Една година П.С.Фешн во Македонија – дел од секојдневието на жените со стил!

П.С.Фешн денес го слави својот прв роденден. Брендот кој една година е дел од пазарот на Република Македонија и е вистински промотер на стил и добар вкус, низ овие дванаесет месеци беше дел од гардеробата на многу познати јавни личности, но и на жени кои едноставно – имаат стил

Untitled

 П.С.Фешн денес го слави својот прв роденден. Брендот кој една година е дел од пазарот на Република Македонија и е вистински промотер на стил и добар вкус, низ овие дванаесет месеци беше дел од гардеробата на многу познати јавни личности, но и на жени кои едноставно – имаат стил. Модни ревии, фото сесии, дружење со матурантките и апсолвентките беа дел од активностите кои брендот ги реализираше, а и отворените продажни места во Струмица и Тетово, дополнително говорат за љубовта која Македонките ја чувствуваат кон П.С.

Во прилог е хронолошка фотосесија од настаните кои ја одбележаа првата година работење на П.С.Фешн во Македонија. Ширењето модна култура – продолжува.

3

Ноември: Дани Димитровска станува заштитно лице на П.С.Фешн!

4

Декември: Отворање на VIP Lady Club.

5

Февруари: Кампањата „15 минути шопинг” беше прогласена за најдобро

организирана кампања во Скопје Сити Мол.

6

Март: П.С.Фешн, за денот на среќата, со ваучери и слатки задоволства за дамите низ Скопје!

7

Април: П.С. Фешн со матурантките и апсолвентките креираше модни комбинации за нивните славенички вечери! 

8

Април: П.С. Фешн шоу во Скопје Сити Мол – Елена Стефановска носи П.С.Фешн!

9

Мај: П.С.Фешн го отвори својот втор продажен салон во Струмица.

10

Јуни: Отворање на третиот продажен салон на П.С.Фешн во Македонија во Тетово.

11

Септември: Дани со фотосесија за колекцијата П.С.Фешн Есен/Зима 2014

2-ри Октомври: П.С.Фешн го слави првиот роденден во Македонија!

СРЕЌЕН РОДЕНДЕН P.S.

Приватните специјализанти четврти ден на штрајк

Штрајкот на приватните специјализанти продолжува и понатаму. На денешниот, четврти ден од генералниот штрајк, беше изразена осуда за притисоците што ги имаат од клиниките и од постарите колеги специјалисти.

Доктор Христина Илиоска Чешлароска, специјализант по интерна медицина, трета година, рече дека сака да ги охрабри сите колеги приватни специјализанти, да не подлегнат на притисоците од клиниките и да издржат во оваа нивна борба.

– Со оглед на тоа дека Министерството за здравство и министерот немаат слух за нашите барања, односно се изјаснија само за последното трето барање за решавање на нашиот статус, свесни сме и знаеме дека е тоа долг процес и нашиот статус нема така лесно и брзо да се реши, додаде Илиоска Чешлароска.

Таа појасни дека затоа сакале веднаш да се остварат првите две нивни барања, покачување на месечниот надоместок и воведување на здравствено осигурување. Притоа, истакна, дека со оглед на тоа што тие две барања за кои барале итно да бидат решени, не биле решени, тие ќе продолжеле со нивниот штрајк.

-Бидејќи министерот очигледно нема слух и не гледа дека ние штрајкуваме, во понеделник, во пет до 12, пред Министерството за здравство, повторно ќе се собереме на протест, под мотото, „Пет до 12 за македонското здравство“. Со тоа сакаме да упатиме јасна порака до Министерството за здравство и до целата држава. Затоа што, доколку овие 400 приватни специјализанти не ги добијат своите барања, јас сум сигурна дека на половина од нив, веќе, во некој ќош дома им стои куферот и чекаат само да го спакуваат и да заминат, подвлече Илиоска Чешлароска.

На новинарско прашање, таа одговори дека до сите катедри упатиле барање за поддршка. Јавно се заблагодари на професорката од Медицински факултет, инаку од клиниката за ревматологија, што вчера им даде поддршка. (МИА)

Грејната сезона продолжува поради временските услови

АД ЕСМ ги информира потрошувачите приклучени на системот за централно греење со кој управуваат компаниите формирани од АД ЕСМ, како и подружницата „Енергетика“, дека за 18.4.2023 година се создадени услови за испорака на топлинска енергија.

Оваа информација е во согласност со одлуката на Регулаторната комисија за енергетика и водни услуги на РСМ, а врз основа на прогнозираната средна дневна температура на воздухот во Скопје од 11˚С за 18.4.2023 година од Управата за хидрометеролошки работи. Снабдувањето со топлинска енергија во согласност со регулативата по правило се врши до 15 април, но грејната сезона може да биде продолжена до 30 април во зависност од временските услови, велат од ЕСМ.

Конечната одлука за испорака на топлинска енергија во деновите по 15 април секојдневно ја носи Регулаторната комисија за енергетика и водни услуги на РСМ ако се исполнети условите за снабдување со топлинска енергија, односно доколку прогнозираната средна надворешна температура за наредниот ден е еднаква или помала од 12°С според податоците од Управата за хидрометеоролошки работи на РСМ, се додава во соопштението на ЕСМ.

Изнемоштените и болните до полноќ можат да се пријавуваат за гласање на претседателските избори

Изнемоштените и болните лица до полноќ можат да се пријавуваат за гласање на претседателските избори закажани за 24 април.

-Избирачот кој не е во можност да гласа на гласачкото место (немоќно или болно лице) а сака да гласа за тоа ќе ја извести ОИК најдоцна 7 дена пред денот определен за гласање, 16 април, 24:00 часот, се посочува во роковникот на Државната изборна комисија.

Од ДИК информираат дека немоќните или болните лица гласаат во нивните домови еден ден пред денот определен за одржување на изборите.

-Ова гласање го спроведува избирачкиот одбор надлежен за спроведување на гласањето за избирачкото место каде припаѓаат овие лица, на 23 април (вторник), се посочува во Роковникот на ДИК.

Кампањата за претседателските избори завршува на полноќ на 22 април.

Популарно