Дали врската на Роналдо со продавачката во „Гучи“ е онаа вистинската?

ronaldo-guci01

Изгледа дека португалската фудбалска звезда, Кристиано Роналдо повторно има љубов. Пред неколку дена е снимен во парискиот „Дизниленд“ со новата девојка, 21-годишната балерина и продавачка во „Гучи“ во Мадрид, Георгина Родригез, а потоа и на концерт на поп-ѕвездата Џастин Бибер во Мадрид.

ronaldo-guci02

По убавото поминато време заедно, секој им се вратил на своите обврски - Роналдо во својот клуб Реал Мадрид, а Георгина во продавницата на „Гучи“, каде што наводно немала да остане уште долго, бидејќи поради медиумското внимание не можела нормално да ја извршува својата работа.

Иако Ронлдо во „Дизниленд“ се трудел да биде непрепознатлив и се маскирал со помош на перика и големи очила за сонце, го препознале и снимиле како разменува нежности са младата балерина и продавачка во „Гучи“ во Мадрид.

Инаку иако во половината на септември шпанскиот таблоид „Corazón Czn“ објави дека португалскиот фудбалер и играч на Реал Мадрид е во врска со бившата Мис на Шпанија, Десире Кордеро, се чини дека таа врска и немала долг век. На последната насловница на шпанското списание „Хола!“ се наоѓаат ексклузивни фотографии и приказна за љубовта на Кристијано Ронлдо. Според пишувањето на шпанскиот магазин, Роналдо и Георгина во врска се веќе три месеци.

ronaldo-guci03

ronaldo-guci04

Червар со неблагодарна споредба: Ја видовте Македонија, на што личеше тоа…

Лино Червар не може да смета на Домагој Дувњак уште по првиот натпревар на Хрватска на Европското првенство, а обидувајќи се да опише колку другите играчи одлично го заменуваат неговиот придонес на теренот, искусниот хрватски стручњак направи една неблагодарна споредба со македонската ракометна репрезентација.

Поранешниот селектор на Македонија го зема за пример последниот натпревар на нашата репрезентација, односно укажа на тоа колку лоши биле „црвено-жолтите“ во ситуација кога го немаат на располагање најдобриот ракометар, Кире Лазаров.

Червар со ова се обиде направи една компарација за тоа колку всушност му недостига Дувњак, но исто така и да ја „крене до облаци“ работата на другите играчи кои истапија и со тимска работа направија да го намалат неговото отсуство.

– Горд сум на тоа како нашиот тим одигра против Норвешка. Видовте каква беше Македонија против Шпанија без Лазров. На што личеше тоа…, порача Червар на последната прес-конференција, алудирајќи на тоа дека Хрватска игра без најдобриот играч на ова Европско првенство.

– Како би изгледала Франција без Карабатиќ? Норвешка без Сагосен? Горд сум на моите момци, тие отвораат едно ново поглавје во нашиот ракомет. Убаво е да се биде репрезентативец на Хрватска во овој момент, но сега не треба да се се фрлат копјата. Тимот треба да даде се од себе против Франција. Сите би сакале да игра Дувњак, но ние играме со тоа што го имаме и се надевам дека момците ќе дадат се од себе, завршува тој.

Спонзорот на Лазаров откри дали капитенот ќе настапи против Чешка

Спонзорот на Кире Лазаров, кој е технички спонзор и на нашата репрезентација, „Хумел“ на својата официјална фејсбук страница посвети пост за нашиот капитен и откри дека тој вечерва нема да биде на располагање на селекторот Раул Гонзалез.

„За жал, капитенот на македонската ракометна репрезентација е повреден и нема да игра вечерва во мечот помеѓу Македонија и Чешка. Се надеваме дека во најбрзо време ќе го видиме назад на терените“, напишаа од „Хумел“.

Неиграњето на Кире Лазаров на вечерашниот натпревар дефинитивно ќе биде огромен хендикеп за нашата репрезентација, но момците ќе мораат да дадат се од себе да ја совладаат Чешка, па Кире, сакал нејќел, ќе мора да стисне заби и да даде се од себе за утрешниот меч против Данска.

Инаку, „Хумел“ направи акција со која сака да го доближи своето заштитно лице, Кире Лазаров до навивачите, па им даде можност преку опцијата „Прашања и одговори“ да дознаат повеќе за нашиот капитен.

„Со повеќе од 1.000 голови, Кире Лазаров важи за еден од најдобрите ракометари на сите времиња. Но, кој е идолот на Лазаров и која е најдобрата работа околу големите натпреварувања?...“, пишува во остатокот од постот на „Хумел“.

Колкави се шансите Лазаров да игра вечерва?

Според последните информации капитенот на нашата ракометна репрезентација Кире Лазаров ќе биде на клупата за вечерашниот меч со Чешка, кој стартува со почеток од 20:30 часот.

Победа во овој меч ќе значи полуфинале на дофат за нашите ракометари. Сеуште нема јасни информации за повредата на нашиот капитен.

Според неофицијални информации на “balkan-handball”, тешко може да се очекува дека Кире ќе заигра на теренот.

Чесите од друга страна се засилија на позицијата пивот. На Земан и Петровски, им се придружи Петр Шлахта.

Популарно