МВР „влезе“ во Грчец, Сарај и Студеничани

Голема полициска акција вечерва се спроведува во подрачјето на Сарај, како и во селата Грчец и Студеничани, пишува Алсат

Како што дознава Алсат, во акциите учествуваат припадници на редовната полиција и единиците за брзо распоредување.

Шпанија е светски шампион

Шпанија е новиот светски кошаркарски владител откако во финалето на Светското првенство во Кина ја победи селекцијата на Аргентина со убедливи 95:75

Се очекуваше многу понеизвесно финале, но Аргентина изгледаше тотално немоќно во битката за златото, како да беа потрошени од претходните средби и емотивно и физички, ништо не функционираше во составот на гаучосите.

За разлика од нив Шпанија покажа доминација, направи разлика уште на самиот почеток и само ја одржуваше предноста, во текот на целиот меч го имаше резултатот под контрола.

Аргентина немаше водство во ниту еден момент од натпреварот, Шпанија ја доби првата четвртина со 23:14, a на одморот се замина со нивна предност од 43:31. Во вториот дел Аргентинците се обидуваа да се вратат во мечот, но ниту еднаш не успеаа да дојдат до едноцифрена негатива, на крајот Шпанија победи со 20 поени разлика, 95:75. Рики Рубио со 20 поени беше најдобриот поединец во Шпанија, Љуљ постигна 15, Гасол 14. За разлика од полуфиналето, денеска Скола имаше очајна партија, даде осум поени со катастрофален шут од поле, еден од десет, убедливо најдобар во составот на Аргентина беше Габриел Дек со 24 поени. И покрај лошата претстава во финалето Аргетнина може да биде горда на освоеното сребро, најголемите честитки одат за Шпанија која е новиот светски шампион. Претходно Франција ја освои бронзата откако во мечот за третото место ја совлада Австралија со 67:59

Македонец загина на Олимп

Членот на планинарско друштво „Шкупи“  Мефали Гури од Скопје, роден 1962 година, е планинарот кој загина на планината Олимп.  Оваа информацијата ја потврдија и од Министерството за надворешни работи, но и од неговото планинарско друштво пренесе порталот Sport 1.

Од својот член клубот „Шкупи“ се прости и преку социјалните мрежи. Од ова друштво потврдиле дека Гури во саботата околу 20 часот, застанал во близина на планинарскиот дом, се наведнал над стаповите и паднал во несвест, по што паднал 10ина метри кон амбисот.

Другите планинари по само неколку минути, притрчале и се обиделе со дефибрилатор да го вратат во живот, но за жал, безуспешно.

Kако што веќе објавивме, според сведочењето на очевидци, планинарот на 100 метри пред планинарскиот дом „Спилиос Агапитос“ застанал, по што изгубил рамнотежа и паднал во бездна.

Причината за смртта ќе се знае по обдукцијата која ќе се изврши утре во Солун, а според првичните претпоставки, најверојатно, планинарот Гури добил срцев удар.

Труење од храна во Брвеница

Државниот санитарен и здравстен инспекторат од ПО Тетово го затвори објектот и изврши инспекциски надзор.Како што соопштија од Министерството за здравство, денеска по добиената телефонска дојава од страна на ЈЗУ-ЦЈЗ Тетово, во врска со труењето со храна во угостителски објект во село Брвеница, Тетово, Државниот санитарен и здравстен инспекторат од ПО Тетов изврши е вонреден координиран инспекциски надзор со претставници од ЈЗУ ЦЈЗ Тетово и инспектори од Агенција за храна и ветеринарство ПО Гостивар. Општата санитерно-хигиенска состојба во објектот е на задоволително ниво, во објектот има уредни санитарни книшки за 11 вработените со извршен санитарен преглед во рок како и потврда за извршен ДДД од овластена установа исто така во рок. Од страна на ЦЈЗ Тетово во соработка со ДСЗИ земени брисеви од раце од 5 затекнати вработени лица при надзорот како и шест брисеви од нежива средина прибор, рабтни површини и опрема.

 Надзорот од страна на ДСЗИ е направен по епидемиолошка индикација односно заради тоа што на ден 14.09.2019год.во вечерните часови, пет лица со симптоми на труење со храна побарале лекарска помош во ЈЗУ УК Инфективни болести и фебрилни состојби, а кои согласно епидемиолошката анкета конзумирале храна во текот на денот во ресторанот Бакал Бакеро експорт импорт ДООЕЛ од Брвеница, Тетово, информираат од министерството.Со цел да се превенира натамошно ширење на евентуално труење со храна, објектот како потнцијален извор на заразна болест, од страна на ДСЗИ ПО Тетово записнички и со службена лента е збранет и затворен за употреба се до добивање на резулати од земените примероци и спроведување на потребни санитарно-хигиенски и противепидемиски мерки./МИА 

Популарно