ДПМНЕ дозволи двојазичност, а СДСМ ќе ве казни со 5.000 евра ако не знаете Албански?!

Една недела по мојот последен текст. За 7 дена во малава ни државичка се случија статусот на Владо Јовановски, Фашистот Чом, сведочењото на вооружените команданти на ОНА од Дива Населба кои дошле мирно да протестираат со оружје колку што поседува Лихтенштајн, договорот меѓу ДУИ и СДСМ за употребата на Албанскиот јазик во Македонија.... ах, да и Златна Бубамара која во моментиве додека пишувам ми оди во позадина на Тв. За Бубамара не се пишува, туку се ужива во неа. Јовановски и Чом нека си прават дуеал, а теорирстите наоружани ко Рамбо, дојдени во мир од Косово им ги оставам на судот. И онака најжешка тема денеска е договорот меѓу СДСМ и ДУИ.

Цел Фејбук гори со статуси на темата. Повеќето се секако апсолутно смешни и небулозни. Испровоцирани од политичка или етничка припадност и желба за терање „своја“ вистина, која нема никаква врска со реалност. Се изначитав денеска за тоа дека секој Македонец кој нема да знае Албански ќе плаќа казна од 5000 евра! Ма везе нема. 3.000 до 5.000 е предвидена казна во законот договорен меѓу СДСМ и ДУИ за државни институции во кои и Албанскиот јазик ќе е службен, а не го сиполнуваат задложението, односно не можат да услужат граѓанин на Албански. Не велам дека го подржувам овој договор меѓу социјал демократите и интегративците, но не се секирајте, никој нема да ве сопре на улица да проверува дали знаете Албански и да ве казни 5.000 евра, ако тоа не е случај. Преполн е Фејсбук со статуси од типот дека и досега сме имале двојазичност и дека истата е дозволена од ДПМНЕ. Глупости! Двојазичноста во Македонија е воведена со Рамковниот договор во 2001 година, на кој се потишани лидерите на сите големи партии во Македонија (во тоа време). Значи НЕ, ДМПНЕ не дозволиле двојазичност, ниту излегле од рамките на Рамковниот договор. Нешто што Заев вети дека ќе го направи пред изборите, а како што гледаме и почна да го исполнува. Знам дека последната реченица нема да им се допадне на симпатизерите на СДСМ, но вистината е таа. За неговото ветување има видео од Швајцарија во предизборната кампања (видео тука), а дека СДСМ излегува од Рамковниот договор со договорот со ДУИ доказот ќе стои на Денарите и тоа на Албански. Не велам дека сите кои гласале за СДСМ на овие избори, се предавници и убијци на Македонија и македонскиот идентитет. Секој има свој став и гледање на работите. Знам Македонци на кои не им пречи воведување на задолжителен Албански јазик во сите основни училишта и воопшто не им пречи ако нивното дете биде обврзано да го знае јазикот на најголемото етничко малцинство во Македонија. Тие луѓе не се помалку Македонци од мене, се додека тоа искрено го мислат. Се додека тоа го прават од лично убедување, а не од сопствен интерес.

Проценките велат дека 350.000 Македонци гласале за СДСМ на изборите на 11ти декември 2016 година. 350.000 Македонци не може да имаат личен интерес од двојазичноста. Не може сите да се предавници. Значи или свесно гласале за двојазичност, сметајќи дека истата е добра за Македонија или му верувале на Заев дека „двојазичноста е само во главата на Груевски“. Ако сте од овие вториве, не се секирајте, сите грешиме. И јас еднаш, оддамна гласав за Демократска Алтернатива и миљардата на Циле. ЈБГ дете бев. Ќе има нови избори, ќе си ја поправите грешката. Но, без разлика колкав дел од 350.000 македонски гласови за СДСМ биле дадени од сопствено убедување, дали гласачите биле прелажани или гласале од сопствен интерес, себично и предавнички, 350.000 гласови не му даваат легитимитет на договорт меѓу ДУИ и СДСМ!

