Бев резил и правев работи од кои никој не се опоравува!

Правев работи кои се одвратни и од кои никогаш не се опоравуваш. Секој може да ти каже "Ти простувам" но никој не може да заборави, признал Вилијамс.

bev-rezil-i-pravev-raboti-od-koi-nikoj-ne-se-oporavuva-155929

Славниот актер и комичар, Робин Вилијамс беше пронајден мртов во својот стан во Калифорнија, а според првичните информации се работи за самоубиство. Актерот кој беше награден со Оскар за улогата во филмот "Добриот Вил Хантинг" водеше голема борба со акутна депресија во последните неколку денови.

Веста за неговата ненадејна смрт го шокираше светот, а од сите страни колегите, пријателите и фановите одаваат почит. Пред да му се роди синот, во 1983 година, Вилијамс бил зависник од алкохол, но непосредно по породувањето на неговата сопруга тој се откажал од пороците и успеал да остане трезен дури 20 години. Но, за време на снимањето на филмот "The Big White" на Алјаска во 2003 година почнал повторно да пие.

-Бев во мал град кој не е на крај на светот, но мислам дека од таму можевте да го видите крајот. Во тој момент мислев дека алкохолот ќе ми помогне. Бев осамен и исплашен. Работев премногу и утеха најдов во чашката. Тоа беше најлошата работа во светот, изјавил актерот во интервју за The Guardian, при тоа додавајќи дека првата голтка била топла и прекрасна. Но, веднаш потоа доаѓале проблемите за кои никој не може да ви помогне.

Иако многумина тврдеа дека причината за враќањето на пороците е смртта на неговиот близок пријател Кристофер Ривим сепак Вилијамс го негирал ваквото тврдење.

-Иако звучи себично, сепак се е поврзано со стравот. Алкохолот ми помага да го намалам стравот. Барем така си мислам. Се плашам од се. Станува збор за страв од се и фрустрации. Постојано сум исплашен и вознемирен, додал тој во интервјуто, при тоа истакнувајќи дека никогаш не му се вратил на кокаинот, бидејќи знаел дека тоа ќе го убие.

-Кокаинот ме прави параноичен и неспособен. Иако е многу забавен, сепак никогаш не ми се роди желба да пробам пак. Бескорисни разговори до полноќ, будење во зори како вампир, НЕ, не сакам, изјавил актерот, при тоа истакнувајќи дека му биле потребни две недела за да си признае сам на себе дека има проблеми со алкохолот.

-Првата недела се лажете самите себе, си велите дека можете да престанете, а тогаш вашето тело се буни и продолжувате да пиете. Три години ми беа потребни за да станам на нозе, по што следеше рехабилитација, додал тој.

Бракот на Вилијамс завршил во 2008 година како резултат на пиењето, и покрај фактот дека во тој период бил трезен.

bev-rezil-i-pravev-raboti-od-koi-nikoj-ne-se-oporavuva-155931

-Бев резил. Правев работи кои се одвратни и од кои никогаш не се опоравуваш. Секој може да ти каже "Ти простувам" но никој не може да заборави, признал Вилијамс, при тоа додавајќи дека сега е малку посреќен, како и дека не се плаши да биде несреќен.

Над половина од жителите на Европа имаат прекумерна тежина, кај нас 55,7 проценти

Над половина од возрасните граѓани во земјава имаат прекумерна тежина, а „подебели“ во регионот се само Хрватите, покажува анализата на статистичкиот портал „Ландгеист“, базирана на податоци на Евростат.

Над половина од жителите на Европа имаат прекумерна тежина односно Индекс на телесна маса (БМИ) еднаков или поголем од 25. Најголем процент на возрасни луѓе со прекумерна тежина имаат Малта (62,5%), Исланд (62,0%) и Латвија (60,4%), додека најмал Италија (41,9%), Швајцарија (45,6%) и Франција (46,4%). Кај нас 55,7 проценти од возрасното население има прекумерна тежина.

