Червар го има рецептот: Вака до победа против Словенија

Иако на хартија Словенците се фаворит, нашиот селектор и македонките репрезентативци имаат рецепт за успех во денешниот дуел на светското ракометно првенство во Франција.

Шефот на стручниот штаб на македонската ракометна репрезентација, Лино Червар, порача дека Словенија е фаворит во претстојниот дуел на Светското првенство кое се игра во Франција, но дека националниот тим на Македонија нема да излезе со бело знаме.

Откако ја декласираа Ангола со 42:25, Словенците во второто коло имаа тежок меч со Исланд кој го добија со 26:25. Говорејќи општо за системот на игра, Червар упати на тоа дека оној тим што ќе ја наметне својата игра ќе биде поблиску до победата.

– Постојат две легитимни нешта, два система, едната е „контрола на топката“ (ball control), а втората е „трчај и шутни“ (run and gun). Легитимни се и двата, прашање е кој тим каков систем сака да наметне. Ако сакаме да парираме, мора да играме мошне дисциплинирано, а истовремено да бидеме исклучително борбени, одбраната мора да ни биде заштитен знак. Ако ја наметнеме нашата игра, тогаш можеме да бидеме конкурентни, во спротивно лесно ќе ни забиваат голови, а тоа не е добро. Они се фаворити, а ние мора да покажеме борбеност и тактичка дисциплина,- рече хрватскиот стручњак, отворајќи ја листата на барања до своите ракометари за мечот со Словенија.

Тој упати комплименти до ривалите дека се издигнале со Вујовиќ како тренер, па ги лоцираше и нивните добри и лоши страни.

– Лично, би бил смешен да не го почитувам Вујовиќ. Тој го одбележа ракометот како играч, а сега и како тренер. Словенија се подигна како репрезентација, беа четврти на Олимписките игри, а многумина би сакале да бидат на нивно место, но не се. Тие ја немаат онаа врвна физичка компонента, но затоа имаат врвна техничко-тактичко подготвеност која доаѓа до израз во транзиција. Тие се моќни, според мене едни од најсилни во Европа, па во динамика можат да најдат многу различни и атрактивни решенија. Ние мора да покажеме срце, но и памет, бидејќи ако тргнеме да се наттрчуваме со нив, однапред би потпишале пораз,- предупреди Червар, додавајќи уште два елемента на листата.

Хрватскиот стручњак од светски маштап беше концизен дека подобриот ќе победи и не остави многу простор за сеир на кибицерите кои ги следат неговите дуели со Веселин Вујовиќ.

– Знам дека моите дуели со Вујовиќ се атрактивни, ние го одбележавме и македонскиот ракомет. Во одреден момент и тој ќе мора да внимава на позициската игра, за да не ги губат топките. Јас би бил среќен да победи подобриот. Ако заслужиме да направиме нешто, тогаш ќе добиеме, ако не заслужиме, тие ќе победат. Они се фаворити, но ние нема да одиме со бело знаме. Кој ќе ја наметне играта, тој ќе биде поблиску до победата. На хартија, тие се фаворити!

Почина освојувачот на првиот ракометен Куп на Македонија!

На 22.03.2024, во 85-тата година од животот почина една од легендите на македонскиот ракомет, кој како играч, тренер и спортски работник ја пренесе љубовта кон спортот и вистинските вредности на многу генерации. 

Дејан Мариќ е роден на 28.06.1939 во Соколац, Босна и Херцеговина (Југославија).

Својата играчка кариера ја започнува во Раднички Горажде, продолжува во Куманово и Работнички од Скопје со кој неколку сезони играл во најдобрата прва Југословенска лига.

Се образува на Вишата Фискултурна школа во Скопје каде е дел од првата генерација, а високото образование го завршува на Факултетот за Физичка Култура во Сараево. 

Тренерската кариера Дејан Мариќ ја започнува 1959 во Куманово, каде е и еден од основачите на клубот, а ги тренирал и  Работнички, Борац Урошевац, Божур Гњилање, Кале Скопје, Мајданпек Србија, Крива Паланка, Шевро Куманово...

Професор во Градежно-Машински Училишен Центар (ГМЦУ) во Скопје, како и во Средното музичко училиште Илија Николовски-Луј, каде што и се пензионира.

