Голем број на Македонци се на зимување во Бугарија - погледнете колкави се цените

Зимските туристички центри во Бугарија го држат приматот на топ-дестинации во кои македонските граѓани сакаат да одат на зимување. Вистинските скијачи ги преферираат Боровец и Пампорово, а оние кои сакаат и да прошетаат се заинтересирани за понудите во Банско.

– Најверојатно близината, пристапните цени и големиот избор за сместување се причината поради која овие туристички центри сè уште се најинтересни за македонските граѓани, велат од туристичките агенции со кои контактираше МИА.

Од туристичката агенција „Кондор“ посочуваат дека поголем интерес за зимување имаат за Боровец и за Пампорово, отколку за Банско, кое е поактуелно за новогодишните празници.

Во споредба со минатата година, нема поголема разлика во цените. Така, аранжманите за полупансион во хотелите во Банско почнуваат од 30-тина евра дневно, а слични се и цените во хотелските комплекси на Боровец. Поевтино е на Пампорово, каде што полупансион во просек е околу 25 евра, а само за ноќевање и појадок може да се најдат и аранжмани по 20-тина евра.

– Интерес има, но бидејќи овие туристички центри се блиску и граѓаните одат често, многумина од нив сами си наоѓаат сместување, посочуваат од туристичката агенција „Атлантик турс“.

Има интерес и за Копаоник и за Златибор во Србија, каде што може да се најде сместување со појадок и за околу 40 евра или за полупансион од околу 100 евра. Поголем интерес има за Копаоник, за разлика од Златибор, кој е повеќе за вонсезонско планинско одморање.

Дел од понудата на туристичките агенции е и Словенија. Се нудат аранжмани со наем или на база полупансион со цени што почнуваат од околу 100 евра по лице, но во понудите не е вклучен превозот. Поевтини се аранжманите на Мариборско Похорје, отколку на Крањска Гора, која се наоѓа во близина на границата со Австрија и Италија.

Дел од љубителите на зимскиот спорт сакаат да одат на скијање и на Алпите. Во престижниот француски ски-центар Вал Торанс се нудат пакет-аранжмани за студио за четири лица за седум ноќи со шестдневен ски-билет и автобуски превоз по цена од 450 евра

– Од подалечните алпски скијања интересни се Австрија и Франција. Таму одат љубителите на скијањето и нив ги интересира апартман да преспијат, а картата за скијање чини исто како и во Банско, нагласуваат од туристичката агенција „Пет“.

Граѓаните кои ќе се одлучат да го поминат зимскиот период во некој од туристичките центри ќе треба да одвојат и по некое евро и за плаќање туристичка такса, која не е вклучена во аранжманите што ги нудат туристичките агенции.

(Фото) Оваа крава е продадена за 4,8 милиони долари, еве што ја прави посебна

Гинисовата книга на рекорди собира бројни, интересни достигнувања на едно место, а сега на таа листа се запиша и една крава.

Виатина-19, крава од Бразил, стана најскапата крава продадена на аукција.

Вредноста на кравите Нелоре лежи во висококвалитетното месо кое се истакнува по својата мекост и вкус.

-Признавањето на нашата сакана Виатина-19 од Гинисовата книга не е само лично достигнување, туку и извонредна пресвртница во историјата на расата Нелоре и генетското подобрување во целина, рече одгледувачот.

Оваа крава го собори Гинисовиот рекорд откако беше продадена за 4,8 милиони долари.

Кравата Нелоре се карактеризира со светло бело крзно, лабава кожа и грпка.

Кога бебето почнува да си го препознава името?

Во текот на првата година од животот, кај едно бебе има доста пресвртници, а можеби едно од најбитните нешта е она кога ќе почне да го препознава и да одговара на довикнувањето на неговото или нејзиното име.

Според науката, препознавањето имиња се случува поради тн. „рецептивен јазик“ што вклучува обработка на изговорените зборови и гласови. Така, оваа уникатна радост за родителот кога малечкото ќе ја сврти главата откако ќе го чуе своето име, обично се јавува неколку месеци пред првиот роденден. Меѓутоа, важно е да се забележи дека бебињата своите јазични вештини ги развиваат секое во различно време, пишува списанието „Перентс“ (Parents).

Повеќето бебиња почнуваат да го препознаваат своето име на возраст меѓу четири и девет месеци. Штом бебето ќе ја совлада оваа вештина, може да се забележи дека тоа продолжува да го гледа возрасниот – или други реакции, кога и некој да го повика по име.

Родителите веројатно ќе забележат и други промени поврзани со говорот пред тоа. На возраст меѓу четири и шест месеци, на пр., бебето обично веќе може да почувтвува промени во тонот кога нелкој му зборува, според Американското здружение за говор, јазик и слух (АСЛХА).

Не’ очекува космичка експлозија видлива со голо око, се случува еднаш во 80 години

Небесниот танц меѓу две ѕвезди оддалечени 3.000 светлосни години ќе резултира со толку силна експлозија што ќе биде видлива со голо око со денови, изјавија во петокот астрономите од Универзитетот Нотингем Трент.

Експлозијата што се случува еднаш во животот во системот T Coronae Borealis ќе се појави како светла нова ѕвезда на ноќното небо, пред да избледи и да исчезне повторно во следните 80 години.

Професорот Даниел Браун објаснува дека овој небесен настан се нарекува „нова“, кога сјајот на ѕвездата брзо се зголемува.

Според него, не е лесно да се предвиди кога ќе се случи тој настан, но верува дека тоа би можело да се случи во секое време до септември.

„Почестени сме, ќе видиме т.н нова ѕвезда на небото“, рече Браун, посочувајќи дека T Coronae Borealis всушност не е една ѕвезда, туку две ѕвезди кои орбитираат една околу друга.

„Сега е време за уште една ваква експлозија за T Coronae Borealis, чија светлина од 11 mag, едвај видлива на темното небо, ќе се зголеми на 2 mag, споредлива со ѕвездите во Големата Мечка и ќе биде видлива со голо око дури и на загадено небо. „Новата“ ќе стане видлива во близина на соѕвездието Херкулес.

Астрономите објаснуваат дека овие „нови“ во суштина се како водородни бомби.

Популарно