Трамп и Пенс ги забранија геј знамињата

Потпретседателот на САД, Мајк Пенс, во интервју за Ен-Би-Си (NBC) ја бранеше одлуката на администрацијата на Доналд Трамп да забрани на амбасадите да се вее знамето на виножитото во текот на месецот (јуни), кога се организираат геј паради.

Според Пенс, забраната е „вистинската одлука”. Потпретседателот на САД рече: „Ние се гордееме што му служиме на секој Американец”, но „кога станува збор за американските амбасади и главните градови во светот, само едно американско знаме се вее”.

Пенс, кој претходно беше критикуван поради предупредување дека ќе има „распаѓање на општеството”, ако им се дозволи на хомосексуалците да стапуваат во брак, изјави дека администрацијата на Трамп не им наметнува ограничувања на американските амбасади да постават знаме на виножито или други знамиња на други места во мисијата.

На најмалку четири амбасади на САД, во Израел, Германија, Бразил и Латвија не им било дозволено да го постават знамето на виножитото. Ричард Гренел, амбасадорот на САД во Германија, кој призна дека е геј, води американска кампања за декриминализација на хомосексуалноста во светот. Тој најави дека би бил „горд” да го развее знамето на виножитото.

Но државниот секретар Мајк Помпео верува дека држачот за знаме во амбасадите мора да биде сочуван само за знамето на САД.

И покрај забраната, некои амбасади и конзулати, најмногу американските мисии во Сеул, Јужна Кореја, и Ченаи во Индија, закачија големи знамиња на виножито на фасадите. Амбасадата во Њу Делхи беше покриена со боите на виножитото.

Унгарецот Ласло Трошањи на местото на Хан

Новата претседателка на Европската Комисија Урсула фон дер Лајен денеска го номинира Унгарецот, Ласло Трошањи за нов комесар за соседство и проширување на Европска Унија.

Трошањи (63) е адвокат, поранешен судија, дипломат и универзитетски професор, а специјалност му е уставно европско и компаративно право. Тој од 2019 година е член на Европскиот Парламент, од владејачката партија во Унгарија, Фидес.

Претходно, Трошањи од 2014 до 2019 година беше министер за правда на Унгарија.

Тој во периодот од 2000 до 2004 година беше амбасадор на Унгарија во Белгија и Луксембург, а од 2010 до 2014 година беше амбасадор во Франција. Трошањи беше заменик член на Венецијанската комисија на Советот на Европа од 2005 до 2013 година и член на Уставниот суд на Унгарија од 2007 до 2010 година.

Трошањи е професор на Универзитетот во Сегедин.

Тој е роден во 1956 година во Будимпешта, а во 1980 година заврши Факултет по право и политички науки Трошањи е оженет и татко на три деца.

Урсула фон дер Лајен денеска ги презентираше своите предлози за новиот состав на Еврокомисијата. Кандидатите ќе бидат сослушани од страна на европратениците во наредните недели.

Претстои списокот да биде објавен во Службениот весник на ЕУ. Со тоа процедурата преминува во Европскиот парламент, каде ќе се гласа за номинираните еврокомесари, кои би требало да стапат на должност на 1 ноември со мандат до 31 октомври 2024 година.

Идни еврокомесари ќе бидат: Јоханес Хан (Австрија), Дидие Рејндерс (Белгија), Марија Габриел (Бугарија), Дубравка Шуица (Хрватска), Стела Кириакидис (Кипар), Вера Јурова (Чешка), Маргрете Вестагер (Данска), Кадри Симсон (Естонија), Јута Урпилајнен (Финска),

Силви Гулар (Франција), Маргаритис Схинас (Грција), Ласло Трочањи (Унгарија), Фил Хоган (Ирска), Паоло Џентилони (Италија), Валдис Домбровскис (Летонија), Виргиниус Синкјавичјус (Литванија), Никола Шмит (Луксембург), Хелена Дали (Малта), Франс Тимерманс (Холандија), Јануш Војчеховски (Полска), Елиза Фереира (Португалија), Рована Плумб (Романија), Марош Шефчович (Словачка), Јанез Ленарчич (Словенија), Жилва Јохансон (Шведска), Жозеп Борел (Шпанија), предложен претходно од ЕУ за висок претставник на ЕУ за надворешна политика и безбедност.

Во новата Европска комисија ќе има 13 жени и 14 мажи, меѓу кои осуммина досегашни еврокомесари.

Огромен пресврт во Италија: Место избори - нова коалиција и влада!

Драматичен политички пресврт во Италија. Партијата на екстремната десница предводена од евроскептикот Матео Салвини ќе биде надвор од Владата откако премиерот во оставка Џузепе Контe успеа да стаса до договор за коалиција со Демократската партија, која идеолошкки му припаѓа на левиот центар. За да се формализира новата коалиција потребно е таа да добие согласност од претседателот Серџо Матарела. Тој се очекува тоа да го стори утре изутрина и официјално да му даде мандат на Конте да го состави својот нов Кабинет.

Договорот меѓу Движењето Пет Ѕвезди на Конте и Демократската партија на Никола Цингарети претставува неверојатен расплет на политичката криза која ја предизвика кој лидерот на националистичката партија Лига, Матео Салвини. Тој ја напушти владината коалиција и го примора премиерот Конте да поднесе оставка. Целта му беше да бидат распишани предвремени избори на кои тој и неговата партија, според анкетите беа во предност.

На почетокот на август, се наликуваше дека Салвини ќе стане премиер и ќе ја претвори Италија во најцврста, крајно десничарска земја во Западна Европа. Наместо тоа, Италија е на работ да има многу различна влада, влада што не ја вклучува најпопуларната партија во земјата.

Според договорот што го постигнале лидерот на „Пет Ѕвезди“ Лиуџи ди Мајо и Никола Цингарети, Џузепе Конте останува премиер, а нејзините политики ќе бидат сосема спротивни од кои ги диктираше Салвини. Аналитичарите тврдат дека тие нема да се базираат на антимигрантска политика и не само што ќе ја возобноват, туку и ќе ја продлабочат соработката со Брисел. Новата италијанска влада, според нив, ќе биде исправена пред сериозен предизвик, да го ослабне рејтингот на Салвини со тоа што беспрекорно ќе одговори на длабоко вкоренетите економски проблеми во земјата.

„Ние ја сакаме Италија и сметаме дека вреди да се обидеме со ова ново искуство. Ќе им ставиме крај на омразата и на стравот“, изјави лидерот на демократите Цингарети кој е жесток противник на идеологијата што ја промовира Салвини.

Инаку, во минатиот период имаше сериозни несогласување и меѓу Цингарети и Конте, но се очекува преку соработката во владата тие да ги надминат меѓусебните препирки со што ќе им се отвори можноста да управуваат до крајот на мандатот, кој би завршил во 2023 година. Дотогаш, на Салвини, оставен без моќ за одлучување, се очекува во голема мера да му се намали популарноста која тој токму сега сакаше да ја искористи во своја полза со барањето да им се врати мандатот на избирачите.

Инаку, последните неколку недели откако Салвини предизвика пад на владата, неговата поддршка се намалила на 34 проценти од 39 проценти на крајот на јули. Според анкетите, сега Конте е политичарот со најголема доверба во Италија.

Шокантно ВИДЕО: Откриено зошто горат белите дробови на планетава!

На Фејсбук се појави шокантно видео во кое како што наведува авторот на видеото, владата на  претседателот на Бразил, Болсонеро е виновна за пожарите во прашумата.

За што поточно се работи погледнете во видеото:

Популарно