Никогаш не сум ги делел луѓето по ниту една основа, па ниту по национална. Ниту ми било, ниту ми е важно дали некој е Шпанец, Американец, Кениец, Кинез.... Албанец, но плаформата на албанските партии во Македонија го направи токму тоа. Не подели на Македонци и Албанци во Македонија. Ултиматумот на албанскиот политички блок во државава, ги застапува само интересите на едните, а со тоа другите ги остава незаштитени. Платформата е апсолутно националистичка, па од таму другите националности мора да си најдат свој ентитет кој ќе ги застапува во преговорите. СДСМ тоа не е! Не затоа што јас така сакам или не, туку заради бројките од последните избори. Кога албанските политичари изградија заедничка платформа за својот етникум, за истиот мораа да преговараат со преставниците на Македонците во Македонија. Бројките велат дека тоа е ВМРО ДПМНЕ со убедливо најмногу гласови од етнички Македонци. Сакеле или не, вистината е таа, а со тоа и секој договор со СДСМ не е договор меѓу Албанците и Македонците во Македонија, туку политички договор за освојување на власт. Ништо друго! Без разлика дали ДПМНЕ ќе излезе од собранието на улица (како СДСМ во последниве години), дали ќе има „револуција“ дали евентуалната влада на СДСМ со две или повеќе албански партии ќе издржи повеќе од 6 месеци, овој политички договор ќе падне, затоа што не е потпишан од Македонците преку ВМРО. Заев и СДСМ немаат легитимитет за овој договор, без разлика дали подразбира уставни промени. ДУИ го знае ова, па затоа денеска за прв пат Ахмети зборуваше Македонски, со намера да ги омекне незадоволните сограѓани од македонска националност. Но, тоа нема да помине. Нема да помине ниту играта на ДУИ да даде потписи без да влезе во Влада со СДСМ. Со или без министерски места во владата, со самите потписи, а тоа и гаранција за мандат на СДСМ, ДУИ ја прекрши праксата на коалицирање на победник со победник. Таа грешка ќе ја плаќаат многу политички победници на парламентарни избори во Македонија од албанскиот блок во иднина, а со тоа и самите Албанци во државава. Сето ова ќе резултира со уште понапнати меѓуетнички односи, што е спротивно од она што треба да го постигне овој договор. Барем така велат оние кои го потшишуваат.

Кога на сето ова ќе се додаде отсуството на „Граѓанското општество“ при овие преговори на СДСМ со ДУИ, за кое толку многу слуашавме две години. И денеска не знаеме што точно е договорено меѓу двете партии, а се што дознавме, дознавме од ДУИ. СДСМ и Заев заборавија на сите ветувања и на сите оние кои од различни причини беа на улица 2 години. Сега никој нив не ги праша за двојазичност и за другите точки од албанската платформа. Оние кои зборуваа за демократија и се бореа против „режимот“, сега зад затворени врати преговараат за национални интереси, типично автократски.

И само за крај. Национализмот и радикализмот во било која форма, па дури и како платформа, секогаш раѓа национализам и радикализам како одговор од другата страна. СЕКОГАШ!!! Ова е далеку од моја желба, всушност јас не решив да склопам платформа во друга држава и да ја преставам како ултиматум. Ниту решив да прифатам нешто во име на Македонците, иако знам дека не сум нивни легитимен преставник. Ова чисто за во блиска иднина, кога ќе ги барате виновниците.

Автор: Пацифист

Заев сака, но не може да и даде на Бугарија

„Јас сум Македонец кој зборува македонски јазик, признат од целиот свет. Каракачанов е Бугарин кој зборува бугарски јазик признат од целиот свет. Но, етничката и идентитетска разлика не е единствената меѓу нас. Поважна и посериозна е разликата во нашите светогледи“, напиша вчера премиерот Заев и додаде: Јас работам на доближување на ставовите околу разликите, и знам дека тоа е можно само преку размена на идеи и мислења, а не преку навреди и недолични пораки. Нашите народи очекуваат исчекор кон пријателство, а не говор на омраза. Доста беше омраза!

Не знам од каде да почнам.... Ајде од почетокот. Први Август 2017 година. Денот на потпишување на договорот и изјавата на Заев дека со овој договор Бугарија го „признала“ Македонскиот јазик. Ммммм...НЕ! Единствено место каде се спомнува македонскиот јазик е последниот пасос во кој се вели:
„Потпишан во два оригинални примероци, секој од нив на официјалните јазици на Договорните страни – македонски јазик, согласно Уставот на Република Македонија и бугарски јазик, согласно Уставот на Република Бугарија, при што и двата текста имаат еднаква важност. “
Значи, согласно уставот на Република Македонија, што значи дека јазикот целиот свој легитимитет го влече од уставот, кој е менлива категорија и постои едвај 30тина години. За разлика од уставот, македонскиот јазик е официјален јазик векови наназад. 
Токму догооворот за добрососедство и лагите што тогаш ги ширеше Заев, се јасен аргумент дека премиерот знаел што го очекува и дека и сега знае што следува. 

