Бадников оган во црквата „Свети Петар и Павле“ во Ѓорче Петров

Во дворот на црквата „Св.Петар и Павле“ во општина Ѓорче Петров, утревечер во 18 часот ќе се одржи традиционалната манифестација со палење на бадниковиот оган. За оваа централна прослава се обезбедени дрва, храна и пијалок, соопшти општина Центар.

Денеска со собирање околу коледарските огнови на многу места низ општината граѓаните ќе го почнат празнувањето на Бадник и големиот празник Рождество Христово- Божиќ.

Општината Ѓорче Петров соопштува дека не доделува дрва за маалските прослави на Бадник и оти средствата ќе ги пренамени за помош на социјално загрозени семејства.

Искршени автомобилите на Шилегов и неговата сопруга, „ауди А5“ и „ауди Q5“

Непознат сторител ги оштетил автомобилите на скопскиот градоначалник Петре Шилегов и на неговата сопруга, кои биле паркирани пред зграда на улица Хелсинки.

Од МВР информираат дека синоќа околу 23.10 часот, лицето Ш.Ј. (49) од Скопје пријавила дека во периодот од 17,00 до 22,00 часот на 18.04. на ул. “Хелсинки“, поточно во паркингот пред зграда од страна на непознат сторител, биле оштетени нејзиното патничко моторно возило марка “Ауди К-5“, со скопски регистарски таблички и патничкото возило “Ауди А5“ исто така со скопски регистарски таблички, сопственост на нејзиниот сопруг Ш.П.

Притоа, констатирано е дека на возилото на пријавителката извршено е оштетување на предното лево крило, предниот лев фар , предната и задната лева врата и задното крило, а кај второт возило оштетено е предното лево крило, предната лева врата, задниот лев штоп и задниот гепек. Оштетувањето сторителот го извршил со употреба на физичка сила и остар предмет и незабележан од некого напуштил лице место.

Со оштетувањето причинета е материјална штета која дополнително ке биде утврдена. Се работи на целосно расчистување на случајот.

Моделите на Ауди автомобили кои ги возат градоначалникот на Скопје и неговата сопруга може да ги погледнете подолу.

Бугарија го назначи Орце Камчев за почесен конзул во Македонија, се чека одобрение од Владата

Бугарија го назначи бизнисменот Орце Камчев за почесен конзул во Македонија и барањето за егзекватура е стигнато во македонското Министерство за надворешни работи, потврдија за СДК од МНР.

Според процедурата, барањето се разгледува во МНР, потоа се бараат мислења од Министерството за финансии и Секретаријатот за законодавство при Владата. Кога ќе се комплетира документацијата, министерот за надворешни работи го предлага кандидатот на странската земја до Владата и ако тој или таа добие одобрение, министерот за надворешни му издава егзекватура, што е слично со агреман за амбасадорите.

(ФОТО) Ацо славеше роденден со Пријовиќ во прегратка, а најуникатно изненадување доби од сестрите

Пејачот Ацо Пејовиќ вчера го прослави 46-тиот роденден.

Неговата кумашинка Александра Пријовиќ не ја пропушти можноста да му посака најубави желби.

За неа, ова беше уште еден повод за прослава на тој ден, зошто и нејзината мајка и пејачот го делат истиот датум на раѓање.

„Среќен роденден на мајка ми и на кумот. Ве сакам“, ја потпиша Александра заедничката фотографија.

Еден детаљ од прославата сподели и пејачот лично.

„Роденденска торта од моите сестри Весна и Оливија. Ве сакам до небо“, порача Ацо Пејовиќ и се пофали со оригиналната торта.

Популарно