ФОТО: Македонија беше домаќин на BMW Football Importers Cup

Изминатиот викенд компанијата М Кар беше домаќин на настанот BMW Football Importers Cup, кој оваа година за прв пат се оддржа во Скопје, во Националната Арена Тоше Проески од 28.06.2019 до 30.06.2019.

Победник на натпреварот беше екипата на BMW Египет.

BMW Football Importers Cup 2019 во својата суштина е тим-билдинг настан, фудбалски натпревар за импортерите на BMW од регионот Африка, Карибите и Источна Европа. Овој настан веќе неколку години традиционално се оддржува во различна земја од овој регион. Оваа година се оддржа по четврти пат во Скопје, по организираните натпревари во Минхен, Загреб и Белград во изминатите три години.

На настанот присуствуваа претставници на највисокото раководство на BMW Group за регионот, имено д-р. Томас Рин, генерален директор на BMW Group за регионот: Африка, Карибите и Источна Европа, како и останати претставници на високиот менаџмент од BMW Group и импортерите на BMW.

ВИДЕО: Одбојкарите пречекани со песна и трубачи во Скопје

Македонската одбојкарска репрезентација пристигна попладнево во Скопје по завршувањето на настапите на Европското првенство во Словенија.

И покрај пропуштената шанса за осминафинале, одбојкарите оставија позитивен впечаток со двете победи против Белорусија и домаќинот Словенија, па во Скопје беа пречекани од бројни фанови, но и песна и трубач оф оркестарот Џамбо Агушеви.

Македонија нема да игра во осминафинале на Европското одбојкарско првенство

За жал нашата репрезентација нема да игра во осминафинале на Европското одбојкарско првенств. Финска ја совлада Турција со 3:2 (по сетови: 25:20, 15:25, 18:25, 25:23, 15:12) и двете селекции, заедно со Русија и со Словенија од групата Ц, продолжуваат во топ 16 фазата.

На „црвено-жолтите“ им беше потребна било каква победа на турските одбојкари против Финска за место во нокаут фазата, мисија што, сепак, останува да се брка во некоја наредна прилика.

Осминафиналисти на ЕП 2019, покрај четирите селекции од групата Ц, се и Франција, Италија, Бугарија и Грција од групата А, Србија, Белгија, Германија и Словачка од групата Б и Полска, Украина, Холандија и Чешка од групата Д.

Македонските одбојкари не разочараа во дебитантскиот настап на континенталните смотри. Го освоија претпоследното место во Љубљана со скор од две победи – против Белорусија и Словенија по 3:1 и три порази – од Финска (1:3) и од Турција и од Русија по 0:3.

Познат е домаќинот на финалето на ЛШ во 2023 година

Најавено е дека  на состанокот во Љубљана следната недела,  Извршниот комитет на Европската фудбалска асоцијација, УЕФА,ќе обелодени каде ќе се играат наредните финалиња од машката Лига на шампиони.

Неофицијално финалето во 2021 година ќе се игра на „Крестовски“ стадионот во Санкт Петербург, потоа во 2022 година финалето би требало да се игра во Минхен на „Алијанц арената“, а во 2023 година, финалниот меч ќе се игра на „Вембли“ во Лондон.

Последното финале на „Вембли“ се играше во 2013 година, и ќе помине точно една деценија пред повторно Лондон да биде домаќин на овој настан.

Финалниот меч од оваа сезона ќе се игра во Истанбул.

Популарно