Следно, „Јас сум Македонец кој зборува македонски јазик, признат од целиот свет“. Јазик не се признава. Јазик  постои и се кодифицира(стандардизира). Тоа што оваа влада постојано повторува дека македонскиот јазик е признат во 1977 година во Атина е само уште лага, со која повторно им се дава оружје на бугарските тврдења дека станува збор за бугарски дијалект. Во 1977 година во Атина со резолуција е усвоена латиничната транскрипција на македонската кирилица. Толку! Не се работи за никакво признавање, затоа што такво нешто не постои! Како тоа некој да ви признае јазик? Кој е тој што го може тоа?

„Јас сум Македонец кој зборува македонски јазик, признат од целиот свет“, колку и гордо да звучи, нема никакво значење во спорот со Бугарија и Заев го знае тоа. Софија секојдневно повторува дека тие немаат проблем со тоа што ние денеска сме Македонци и зборуваме македонски јазик, туку со нашето минато. На Бугарија во моментов не и гајле дали сме ние Македонци, туку што тоа биле нашите предци. „Македонија и македонскиот народ се творба на Тито. Излажани Бугари, а македонскиот јазик е само дијакт на бугарскиот“. Тоа е ставот на Софија и во ништо не се оспорува со „гордата“ изјава на премиерот. 

„Етничката и идентитетска разлика не е единствената меѓу нас“. И со оваа реченица Бугарија нема никаков проблем. Како што реков и пред малку, Софија признава дека сега сме различни народи, со различен идентитет. Тие ја сакаат историјата. Тоа многу отворено го кажа нивниот министер, кога рече дека убаво што Заев прифаќа заедничка историја, само уште да признае дека е бугарска. 

„Јас работам на доближување на ставовите околу разликите“. За некој да работи на доближување на ставовите, прво треба да има став, а Заев го нема. Дури и кога личи дека го има, ЛАЖЕ! ЛАЖЕШЕ дека нема да се смени устав со цел да се смени уставното име! ЛАЖЕШЕ дека со „Преспанскиот договор“ е бетониран идентитетот, но ја изгубивме пола историја (историја +традиција +култура+јазик = идентитет). ЛАЖЕШЕ дека со договорот со Бугарија, Софија го „признала“ македонскиот јазик. ЛАЖЕШЕ дека не постои „Тиранска платформа“. ЛАЖЕШЕ дека сме добиле датум за прговори со ЕУ, барем 12 пати. ЛАЖЕШЕ дека има писмени гаранции за почеток на преговори со ЕУ. ЛАЖЕШЕ дека Бугарија во втората светска војна била само администратор во Македонија. ЛАЖЕ и сега! Заев нема став, затоа што тој не се обидува да го реши спорот со Бугарија за доброто на Македонија, туку за свое добро. Во ситуација кога земјава е задолжена над 60% од БДП (високозадолжена земја), по што му е јасно дека повеќе нема да може да се задолжува и многу скоро ќе остане без пари за плати и пензии, единствен спас му се европските фондови. Во ситуација кога Македонија е 7ма по смртност од Корона, а ситуацијата до прва ќе се влошува, Заев знае дека многу скоро (на пролет) ќе мора на избори. По сите порази, на сите полиња, Заев знае дека неговата политичка кариера завршува со тие избори. Но, не е тоа главниот проблем на премиерот. Она што него навистина го плаши е прогонот кој што му следува. При "All in“ има само две можни. Ги собираш сите чипови (успеси) од масата или губиш се, па дури и слободата. 

