Таа бара „снимките“ да не се користат „против“ Јанева

Вести

на 9.2019

Ирена Фрчкоска-адвокатката на Катица Јанева во нејзиното гостување во емисијата „360 степени“ изјави дека ќе бара снимките на Орце Камчев да не бидат користени како докази, бидејќи се прибавени на нелегален начин.

–Сега ќе треба да видиме дали тие снимки ќе можат да се користат како докази во постапката, бидејќи се прибавени на нелегален начин. Не може како „бомбите“ кои се користат како докази, бидејќи тие иако беа прибавени на нелегален начин, беа озаконети со Законот за специјално обвинителство. А, овие снимки се третираат како докази прибавени на незконит начин и како такви треба да бидат издвоени во постапката, изјави Фрчкоска на гостувањето во емисијата „360 степени“.

Според неа е спорно и што во образложението за разрешување на Јанева се користи терминот „незаконито дејствие“.

–Јас очекував да ја разрешат од функцијата специјален јавен обвинител. Спорна е одлуката со која таа е разрешена од функцијата јавен обвинител во Гевгелија и како тоа беше поистоветено со разрешување од специјален обвинител. За мене е спорна употребата на терминот „незаконито дејствие“, бидејќи тоа се одредува само со судска пресуда. Ниту Советот на јавни обвинители, ниту Парламентот не можат да утврдат незаконитост, вели Фрчкоска.

Во два одделни случаи, двајца пешаци прегазени во Скопје - со тешки повреди се пренесени во болница

Вести

пред еден час

Вчера во два одделни случаи двајца пешаци се прегазени на територијата на Скопје. Од МВР велат дека првиот случај настанал во 17 часот додека вторио е околу 20 часот. И во двата случаи пешаците со тешки телесни повреди се однесени во болница.

На 19.04.2024 околу 17.00 часот во СВР Скопје било пријавено дека на бул.„Кочо Рацин“ во Скопје, патничко возило „опел инсигниа“ со скопски регистарски ознаки, управувано од Ј.В.(62) од Скопје, удрило во пешакот К.П.(67) од Скопје. Во несреќата со тешки телесни повреди се здобила К.П., констатирани во Градската општа болница „Св.Наум Охридски“. Увид на местото извршила екипа од СВР Скопје.

Околу 20.00 часот во СВР Скопје било пријавено дека на надвозникот кој води кон Раштански пат – Скопје од автопатот, патничко возило „бмв“ со скопски регистарски ознаки, управувано од С.И.(31) од Скопје, удрило во пешакот И.З.(59) од Скопје. Во несреќата со тешки телесни повреди се здобил пешакот констатирани во Градската општа болница „Св.Наум Охридски“. Увид на местото извршила екипа од СВР Скопје.

ПОЦ: Претпријатието не го регулира паркирањето кај „Пролет“ и таблата не е поставена од наша страна

Вести

пред 3 часа

Во близина на полициската станица „Пролет“од пред неколку денови поставена е табла на кој стои дека паркингот се наплаќа 60 денари од час, на таблата стои и логото на општинското претпријатие „Паркинзи на Општина Центар“.

По реакциите на граѓаните, Скопје Инфо побара став од општинското претпријатие од каде велат дека тие не стопанисуваат со конкретната локација и дека таблата не е поставена од нивна страна.

„ЈП Паркинзи на Општина Центар ве информира дека на наведената локација не е воведено зонско паркирање и нема одлука за воведување. Претпријатието ниту денес ниту во изминатиот наведен период не постапува, односно вработените контролори на ЈП ПОЦ не го регулираат паркињето на наведената локација. Таблата на сликата не е поставена од страна на ЈП ПОЦ, а и дизајнот на истата не соодветствува со сегашниот дизајн на таблите на претпријатието, кој се користи веќе неколку години“, се вели во одговорот од ПОЦ.

Од таму додаваат дека ќе ја разгледаат можноста за пријава и правно постапување против сторителот.

Сергеј Трифуновиќ утре ќе биде сослушан во врска со неговото апсење поради поседување дрога

Балкан

пред 15 часа

Српскиот актер Сергеј Трифуновиќ синоќа беше приведен откако кај него била пронајдена дрога, а како што дознава српскиот медиум „Нова.рс“ утре ќе биде сослушан во обвинителството.

Трифуновиќ беше приведен околу 20.00 часот во Вождовац откако, како што се сомнева, купувал марихуана од познаник. Со него е приведен и С.М.(31) од кого актерот наводно ја купил марихуаната.

Трифуновиќ по апсењето доби притвор до 48 часа, а утре ќе биде спроведен на распит во обвинителството. По рочиштето ќе се знае дали ќе биде ослободен или приведен.