Македонец се „пресекол" кога влегол во бањата

Летото и летните горештини се период во кој граѓаните треба да бидат особено внимателни при изложување на сонце поради опасноста од топлотен бран, но не ретко, треба да се внимава и на се почестата појава на разни влекачи, пред се змии и домови, кои се населуваат и во урбаните средини. И не само во урбаните средини,туку и во домови на некои граѓани, за каква што случка ни раскажа Миодраг Миленковски од Крива Паланка.

Неодамна во неговата бања во семејната куќа во населба Црвена нива, во атарот на село Кошари, влегол смок со должина од околу два метри, кој со помош на соседот успеале да го отстранат од домот.

– Беше топло, нешто по пладне, околу 13 часот. Бев на работа, кога ми се јави сопругата, ужасната, исплашена и видно вознемирена, викајќи ме итно да дојдам дома. Побрзав и кога стасав ми покажа на бањата, отворајќи ми ја вратата. И јас се исплашив кога видов, смок, сиво- црн, со жолт труп, стои обвиткан околу водоводната цевка.  Не знаејќи што да правам, со еден стап се обидов да го избркам, но тој влезе под кадата. Го повикав соседот Доне Стојановски, бидејќи знам по кажувања од негова страна дека имал искуство со змии и влекачи. Дојде, па заедно ја отстранивме кадата, а смокот повторно се врати на цевката и се обвитка околу неа. Доне храбро, со заштитни ракавици умешно го фати жив смокот со рацете, за глава и опаш, за среќа без да има какви било несакани моменти, изјави Миленковски.

Вели дека дваесет години живее во куќата, а досега првпат има ваков случај, немал забележано ниту во близина на домот влекачи.

Чичко Доне раскажува дека не му било страв да го улови смокот.

– Не ми беше страв, видов дека е смок, го распознав и дека е мажјак, има позаоблена опашка. Го фатив и го однесов надвор, а тој се качи на едно блиско дрво, па се спушти и исплашено побегна каде што треба да биде, во шумата. Сум имал повеќе ситуации уште од младоста, да бидам во близина на смок змија. Еднаш спасив една млада жена, доилка од женка- смок, морав да ја отепам, а смочицата всушност имаше во себе околу 15 јајца кои најверојатно ќе ги положила и ќе изведеше мали смоци. Другпат при ископ на камен отепав змија, рече Доне Стојановски.

Смокот успеал да се провре низ дел од дотраената мрежа на прозорецот од бањата и влегол внатре, но за среќа успешно е отстранет. Но, она што е интересно е случката од следниот ден.

– Утредента повторно се соочивме со непријатност, повторно ме повика сопругата бидејќи, наводно, смокот се вратил. Јас заедно со Доне отидов дома, но не стануваше збор за смокот од претходниот ден, туку за женката – смок, која сигурно според нас, влегла со смокот заедно, можеби се пареле, а таа најверојатно преноќила во нашиот дом под машината за перење алишта каде што ја пронајде сопругата. И неа ја исфрливме од домот жива, бидејќи постојат верувања во народот дека во секоја куќа има или змија, или смок. Се вели- смокот е домаќин и не треба да се тепа, а змијата е штетник, додаде Миленковски.

Според други верувања, во секоја куќа има змија или смок. Доколку во домот владее хармонија и мир, таа куќа ја чува смок, а ако во домот има недоразбирања и кавги, во куќата има змија.

Во секој случај, внимателно при движење во природа, во обраснати предели, но и на улица периодов, во времето на горештини кога влекачите се најраспространети. 

Мачка и го одзема животот на малата Александра, додека мајка и вршела домашна работа

Мачка уби бебе, додека спиело во својата количка, додека мајката на детето вршела домашна работа. Мајката на бебето отишла да ја провери ќерката Александра, која ја оставила во дворот позади куќата во Липовецки, Украина.

