Дел од светот гладува, но милиони тони храна завршуваат на депонии

Според истражувањата, развиените земји годишно фрлаат речиси иста количина на храна која ја произведуваат субсахарските земји.

organska-hrana

Комисијата на британскиот Парлемант препорача итна акција кога се работи за фрлање на храната, а почнаа со остри критики упатени до супермаркетите. Тврдат дека малопродажните синџири треба да преземат поголема одговорност за храната која ја продаваат по акции од типот 1 плус 1 гратис, бидејќи таквите кампањи, проблемот со фрлањето на храната едноставно го префрливаат на потрошувачите.

Во Велика Британија речиси 15 милиони тони храна завршуваат на депониите секоја година. Прашањето е зошто? Новинарот на Ал Џезира Фил Лавел, кој се јави од Лондон истакна дека одговорот лежи во стариот закон за понудата и побарувачката.

Производителите на храна плаќаат големи казни ако не ја достават доволната количина на стока и затоа, за секој случај, создаваат вишок. Но, проблемот е што супермаркетите не сакаат вишок во резервите па користат маркетиншки трикови, како попусти или 1 плус 1 гратис, па купувачите купуваат повеќе.

Затоа многу производи завршуваат на отпад. Дури 42 отсто храна завршува на депониите секоја година, бидејќи купувачите купуваат повеќе од што им е потребно. Исто така, супермаркетите доцна ги откажуваат порачките, па така производителите фрлаат 39 отсто храна која ќе ја произведат. Така супермаркетите избегнуваат вишок на резерви, но проблемот го пренесуваат понатаму.

- Супермаркетите ни признаа дека кога се работи за стока како овошје и зеленчук, купувачите не се двоумат да купат дополнителен производ ако е на акција, без оглед на тоа дали ќе го конзумираат или не – вело Баронес Скот, истражувачка за храна на отпад.

Прашањето на декларацијата на пакувањата

Но Лавел од Ал Џезира истакна уште еден проблем – многу купувачи не ги разбираат декларациите на пакувањата.

- На пример, на некои производи, како на млекото, пишува најдобро употребливо до 8 јули. Доволно време млекото да се испие. На други производи пишува рок на употреба. На овие пилешки крилца рокот истекол вчера. Но, тоа е само насока. Истекот на рокот не значи дека храната не е здрава за конзумирање. Но во реалноста, многу луѓе кога ќе видат дека рокот е истечен, храната едноставно ја фрлаат во корпа за смет – вели тој.

Дури и супермаркетите признаваат дека постои проблем. Еден од најголемите британски синџири лани ја следеше продажбата во 25 свои најголеми супермаркети. Открија дека 40 отсто јаболки од полиците директно одат во отпад. Ист случај е и со една петтина банани, додека речиси половина пецива никогаш не стигнуваат до купувачите.

Истражувањата покажуваат дека развиените земји годишно фрлаат речиси иста количина на храна која ја произведуваат субсахарските земји. Грешка во пакувањето, или можеби во колективната свест?

Тинејџер во Германија ги заклал родителите и братот, од смрт ја поштедил сестра си

Деветнаесетгодишник со нож ги убил братот и родителите и тешко си ја повредил сестрата во Хохентенген на германско-швајцарската граница, соопшти државното правобранителство во сојузната покраина Баден-Виртемберг. 19-годишникот со нож ги убил родителите на возраст од 58 и 61 година, а потоа и 34-годишниот брат. Сестрата, чија возраст не е објавена, била повредена и со хеликоптер била пренесена во блиската болница. Таа наводно се здобила со сериозни убодни рани, но нејзиниот живот не е во опасност.

Инцидентот се случил вчера вечерта, соопштија од полицијата и од државното правобранителство. Осомничениот е уапсен. Според полициското соопштение, целото семејство живеело во куќата во која се случил масакрот. Убиецот има германско и италијанско државјанство. Мотивот за нападот се уште е нејасен.

Според информациите од државното правобранителство, 19-годишникот се товари за тројно убиство без умисла и обид за убиство, а во текот на денот треба да биде изведен пред судија кој треба да одреди мерка притвор.

Во истата област, пред два месеци, 32-годишен син ги убил своите родители, а на крајот и себеси

Ни трага, ни глас од 100 лица по масакрот од Москва

Деведесет и пет лица се уште се водат како исчезнати по минатонеделниот терористички напад во Москва, јавија денеска руските медиуми.

Официјалниот биланс на загинати во нападот во Crocus City Hall сега е 140 мртви и 182 ранети.

Порталот База, кој има добри врски со руските безбедносни служби, објави дека на списокот се појавиле уште 95 лица кои нивните семејства ги пријавиле за исчезнати.

Руските истражители велат дека акцијата ја извршиле четворица напаѓачи со калашникови. Пукањето започна непосредно пред рок групата „Пикник“ да настапи пред 6.200 гледачи.

Оттогаш руските социјални мрежи се преплавени со повици за помош во пронаоѓањето на исчезнатите.

Собрани во чат на Телеграм, пријателите и семејствата ги споделуваат имињата на луѓето кои сè уште се бараат и нудат поддршка еден на друг.

Евакуиран трговски центар во Москва поради дојава за поставена експлозивна направа

Посетителите и персоналот на трговско-забавниот центар „Мозаик“, во југоисточниот дел на Москва, се евакуирани поради анонимна закана за поставена експлозивна направа, изјави за руската државна новинска агенција, претставник на Итната служба на главниот град.

„Анонимен повик со закана за бомба имаше во трговскиот центар „Мозаик“ на улица Кожуховскаја бр. 7, зграда 9“, рекол соговорникот на руската агенција.

Според него, при безбедносната проверка сите посетители и персоналот биле евакуирани од зградата.

Претходно, како што јави рускиот портал Маш, поради закана за поставени бомби денеска во Москва се евакуирани  700 лица од болницата „Пирогов“, во која се сместени настраданите од терористичкиот напад во концертната сала „Крокус“.

Порталот објавува дека до Националниот медицинско-хируршки центар „Пирогов“ било испратено писмо за можна експлозија.

Во известувањето се наведува дека станува збор за импровизирани експлозивни направи од фосфор со 40-минутен тајмер, кои наводно се сместени во четири ранци на неколку ката од медицинската установа.

Пациентите и персоналот се евакуирани од зградата, а на лице место пристигнала и итната помош. Во терористичкиот напад на 22 март во концертната сала „Крокус Сити Хол“ во Подмосковље загинаа 137 лица.

Популарно