Заев во моментиве е давеник, налик Груевски пред неколку години. Разликаата е што Груевски бараше спас кај народот (кој го пљачкаше со години), а Заев очекува да му помогнат странци. Она што сеуште не го разбрал е дека, кога ќе ја изгуби довербата кај народот, странците нема да го есапат. Завршено е! Сега дури и да прифати дека до вчера сме биле Бугари, а јазикот ни е препишан од бугарски буквар од 1943 година, никако не може да му понуди гаранција на Борисов дека тој договор ќе биде почитуван од наша страна. При таков договор, диру ни почеток на преговори со ЕУ нема да му донесе победа на изборите, а тоа Софија го знае. Затоа, сега потписот на премиерот не вреди ништо во Бугарија. Од таму и изјавата на Каракачанов дека изјавите на Заев се празни зборови, му требаат дела. Делата Заев не може да ги понуди! Единствено што може да направи е дополнителна штета во односите со Бугарија со уше некој анекс договор, за кој нормално ќе ЛАЖЕ што подразбира. Ова не значи дека давеникот ќе престане да прета и да се бори за воздух и по цена на други жртви, но крајот е блиску, а СДСМ никако не може да го запре. 

По сите понижувања и неуспеси кои како народ ги доживеавме под оваа владејачка гарнитура, добрата вест е дека за неколку месеци ќе заминат во историјата (во онаа црната). Лошата вест, доколку драстично не се променат работите, е дека Мицковски ќе биде новиот премиер. Сегашниот лидер на ДПМНЕ кој не направи ама баш ништо, да го спречи Заев во своите антимакедонски политики, премиерската позиција ќе ја добие на тацна. Слично како што ја доби и претседателската функција во својата партија. ДПМНЕ под лидерство на Мицкоски не доби ниту едни избори, не оствари ниту една победа! Ако толку може како партиски лидер, колку (ич) ќе може како премиер?

Можеби малите партии (од кои се издвојува Левица) ќе можат да го искористат вакумот, но сеуште е рано да зборуваме за премиер кој не е челен на СДСМ или ДПМНЕ. 

Автор: Пацифист

(Фото) Му се слошило на работа, западнал во кома, а брзата помош го однела... ДОМА

На социјалните мрежи во Фејсбук групата "Стари Скопјани" се најде статус каде еден од членовите на истата група раскажа за случка која се случила во неговото семејство.

Имено, неговиот зет за време на работа му се слошило и се онесвестил. Неговите колеги повикале брза помош, но тие наместо веднаш да го хоспитализираат тие го транспортирале само до ДОМА.

"Состојба тогаш: не зборел, не бил при свест, не мрдал не бил контактибилен. Тој е на возраст од 40 години,а работи во близина на ГОБ "8ми Септември", ( па нели требало прво да го однесат на некакво снимање, преглед и сл, па така барем беше во наше време. Од како го донеле дома му ставиле инфузија и си заминале и ја повикале ќерками од работа. Сега мојот зет лежи во КОМА, не сум по таа струка за да знам што му е, но само лежи без никакви знаци. Денес дојдоа еднаш од брзата помош да му сменат инфузија и оставија некое кесе, па ќерками ми напиша на ливче што се треба да купам од аптека, изгледа ќе треба сами да го боцкаме. Понатаму ќе ве известам како ќе течат работите, но еве како се спремни оние од екипата на Филипче да помагаат на болните во време на пандемија."

"Мајко Македонијо" те ранија, те омаловажија, стана безимена

Ех, Македонијо мајко моја, Те ранија, те омаловажија, стана безимена. Станавме затворен логор. Потпишавме капитулација. Останавме затворена ковид држава. Секој ден гледаме луѓе без насмевка, луѓе со маски и тешки мисли “Како да издржиме и месецов?”. Во држава во која се шири вирусот со невидена брзина, каде секојдневно имаме над стотици заболени. Дури некои се спремаат за избори, народот се заразува.

ИЗБОРИ ЌЕ ИМА! Има ли пилот во авионот со име МАКЕДОНИЈА? Економијата ни тоне, здравството колабира, а сиромаштијата влегува во фаза на ЕПИДЕМИЈА.

Здравствените работници со последни сили се борат, десеткуваани, заразени и деградирани. Некои земаат картички, некои не но сите заедно и сложно се борат против невидливиот непријател. Без нивната храброст и пожртвувсност ќе бевме Вухан на Балканот. Со ваков галопирачки развој на вирусот, со ваква неспособна власт, ќе имаме долго, топло и пеколно лето и многу ладна есен и зима. Државата ќе банкротира со колабирано здравство, пандемија на сиромаштија и корона.

Ех.. МАКЕДОНИЈО.

М-р Боби Бојчевски

Популарно