Земјите со висока стапка на дебелина, пишува Ландгеист, исто така, имаат и високи стапки на луѓе со прекумерна тежина. Малта е втора земја со најголема дебелина во Европа и исто така земја со најмногу килограми во Европа. Швајцарија е земја со најмалку дебелина во Европа, но и втора земја со најмалку прекумерна тежина во Европа. Но, и неколку земји како Естонија, Финска, Исланд, Северна Македонија, Романија, Словачка и Словенија кои имаат релативно ниски стапки на дебелина, но имаат некои од највисоките проценти на луѓе со прекумерна тежина во Европа.

Од земјите во регионот само Црна Гора (48,1%) има помалку од половина од населението со прекумерна тежина, додека најголема стапка на возрасни со прекумерна тежина има Хрватска – (58,1%). Потоа следат Словенија (55,7%), Грција (54,9%), Бугарија (53,7%) и Србија (52,5%).

Најшокантен факт е веројатно дека во речиси секоја земја во Европа, повеќе од половина од сите возрасни луѓе се со прекумерна тежина. Во Малта (62,5%), Исланд (62,0%) и Латвија (60,4%) е дури над 60%. Единствените европски земји каде помалку од 50% од населението е со прекумерна тежина се Италија (41,9%), Швајцарија (45,6%), Франција (46,4%), Кипар (47,9%), Црна Гора (48,1%), Холандија (48,3%) ), Белгија (48,9%) и Луксембург (49,7%). Но, да бидеме искрени, дури и резултатот на Италија од 41,9% е шокантно висок.

Индексот на телесна маса (БМИ), според Евростат, од каде се земени и податоците, се дефинира како тежина во килограми поделена со квадратот на висината во метри. Луѓето на возраст од 18 години или повеќе се сметаат дека имаат недоволна тежина со (БМИ помал од 18,5), нормална тежина (БМИ помеѓу 18,5 и помалку од 25) и пред-дебела (БМИ помеѓу 25 и помалку од 30). Категоријата прекумерна тежина (БМИ еднаков или поголем од 25) ги комбинира двете категории пред-дебели и дебели.

Вознемирувачко видео: Куче фрлено од зграда во Тетово

На социјалните мрежи се шири вознемирувачко видео на кое се гледа како куче паѓа од балкон на зграда, од голема висина.

-Педесет и осумгодишниот тетовец Ѓ.З. вчера (22 март) во 18 часот и 40 минути во СВР Тетово пријавил дека околу 17 часот од балкон на зграда во изградба на улица “Благоја Тоска” во Тетово,, спроти зградата во која тој живеел, од шесттиот кат паднало куче и набргу потоа yгинало. Кучето, според пријавеното, во објектот се обидувале да го заловат двајца тетовски пожарникари. Се расчистува и документира случајот, велат од МВР.

На видеото може да се чуе плач на кучето пред да падне од голема висина, а од зградата се слушаат гласови.

Поднесено обвинение против Тони Цетински: Пејачот може да биде казнет со 8 години затвор

Специјалното обвинителство на Хрватска за сузбивање на корупција и организиран криминал поднесе обвинение против Тони Цетински откако беше утврдено дека користел лажен сертификат за вакцинација против коронавирусот, објави веб-страницата Империјал.

Како што дознава споменатиот медиум, на 28 декември 2023 година, заменик-обвинителот Вјекослав Шаулиќ до Жупанискиот суд во Загреб испратил обвинение против 18 лица, меѓу кои и познатиот пејач.

Тони Цетински е обвинет дека платил за да добие лажни потврди за вакцинација против Ковид.

Обвинетите се товарат дека дале пари, така што медицинската сестра, која тогаш работела во Здравствениот дом Загреб и била овластена да пристапува и да внесува податоци во информацискиот систем на Министерството за здравство, лажно ја внесувала информацијата, дека обвинетите биле вакцинирани.

– Кој нуди поткуп на службено или одговорно лице за да изврши службено или друго дејствие што не треба да го изврши во или надвор од границите на неговите овластувања ќе се казни со затворска казна од една до осум години – се наведува во дописот.

Популарно