Д-р Предраг Лалевич, хирург и анестезиолог, кој во текот на 16-годишното владеење на Јосип Броз Тито како претседател на СФРЈ со него бил на 106 патувања, ги опиша неговите последни четири месеци од животот во болницата во Љубљана. Д-р Лалевич бил во советодавниот одбор, кој четири месеци се борел за животот на Тито. Тој го направил она што ќе остане запишано во аналите на поранешната држава, ги исклучил апаратите кои го одржувале животот на Тито.
Здравјето на Тито, освен труењето со храна во Египет во 1964 година и пневмонијата една година подоцна во Бугарија било добро.
- Најмногу страдаше од болки во нозете, затоа и одеше со стап. На новогодишната ноќ во Караѓорѓевиќ неговото движење стана повеќе од болно, па решивме Тито да го однесенме во клиничкиот центар во Љубљана, вели доктор Лалевич.
Пред својата смрт, како што кажува Лалевич, Тито пеел на руски и сонувал Кинези.
- Точно во 15:05 часот на ЕКГ се покажа права линија, што е знак дека срцето престанало да работи. Во целосна тишина сите доктори и сестри минавме 15 минути околу неговиот кревет. Потоа го погледнав професорот Богдан Брецељ, најстариот во одборот, а тој само кимна со главата. Тоа беше знак да ги исклучам апаратите, го сторив тоа а потоа ја напуштивме собата, вели доктор Лалевич на кој му требале шест месеци целосно да се опорави по смртта на Тито.
