ЛГБТИ: НЕ Зоран Заев, ЛГБТИ заедницата нема да ти прости!

Само неколку минути по објавувањето на изјавата на премиерот Зоран Заев, кој коментирајќи ја аферата „Рекет“, рече дека нема да дозволи некој да го инволвира него, ниту пак, „неколку криминалци, еден суетен новинар и еден педер“ да ја срушат Владата, социјалните мрежи се преплавија со реакции.

„Што му е на премиерот?“, „Ќе следуваат ли сега извинувања до небо?“, „Ќе му прости ли ЛГБТ заедницата на Заев?“, се само дел од реакциите на социјалните мрежи.

Уранија Пировска, извршната директорка на Хелсиншкиот комитет за човекови права на својот Фејсбук профил напиша дека „се што се правело досега било тешка демагогија“.

„Гнасно по многу основи! Толку од прифаќањето на различностите и нивното почитување! Тешка демагогија било се што се збореше и правеше претходно! НЕ Зоран Заев, ЛГБТИ заедницата нема да ти прости!“, напиша таа.

И програмската координаторка на Хелсиншкиот комитет, Билјана Гинова, напиша:

„Нема да дозволам хомофоб да ни ја води (доуништи) државата, нека ми извинат политичарите“.

Луми Бекири, активист за човекови права, вели дека зборот „педер“ се смета за навредлив и политички некоректен пејоративен израз за да се означи геј популацијата и дека Комисијата за заштита од дискриминација треба да поведе постапка.

„Тој израз особено не смее да се користи од луѓе на моќ, а и не се користел од ниеден политичар до сега при јавен настап во Македонија, дури ни од оние најхомобичните и најнеписмените – ко поранешниот премиер Груевски. Првенствено, доколку со таквиот израз се мисли на лицето Бојан Јовановски, истиот никогаш се нема декларирано за својата сексуална определба јавно, па така премиерот веројатно знае од некои други извори за тоа па го опишува истиот на навредлив начин. Друго, и да е најдолното суштество на оваа планета, ниеден граѓанин не заслужува да биде нагрден со такви пејоративни епитети од страна на еден премиер, кој треба да е еднаков за сите. Се надевам дека ќе се покрене постапка во Комисијата за заштита од дискриминација за овој скандалозен случај, а случајот “Рекет” конечно ќе довие некаква разврска и правдата да победи“, напиша тој на својот профил на Фејсбук.

Казна од 200 евра за родителите чие прваче беше избркано од училиште со полиција

Родителите на првачето од ОУ „Блаже Конески“ во Велес, кое сè уште не посетува настава затоа што ја нема примено потребната вакцинација, добија глоба од 200 евра.

Станува збор за случајот во кој првачето наводно било отстрането од настава со полиција, но како што информираа од СВР Велес, тоа не било бо контакт со полицијата.

Од здружението „Од нас за нас“ информираат дека детето било запишано во текот на мајскиот уписен рок, за да на 4 септември директорот усно им соопшти на родителите дека детето не е

примено.

Зошто е тоа така – родителите не добиваат писмен одговор. Немајќи писмен одговор, родителите продолжуваат да го носат детето на училиште, за да подоцна биде отстрането од настава со полициска асистенција.

Родителите поднесоа претставка до Инспекцискиот совет, по којашто тие не можат да се произнесат заради тоа што МОН сè уште нема доставено решение, вели Гордана Гоџо од Здружението.

Директорот на ОУ „Блаже Конески“ – Велес, исто така јавно го повикал МОН за решение за случајот.

По инцидентот со полицијата, родителите одлучуваат да почекаат официјално решение и известување, за детето да не трпи дополнителни психолошки трауми.

Од страна на ДПИ, на родителите деновиве им стигна прекршочен платен налог, со кој се одредува глоба од 200 евра, во денарска противвредност. Глобата е изречена според член 168, став 4 од Законот за основно образование: „Глоба во износ од 200-250 евра е предвидено за родителот, старателот ако не му овозможи на своето дете да ја исполни обврската за задолжително основно образование и воспитание“. Се прашуваме кој овде треба да биде казнет? По чија вина всушност детето не е во училиште?, прашуваат од Здружението.

Од „Од нас за нас“ додаваат дека додека Министерството за образование не може да се одлучи дали ќе го почитува Уставот, родителите и децата страдаат.

Видео: Од 45 вработени во погонот со линдан во Охис, денес само еден е жив

Првиот човек кој се врабиотил во погонот со линдан во Охис, Реџеп Ајраловски денеска е единствениот жив сведок. Вели го спасил животот на село, но деновите поминати работејќи со линдан биле кобни за неговите колеги - 45 на број.

Без соодветна заштитна облека, во тешки услови во Охис работел и Киро Пешевски. Од живата и хлорот со кои 34 години бил во директен контакт и денес има потешкотии во дишењето и мора да пие лекови.

Вработена во мензата на фрабриката која не сакале да зборува пред камерата на Телма, изјавила дека тешко било дури и да се одржи и вегетацијата во дворот на Охис, од токсичната почва. Според изјавите на поранешните вработени, пред околу 40 години на еден систематски преглед сите вработени имале ист резултат – замастување на црниот дроб, заболување што може да е предизвикано од вдишување на хемиски супстанци.

Холандскиот сенат го ратификуваше Протоколот за НАТО

Холандскиот сенат попладнево го ратификуваше Протоколот за пристапување на Северна Македонија во НАТО. Информација на неговиот Фејсбук профил ја сподели министерот за надворешни работи Никола Димитров.

По добивањето зелено светло од Холандија, Протоколот за НАТО ќе треба да го ратификуваат уште Франција и Шпанија со што земјава и формално ќе стане 30 полноправна членка на Алијансата.

Министерката за одбрана Радмила Шекеринска денеска изјави оти се очекува до крајот на ноември или до Лондонскиот самит да заврши ратификацијата и во Франција, по што останува само ратификацијата во Шпанија, за што поточни проценки ќе можат да се направат дури откако ќе биде јасна новата влада.

Според најавите, првата седница на шпанскиот Парламент ќе биде почетокот на декември. Секое шпекулирање сега, ќе биде само шпекулација. Многу внимателно ги следиме настаните, ја испраќаме континуирано пораката дека е многу важно за нас, но и за регионот, нашето членство час поскоро, изјави Шекеринска, која денеска изврши увид во новореновираните и комплетно опремени лаборатории во Воената академија „Генерал Михаило Апостолски”, во касарната „Гоце Делчев”, во кои е инсталирана напредна образовна технологија наменета за проектот за напредно учење на далечина.

Популарно