Прв настап на ќерката на Шаулиќ по неговото заминување

Пејачката Илда Шаулиќ, ќерката на починатиот пејач Шабан Шаулиќ за прв пат настапи по смртта на својот татко. Српскиот портал „Курир“ пишува дека Илда сношти настапила во еден белградски клуб со најтажната песна која му ја посветила на својот татко.

Покрај своите песни, ја запеа и песната од нејзината колешка Драгана Мирковиќ „Jeleni košute ljube”.

„Тажни се зелените полиња, тажни се изворите, елените срните ги љубат, а каде си сега ти“, вели рефренот на песната.

Илда на настапот дошла со својот сопруг Бојан во тиркизен фустан, и ја оставила публиката во клубот без здив. Шабан Шаулиќ го загуби животот во февруари годинава, во несреќа во Германија.

Инаку, српските медиуми деновиве пишуваа дека наводно Шабан Шаулиќ имал тајна сметка каде што ги чувал парите од настапи, посебно од ромски свадби. Наводно, пејачот имал 2 милиони евра на тајна сметка во Германија, пишуваа медиумите.

Семејството на пејачот ги демантираше овие пишувања.

„Нека не остават нас и мојот татко на мир. Неодамна кажав сѐ што имам да кажам“ изјави Илда, ќерката на Шабан.

Наводно пејачот бакшишот, посебно од ромските свадби ги чувал на тајна сметка. Така сакал да го осигура својот живот.

„Нема врска со вистината. Шабан немаше никаква сметка, а не пак скриена. Плаќањата за настапите одеа на сметка на фирмата на неговата сопруга, Гордана му беше застапник. Колку требаше да работи за да успее да сокрие два милиони евра?“ изјави Јовановиќ за 24 сата.

Тамара се пофали дека ќе пее на Парадата на гордоста во Скопје

Тамара Тодевска ќе настапи на првата Парада на гордоста, која треба да се случи идниот викенд во Скопје.

Таа преку „Твитер“ соопшти дека е горда што ќе пее на 29 јуни.

Настанот ќе почне во „Жена бopeц”, а ќе заврши во школката кај Градскиот парк, каде што е предвидено да говори министерката за труд и социјална политика Мила Царовска и други говорници. За забавата покрај Тамара ќе настапат и други естрадни уметници и неколку диџеи.

ФОТО: Сашко Коцев во тон стилизирани со сопругата

Актерот Сашко Коцев и неговата сопруга, докторката Смиљана Бундевска сношти беа гости на забавата по повод 40. роденден на брендот „Пепси“.

Едноставна и шик, Смиљана избра зелен фустан со миди должина и балетанки. Облеката, таа ја надополни со ефектен накит и црвена плик чанта. Коцев облече зелено палто, во тон со својата сопруга.

Сашко ја побара Смиљана за жена на оригинален начин, на манифестацијата „Златна Бубамара на популарноста“ во Универзалната сала во февруари во 2012 година. Се венчаа истата година во септември. Во октомври во 2017 година, Смиљана и Сашко ја добија ќерката Јоана. Актерот тогаш славеше до рано наутро со своите пријатели во еден скопски ресторан.

Пред некое време на едно интересно интервју одговори и на прашањето што би бил ако не бил актер, и воедно раскажа што го поврзало со неговата сопруга.

– Ау, ова не сум го размислувал од петто одделение, кога и одлучив дека ќе бидам глумец. Ќе морам да се присетам. Мислам дека ќе бев лекар. Омилено нешто ми беше делот од биологија кој се вика анатомија. Да, дефинитовно лекар. Веројатно затоа се заљубив во докторка – низ смеа истакна Коцев во едно интервју.

Тамара, Калиопи и Елена Ристеска гласаа во „Ѕвездите на Гранд“

Вчера се одржа финалето на Ѕвездите на Гранд, а меѓу оние кои се бореа за победа беа и македонски претставници.

Од Македонија по евровизискиот начин на гласање, гласаа Елена Ристеска, Калиопи и Тамара.

Прва се вклучи Елена Ристеска која 8 поени му додели на Огнен Здравсковки, 10 за сега победничката Џејла Рамовиќ и највисоките 12 поени му ги додели на кумановецот Мартинијан Кириловски со што ги поддржа Македонците во Гранд.

Тамара Тодевска му даде 1 поен на скопјанецот Филип Пецовски, за Огнен додели 5, потоа 10 поени за Дарко Коцевски од Скопје и највисоките 12 поени на Тамара беа за Џејла.

Калиопи пак, 8 поени имаше за Огнен Здравсковки, Мартинијан од неа доби 5 поени, Дарко 3 и највисоките 12 поени од Калиопи отидоа за Џејла.

Популарно