21-годишната девојка била уапсена на сиднејскиот аеродром додека наводно се обидувала да побегне од земјата, бидејќи потрошила милиони откако 4,6 милиони долари ѝ биле по грешка префрлени на сметката уште пред четири години.
На 21-годишната Кристин Џиаксин Ли по грешка ѝ биле префрлени пари како дозволен износ за пречекорување на лимитот кога имала само 17 години. Оваа студентка по хемиски инженеринг, која се обидувала да побегне во Малезија, сега ѝ должи 3.3 милиони долари на својата банка.
Таа повеќе пати, помеѓу јули 2014. и март 2015. година, купувала разни "луксузни предмети", наместо да ја извести банката дека добила пристап до пари на кои нема право.
Таа дознала дека полицијата се обидува да стапи во контакт со неа, па итно набавила малезиски пасош за да ја напушти Австралија. На овие обвиненија, девојката одговорила дека итно набавила пасош бидејќи го изгубила својот оригинален.
Од затвор била ослободена со кауција од 1.000 долари, со строги услови, поради обид за бегство во Австралија. Поради тоа ѝ е забранет и пристап на аеродромите и пристаништата, но мора и два пати дневно да се јавува во полиција. Судењето треба да започне на 21. јуни.
Детективот на сиднејската полиција Шон Хини изјавил дека, доколку луѓето на својата сметка во банка пронајдат пари за чие потекло не се сигурни, не би смееле да ги трошат тие пари.
"Разговарајте со луѓето во вашите банки, решете ја работата, доколку паднете во искушение да трошите пари кои не се ваши, вршите кривично дело", изјавил Хини.
"И само прашање на време е кога полицијата ќе ви чукне на врата", додал тој и рекол дека искористување на грешка на банката е исто како и крадење.