Ни доаѓа голем и тежок празник

Иако,кај народот е позната како Црна Света Петка, луѓето веруваат дека оваа светица ги штити од разни несреќи, но и од многу болести. Поради тоа, народот ја нарекува уште и мајка Параскева.

На 27ми Октомври православните верници ќе ја прославуваат света Петка. Ова е еден од празниците што нашиот народ најмногу ги прославува, а познат е и како Петковден. Се празнува во секој крај. Секаде има свои обичаи, но сите носат вино, лепче и пченица во црква.

Kултот кон света Петка кај нашиот народ е многу раширен. Многу лековити извори се поврзани со нејзиното име и се наречени петочни води. Петковден како домашна слава се празнува со служби посветени на св. Петка, а го празнуваат голем број македонски семејства.

 На Петковден именден слават Петко, Петкана, Параскева, Пенка.

Светата православна црква празнува три личности со исто име Параскева-Петка. Најчесто трите се идентификуваат со св. Петка Епиватска позната и како Трновска. Сите три името го добиле бидејќи биле родени во петок кога (пред христијанството) Евреите се подготвувале да го одбележат празникот и неработен ден – сабота. Уште од тоа време Параскева значи подготовка.

Според житието на св. Петка Епиватска, таа е родена во Епиват во Тракија, на брегот на Средоземното Море, кон крајот на 10 век. Нејзините родители биле од словенско потекло, побожни луѓе, па така ги одгледувале и своите деца. Параскева била многу мала кога покажувала интерес за монашкиот живот. Имала брат Ефтимие, кој подоцна станал епископ мадитски.

Параскева живеела со своите родители до нивната смрт, а потоа заминала за Цариград, па во јорданската пустина (денешен Израел) каде што живеела во пост и во молитва до староста. Се вратила во родниот Епиват каде што по две години се упоколила, според житието, во 11 век. Нејзините чудотворни мошти биле пренесувани од место во место, а денес се наоѓаат во романскиот град Јаши.

Во Македонија култот кон света Петка особено бил раширен во Мариово. Населението верува дека св. Петка е заштитничка на луѓето, ги чува од суша, поплави, неплодност, громови и од многу други несреќи. Празникот Св. Петка повеќе го празнуваат жените.

Има уште два празника посветени на св. Петка – Преподобна маченичка Петка (Римјанка) и Преподобна маченичка Петка (Икониска). Се нарекува и Црна света Петка бидејќи светицата секогаш била облечена во црно.

Дневен хороскоп

Овен 

Работите на професионално поле полека се подобруваат. Денес можеби ќе имате можност да почеток на некој нов проект, но добро размислете дали ќе можете да го реализирате до крај. Во вечерните часови релаксирајте се дома гледајќи некој филм.

Бик

Ако нешто може да ви тргне лошо денес, тоа ќе биде одговорот на вашиот партнер кој ќе ви го даде по ваша иницијатива. Немојте да го сфаќате тоа лично, бидејќи и тој може да има лош ден. Ова е еден од тие денови кога треба да се помиирите со фактот дека и вие може да имате некогаш лош ден.

Близнаци

Избегнете каков било конфликт со членовите од вашето семејство, бидејќи тоа е она што најмалку ви треба во моментов. Остатокот од денот искористете го поминувајќи со вашите пријатели кои се секогаш тука за вас.

Рак

Денес бидете подготвени за неколку нови познанства. Исто така, одговорете на поканата која ја добивте од личноста која ви се допаѓа, време е за нешто ново. Внимавајте на здравјето, можно е да се чувствувате уморно поради болките во главата.

Лав

Денешниот ден искористете го за тотален одмор на вашето тело. Потребна ви е релаксација и на мозокот, поради тоа денеска не донесувајте никаква одлука. Ви претстои долг разговор со личност од минатото со која сте изгубиле контакт.

Девица

Уживајте потполно во денешниот ден. Наместо да размислувате на иднината, размислувајте само на сегашноста и на убавите работи денес. Можни се промени во вашиот љубовен живот, мислете позитивно и ќе се случи најдоброто.

Вага

Денес ќе се чувствувате посебно весело, а и вашата енергија ќе биде на ниво. Затоа, искористете ја на најкорисен начин, посетете пријател, или пак поминете го денот со партнерот, кој и онака планира да го помине денот со вас.

Скорпија

Внимавајте на здравјето. Прекумерните физички и интелектуални напори, влијаат на падот на вашата енергија и ве изложуваат на стрес. Вечер посветете се на самите себе, а ќе биде уште подобро доколку порано отидете на спиење.

Стрелец

Ќе имате чувство дека ништо не ви оди од рака, но немојте да се предавате. Некои луѓе ќе бидат критички настроени на вашето однесување, а тоа вас ќе ве навреди, но сфатете го тоа како добронамерен совет.

Јарец

Во последниот период, љубовниот живот не ви оди од рака. Но, немојте да очајувате, најдоброто тукушто следува. Случувањата на работното место малку ќе ве загрижуваат, но вие сепак посветете се на обврските кои ви се зададени вам.

Водолија

Убавите случувања од изминатиот период нема да можат да ви излезат од глава. Но и покрај тоа не заборавајте на обврските. Изработете сѐ што ви простанало, па дури потоа можете да се рекалсирате и да ги правите работите кои ви причинуваат задоволство.

Риби

Некој од вашите пријатели не ви мисли добро. Затоа, внимавајте на кого му се доверувате, бидејќи вашите тајни можат лесно да бидат откриени. Внимавајте на вашата исхрана и одвојте дел од денот за вежбање и обликување на вашето тело.

Топло уште некој ден - ни доаѓаат студ и снег!

ВРЕМЕТО ДЕНЕСКА

Сончево и релативно топло со мала до умерена облачност и со слаб претежно северен ветер. Т-мин. од 1 до 8 а т-макс. 23 до 28 степени.

Во Скопје, сончево и релативно топло со мала до умерена облачност. Температурата од 6 до 26 степени.

ВРЕМЕТО ВО НАРЕДНИТЕ ДЕНОВИ

До недела ќе се задржи стабилното, суво и топло време со натпросечни дневни температури. Од понеделник ќе преовладува облачно време со врнежи од дожд, повремено пообилни. Од ноќта кон вторник ќе почне да дува повремено засилен северен ветер, врнежите ќе продолжат и во текот на следниот ден, а на југоисток ќе има услови за локална  појава на грмежи.

Дневната температура значително ќе се намали, особено во вторник, кога на повисоките планини на север врнежите ќе поминуваат во снег. Во среда кон крајот на денот врнежите ќе се преместат на југоистокот и ќе престануваат, а на североисток слаб снег може да се појавува од 1500 метри па кон повисоко.

Популарно