Дедо Мраз со пиштол ограбил продавница во Скопје!

Вчеравечер околу 21.00 часот во ЕИК Скопје, Б.Б. пријавила дека непознат сторител извршил разбојништво во маркет на улица „Будимпештанска“.

Сторителот, кој бил облечен како Дедо Мраз, со закана со пиштол го одзел дневниот промет, по што побегнал во непознат правец.

Се преземаат мерки за пронаоѓање на сторителот и за целосно расчистување на сторителот.

МВР КОНЕЧНО распиша потерница по убиецот на Мартин Јанушев

Имаме несоборливи докази дека лицето Ф.С. е сторител на убиството на Мартин Јанушев, информираше денеска министерот за внатрешни работи Оливер Спасовски при посетата на СВР Скопје.

– Поднесена е кривична пријава, а стапуваат и другите мерки кои треба да бидат преземени во смисла на меѓународна потерница итн. за обезбедување на лицето и целосно расчистување на случајот, рече Спасовски.

Додаде дека имаат индиции за местото каде што се наоѓа сторителот и во моментот МВР е насочено на неговото откривање.

28-годишниот Мартин бил син на полициски службеник и брат на вработен во единицата Алфи.

Тој беше застрелан на 3-ти ноември, околу 18 часот пред влезот на зградата во која живеел, во населбата Аеродром.

Дел од очевидците раскажаа дека врз него било стрелано 4-5 пати во пределот на главата и вратот.

Јанушев играше за клубот „Локомотива“, а претходно кариерата ја градеше во клубовите „Маџари Солидарност“ и „11 Октомври“.

ВИДЕО: Страшна сообраќајка во Скопје!

Синоќа на скопскиот булевар „Партизански одреди“ се случи тешка сообраќајна несреќа во која што за среќа, после судирот на две возила, нема загинати.

Автомобилите наводно возеле со голема брзина и се судриле на булеварот спроти пекарата „Силбо“, при што е причинета голема материјална штета. Едно од возилата удрило во билборд кој што е срушен и за малку ќе влетало во експозитурата на НЛБ Банка. Екипите на итна помош реагирале веднаш, а полицијата изврши увид на местото на сообраќајната несреќа.

Како што пренесува 24vesti.com.mk, едно лице кое што управувало со еден од автомобилите било повредено и префрлено во болница, а за среќа нема жртви.

Македонија: Наставник извадил пиштол и му се заканувал на директорот дека ќе го убие

Надворешната канцеларија за криминалистички работи Кичево поднесе кривична пријава против Ш.Ј. (56) од с. Зајас поради постоење основи на сомнение за сторено кривично дело „загрозување на сигурноста“.

„Ш.Ј., наставник во општинско средно училиште „Дрита“ во Кичево, на 31.10.2017 година во 10.00 часот, во канцеларијата на директорот, после вербална расправија, му се заканил дека ќе го убие со пиштол, доколку не го реши неговиот проблем“, наведуваат од МВР.  

Популарно