Докторка херој во целиот регион: Мајка на раце го донела бебето клинички мртво, а потоа лекарката успеала да го спаси

Црногорската јавност е воодушевена од докторка педијатар, Алма Хајдарпашиќ Дресевиќ, откако мајка на една пациентка на фејсбук објави драматична случка.

„Во четвртокот навечер, контролниот преглед на мојата ќерка го прекина една уплакана мајка носејќи го во рацете едногодишното дете кое не даваше знаци на живот.

Детето се загушило додека си играло и беше клиничи мртво- не дишеше ниту имаше отчукување на срцето. Доктроката очајнички се обидуваше да го извади страното тело од грлото на детето и на крајот успеа. Сама постапи, направи реанимација и масажа на срцето и вештачко дишење, метод уста на уста иако на детето му беа крвави усните, домот немаше друг начин за да се направи тоа“ напишала мајка која била сведок на целата случка.

Таа истакнала дека само благодарение на присебноста на докторката го спасило детето.

„Итната помош стигна неколку минути подоцна и го одведе детето на интензивна, а сега дознавме дека детето е во стабилна состојба.Сепак не знаеме дали ќе има некоја последица пради времето кое остана без кислород. Пофалби за совршениот педијатар, за ова не пишаа ни родителите, ниту докторите, па почувствував потреба да го споделам овој надчовечки подвиг“ напишала мајката.

Нешто подоцна се огласила и докторката.

„Дете од година и пет месеци проголтало шаховска фигура. Детето веќе беше мртво, немав многу време да размислувам. Само мислев како да го извадам страното тело кое беше заглавено во неговото грло, секоја секунда беше драгоцена. За среќа успеав. Кога го извадив морав да направам реанимација, уста на уста и масажа на срцето. После две реанимаци, слушнав отчукување на срце.Кога го направив и третиот циклус на реанимација морав да продолжам бдејќи иако имаше срцева реакција, детето не дишеше“ раскажала докторката.

Откако четири пари му давала вештачко дишење, детето почнало да дише па почнало да плаче.

„Во тој момент знаев дека детето е спасено.Итната помошвеќе беше на пат, срцето работеше, а  детето дишеше.Мислев дека можеби ќе биде на респиратори.Добив информација дека детето во средата било отпуштено од болница. Најголемо задоволство во животото ми е дека детето преживеа“ рекла докторката.

Полицијата го прекина пребарувањето на теренот: „Јасно е дека Данка не е на ова подрачје“

Припадниците на српската полиција по 27 часа детално пребарување на теренот во потрага по двегодишната Данка Илиќ во приградската населба Бањско Поље и Брестовачка бања, ги прекинаа понатамошните претреси, со оглед дека сите досегашни резултати укажуваат дека девојчето не е на овој простор од околу 10 квадратни километри, пренесува српски Телеграф.

Полицијата продолжува со интензивна оперативна работа за утврдување на сите факти и околности поврзани со исчезнувањето на детето, за што јавноста ќе биде навремено информирана, соопшти полицијата.

Според неофицијални информации на порталот Нова.рс, српската полиција има индиции кои ја одвеле истрагата надвор од местото на исчезнувањето на девојчето, а кон тие траги се упатени полициските единици.

Уште се трага по исчезнатото 2-годишно девојче во Србија

Во Србија се уште е безуспешна потрагата по двегодишно девојче од Бањско поле крај Бор, Данка Илиќ, која вчера попладне изчезна крај својот дом, а денеска потрагата се прошири и преку контрола на патните правци од Бор кон Зајечар и други населени места, јави дописникот на МИА од Белград.

-Данка Илиќ, стара две години исчезна во 13 часот и 45 минути во населбата Бањско поле во град Бор. Девојчето исчезна на непристапен терен, обраснат со густа шума. Таа има кафена коса, кафени очи, висока е околу 85 сантиметри, во моментот на исчезнувањето носела виолетови панталони, маслинесто зелена јакна, црни патики и косата и е врзана во опавче. Доколку имате информации јавете се во полиција на 192, добија за прв пат СМС порака граѓаните на Србија преку системот „Пронајди ме“ и со прекинување на ТВ и радио програмите, прикажување на екраните на автопатите, аеродромите, железничките и автобуските станици.