Бил тренер на многу прволигашки играчи во Југославија и Македонија, како и репрезентативци на двете држави кои оставиле траг на ракометот на овие простори меѓу кои:  Љубимир Савевски, Касим Каменица, Гино Стрезовски, Драган Маринковиќ, Ацо Станковски, Панче Брдаров, Савчиќ, Меѓедовиќ, Томовиќ, Вучковиќ, Речица...

Во 1993 година како тренер на Шевро Куманово го освојува првиот ракометен куп на независна Република Македонија.. Во финалето Куманово го совладува тимот на Металург од Скопје.

Последните години од својот живот ги поминува во Куманово, каде е и погребан на градските гробишта. 

Слава му

Собери екипа и испробај се против најдобрите баскетџии во Македонија!

Додека во светот од година во година 3x3 баскетот добива се поголема популарност, во Македонија овој спорт е сеуште во зачеток. Здружението Звукот на мрежата или Sound of the net, се основа во 2023 година токму поради потребата да се рашири овој спорт во државава и да осетат македонските баскетџии што е прав машки баскет.

ФИБА правилата се разликуваат од обичниот маалски баскет, нападот трае 12 секунди, на секој даден кош се менува посед и мора да се извади топката надвор од тројка, дозволена е погруба игра во одбрана од кошарката. Натпреварот трае 10 минути, а завршува кога една екипа ќе стигне до 21 или ќе истече времето.

Следниот турнир е оваа Сабота (24.02.2021), додека наредните турнири ќе бидат на 03.03.204 во Битола, по што ќе следат два во Скопје и финалниот турнир на одлична локација во текот на Мај! Пријавувањето на турнирите можете дирекно да го направите дирекно на сајтот на 3x3 ФИБА или на еден од профилите на социјалните мрежи facebook: https://www.facebook.com/thesoundofthenet

Или инстаграм https://www.instagram.com/thesoundofthenet/

Пријавување на ФИБА: https://play.fiba3x3.com/events/8bb4ef56-cd4d-471e-a903-42398c2c473d?fbclid=IwAR2dPikv0HSMi182WniDHTJq3GNpwpQ4s4idmOwIzX1_WqtPDCOW9-QXC-E

На овие турнири нема лимит кој може да се пријави. Пријавете ја вашата екипа или дојдете на турнирите да го бодрите вашиот тим и да уживате во одичен баскет.

До сега Звукот на мрежата учествуваше во организаијата на 10 турнири кои се играат по официјалните правила на ФИБА. Баскетот 3х3 од неодамна е олимписки спорт, има официјални ФИБА судии, а секој од настаните се со пренос во живо на YouTube и одлична музика.

Оваа година со помош на Општина Ѓорче Петров оваа организација организира зимска лига турнири, со околу 6 квалификациони турнири од кои секој со награден фонт од околу 250 евра, и еден главен со награден фонд од 800 евра.

До сега се одржаа два турнири, на кој настапија екипи од цела Македонија, како и гости од Србија. На првиот турнир одржан на 11 Јануари, победи екипата на Brotherhood од Скопје, втора заврши екипата на La Taqueria од Србија, додека вториот го освои екипата на 3x3 Битола а втора заврши екипата на SolutionX3.

“Ние како организација имаме голема љубов и страст кон овој спорт, и после неколку години играјќи во странство на вакви турнири, решивме да пробаме да ја промениме состојбата кај нас и да го одржаваме и промовираме овој прекрасен спорт” - изјави претседателот Борисовски.

Ибрахимовиќ го договрил Конте да седне на клупата кај Милан

Поранешниот шведски фудбалски интернационалец со богата трофејна играчка кариера Златан Ибрахимовиќ според медиумите во Италија завршил работа со тренерот Антонио Конте на крајот од сезоната да ја преземе екипата на Милан.

Рокадата на тренерското столче кај „росонерите“ се актуелизира по разочарувачките резултати на тимот под палката на тренерот Стефано Пиоли. Конте кој претходно ги има предводено лутите ривали на Милан во Серија А, тимовите на Интер и Јувентус, според „Ибра-гол“ би требало да биде стратегот кој ќе ги врати „росонерите“ на врвот во Серија А.

Покрај трофејните италијански калчолигаши Конте ги предводеше и англиските премиерлигаши Челзи и Тотенхем. Милан сезонава ја губи трката за скудетото токму со Интер и Јувентус.

Популарно