олабавување на мерките, како што се отворање на хотелите и слично.

„Сметам дека можеби поголем број граѓани заминаа, но тоа се очекува кај продолжен викенд. Но, мора да се почитуваат мерките. Ние ќе треба да научиме да живееме со ова и понатаму. Секој следен викенд ќе биде со убаво време, и е можност луѓето да заминат во туристичките места. Инаку, ние во мерките за олабавување кои се планирани во следните чекори, планираме и отворање на хотелите и тн. Затоа, каде и да одат граѓаните, овие мерки се универзални и важат за сите, односно максите, дистанцата и честото миење на рацете“, нагласи првиот здравствен работник.

Инаку, откако се појавија новите драстично зголемен број на случаи, здравствените власти почнале со интенивни тестирања.

„Што ни покажаа првичните резултати откако повторно почнаа да доаѓаат случаи? Во рамките на семејствата, околу оние семејни настани на 24 и 25 мај, и неколку дена претходно, се покажа дека има одреден процент на асимптоматски носители, и заради тоа интензивно ги истестиравме сите примарни контакти на претходно дијагностицираните, најголем дел од околу 15 семејства од Скопје. Но, 90 отсто од нив се асимптоматски, а другите имаат сосема лесни симтоми. Ова го направивме со цел да се процени ризикот за здравствениот систем, да се процени дали може да се очекува некаква тешка форма на болеста кај новодијагностицираните и да се соочиме со сценарио во кое би се пренатрупале болниците. Но тоа не е случај, и тоа го докажавме со ова интензивно тестирање на примарните асимптоматски контакти. Кај членови на едно семејство, само еден член има лесни симптоми, останатите девет се асимптоматски носители. Значи, моравме да процениме дали има опасност капацитетот на болеста да прерасне во тежок, што не се случува во изминатите две недели, значи дека има податок дека вируленцијата опаѓа, а во исто време знаеме и дека не е здравствениот систем во ризик. Затоа се зголемија тестирањата, и во семејствата кеде некои членови немаат никакви симптоми. И сега имаме јасна слика“, нагласи Филипче.

Последниот селективен карантин, кој важи само за некои општини, тој го правда што овие заболени дале податок дека се движеле низ целиот град Скопје.

„Моравме да ја направиме оваа рестрикција за да се заштити целиот главен град. Мислам дека на другите места каде што има спорадични случаи нема потреба од целосна рестрикција“, објасни министерот.

Ова се неофицијални сознанија од Комисијата за заразни болести

Фактор дознава дека бројките на новозаболени во изминатово деноноќие ќе бидат отприлика идентични како во текот на вчерашниот ден.

Ова се неофицијални сознанија од Комисијата за заразни болести.

Како што е познато, вчера беа регистрирани 180 новозаболени од коронавирусот, што е најголем рекорд откако изби епидемијата на КОВИД-19 во земјава. Од нив, 106 лица беа во главниот град Скопје. 

Во податоците што ги објави Институтот за јавно здравје се наведува и дека се чекаа резултати за 24 лица, што значи дека и тие можат да влезат во категоријата новозаболени ако се докаже дека се позитивни.

Министерот за здравство Венко Филипче рече дека можно е од понеделник повторно да нема полициски час, откако ќе заврши овој карантински викенд, но за тоа изрази резерва, нагласувајќи дека ќе мора да се изјасни и Комисијата за заразни болести, која ќе заседава утре или во понеделник наутро.

Популарно