Се прегледавме. Шумата ја пребаравме 15 пати. Само постои можност некој од страна да не дошол и го собрал детето. Од тоа најмногу се плашам, изјави комшија на фамилијата Илиќ, изразувајќи сомнеж дека детето е киднапирано.

Според медимите, двегодишното девојче е исчезнато на работ од приградската населаба Бањско поле, каде има густа шума. Полицијата почнала со претрага 15 минути по пријавувањето на исчезнувањето, а потоа, за еден час пристигнале 200 полицајци кои извршиле безуспешна претрага во шумата и околу домот на девојчето. Претпоставка е дека двегодишно дете неможе далеку да отиде од својот дом.

Сомнежите дека девојчето е киднапирано за откуп се отфрлени од полицијата, оти нејзините родители не се добро ситуирани.

-Комшијата кажа дека таа била сама пред мојата врата, но јас не ја видов. Вакво нешто досега не се случило. Ова е многу жално. Навистина велам, не дај Боже на некој вакво нешто да му се случи. Душата ме боли и ми доаѓа да умрам, изјави жителка на Бањско поле.

Потрагата по двегодишното девојче трае над 24 часа, а се проверуваат домаќинства и викендици, патиштата, полињата, густата шума. На терен е полицијата, пожарникари-спасувачи, Жандармеријата со кучиња трагачи, рударите од градот и бројни граѓани. Во потрагата по девојчето во која се вклучени околу 2.000 луѓе се користат и дронови со термо камери и хеликоптери. Се врши и строга контрола на сите возила на патните правци околу Бор.

Во Србија за прв пат е лансиран системот Пронајди ме! кој е наменета за итно известување на јавноста во случај на исчезнување на малолетно лице, со што ќе се овозможи брза дистрибуција на информации до сите граѓани преку субјектите надлежни за информирање на јавноста, кога полицијата ќе оцени дека објавувањето на оваа информација во јавноста би придонела за пронаоѓање на детето.

Активиран системот „Најди ме“ во Србија по исчезнувањето на двегодишно девојче во Бор

Двегодишното девојче Данка Илиќ денеска попладне исчезнало во околината на градот Бор во Источна Србија, по што во земјата по првпат е активиран системот „Најди ме“ (Amber Alert) со кој јавноста веднаш се известува за исчезнување на дете. 

Девојчето, како што се наведува во соопштението на системот, исчезнало во приградската населба Банско Поле во околината на Бор. Како што јави српскиот национален сервис (РТС), на терен се припадници на полицијата, пожарникари спасувачи, членови на доброволно противпожарно здружение и на планинарската служба за спасување. Се очекува од Ниш да пристигнат и припадници на Жандармеријата со кучиња трагачи.  

Во акцијата се вкучиле и граѓани на Бор, пријатели и членови на семејството на исчезнатото девојче. Во потрагата во која се користат и дронови со термокамери, според РТС, учествуваат околу 2 000 луѓе. Според српскиот национален сервис, девојчето исчезнало околу 13 часот на непристапен терен, обраснат со густа шума.

Системот „Најди ме“ или Ambert Alert, кој постои во повеќе земји, е наменет за итно известување на јавноста во случај на исчезнато дете. Тој овозможува брза дистрибуција на информации до сите граѓани, кога полицијата ќе оцени дека нивното објавување може да помогне за пронаоѓање на детето. Итното известување подразбира испраќање порака за исчезнувањето со сите релевантни информации, прекин на ТВ- и радиопрограми, испраќање СМС-пораки до сите граѓани, прикажување на информацијата на екрани на автопатиштата, аеродромите, железничките и автобуските станици.

Популарно