22 годишната мајка се приближила до бебето и здогледала дека една од домашните мачки седи на лицето на бебето.

Кога се приближила мачката избегала од количката, но за жал бебето веќе било задушено и не дишало. Мајката повикала брза помош, кои испратиле веднаш возило и екипа од лекари, но за жал било доцна.

Затоа органите на безбедноста советуваат да се внимава со малите деца и домашните миленици. Важно е да не ги оставате без никаков надзор, тие сепак се животни и од небрежност можат да го чинат вашето бебе еден живот.

Гинеколог обвинет дека продавал снимки од скриена камера поставена во неговата ординација

Полицијата го истражува украинскиот гинеколог обвинет дека продавал снимки од скриена камера поставена во неговата ординација. Снимки и фотографии од негови десетина пациентки биле пронајдени на порно страница.

Случајот бил откриен откако една жена која побарала да остане анонимна, се видела себеси на гинеколошки преглед на порно страница, додека докторот Вјенчеслав Триполко ја прегледува со ултразвук.

Полицијата веднаш упаднала и ја пребарала гинеколошката ординација во украинскиот град Одеса каде што била пронајдена скриена камера. Полицијата открила повеќе снимки од голи пациентки, кои подоцна биле објавувани на сајтови со порнографска содржина.

Гинекологот Триполко е обвинет за илегално производство и дистрибуција на порнографија и му се заканува затворска казна од седум години.

Како што пренесуваат локалните медиуми, станува збор за угледен и популарен гинеколог во Одеса. Тој не бил задржан во притвор, но му била одземена лиценцата за работа.

Пациентката која му испратила неколку пораки на докторот после шокантното откритие, вели дека гинекологот цело време негирал дека тој стои зад снимките.

„Тој мисли дека е само пион во нечија валкана игра. Обвини и некои други гинеколози дека поставиле камера во неговата ординација и потоа ги објавиле снимките на интернет. Тој изјави дека секој можел да ја постави камерата. Треба да се докаже дека Триполко снимал и дистрибуирал“, изјави пациентката.

Обвинетиот гинеколог вели дека минатото лето нарачал поставување на нов аларм во клиниката. Тврди дека во тој период секој можел да постави скриена камера, но сепак фатен е во лага затоа што некои снимки биле значително постари.

Директорот на болницата каде што се наоѓа гинеколошката клиника, доктор Олег Лукјанчук изјави: „Најпрвин мислев дека станува збор за нечија болна и злонамерна шега. Како граѓанин, како човек, како доктор, целосно сум згрозен“.

Студентка од САД легнала да спие и никогаш повеќе не се разбудила

Шејла Ровел проговорила за своето страдање, откако нејзината 21- годишна ќерка отишла да си легне во кревет поради главболка, а не сфатила дека добила смртоносен облик на менангистис.

Џесика се вратила дома од фестиван на кој била со пријателите и пшретпоставила дека несе чувствува добро поради забавата.

Студентката заспала, но никогаш повеќе не се разбудила, оставајќи ја својата мајка уништена откако го пронашла наредното утро нејзиното беживотно тело.

„Дознавме за болеста после обдукцијата. Пред тоа немавме појма што се случува.Никој од нас не може да верува дека ја нема“ рекла мајката.

Таа станала да оди на работа и одлучила да ја разбуди ќерка си пред да оди, но штом влегла во собата видела дека нејзината ќерка лези со лицето надолу. Повикала брза помош кои  кажале да ја реанимира додека да стигнат, но безуспешно, на девојката и немало спас.

Раните симптоми на менингитис и септикемија може да вклучуваат треска, главоболка, повраќање, болка во мускулите и ладни раце и нозе.

Симптомите може брзо да се влошат, а во најлоши случаеви се умираво рокод неколку часа. Поради тоа Шејла ја споделува својата тажна судбина, сакајќи да ја подигне свеста за оваа опасна и тивка болест.

Популарно