„Федерализација“ или „Режим“? Кој е вашиот избор?

На само 7 дена до парламентарните избори во Македонија, многу работи се сеуште нејасни, но едно е сосема јасно. Ова ќе бидат уште едни избори на кои народот во државава ќе гласа против, затоа што не му се нуди ЗА. Повторно изборот паѓа на помалото од двете (3,4) зла. 25 години држава, којзнае кои избори по ред, а во Македонија ниту еднаш не се појави политичка партија, платформа, зад која народот ќе се обедини и ќе гласа. Не, кај нас се се сведува на „абе и овие се лоши, ама другине...“. И еве нови избори, моежеби најважните досега и пак истата досадна приказната. Истите актери, исто сценарио, истата реторика.... „Да се биде или НЕ“.

gruevski-zaev1

Не се сеќавам кога последен пат сум излегол да заокружам гласачко ливче. Често луѓето ми прфрлаат за тоа, бидејќи гласањато било наша „должност“ или затоа што некој ќе го искористел мојот глас. Ок, ама јас не гласам од должност и од страв. За да јас излезам на избори некој ќе треба да се потруди. Еве, имате уште 7 дена. Убедете ме.

Како сега стојат работите:

СДСМ бара да се бутне РЕЖИМОТ, ветува двојазичност и програма украдена од мала српска партија која освоиле незначителен процент од гласовите во Србија.

ВМРО ДПМНЕ бара 63 пратеника за стабилна влада отпорна на притисоци од СДСМ и албанските партии и нуди масивна програма за економски развој. Таквата програма и отсуството на истата кај противникот им донее победа во последниве 9 изборни циклуси.

Или со други зборови, СДСМ сака да не спаси од РЕЖИМОТ, а ВМРО ДПМНЕ од двојазичност, кантонизација и федерализација.

Значи и едните и другите во свој фокус го имаат противникот. Не народот, не развојот, туку политичкиот противник. Дел од „стручњаците“ кои јавно застанаа зад опозицијата отворено велат дека ова не се избори на програми и мерење на сработеното! Ова биле избори за да падне Груевски. Од друга страна, „експертите“ поблиски до владејачката партија, се утепаа од обајснување дека овие избори се за да се каже стоп за федерализацијата, промената на уставот и уредувањето на Македонија. Најстрашното е што, и тие и тие се во право! Да Груевски треба да падне и да Заев не смее да дојде на власт. Истово важи и за Ахмети и Тачи, и кои и да се во тој блок другите имиња.

Ви успеа да ни објасните зошто да не гласаме за вашиот опонент, сега уште да ме/не убедите зошто да гласам/е за вас. Е тоа не се може со негативна реторика.

Украдена програма од лузерска српска партија, не е опција. По 10 години без никаква програма, сега СДСМ реши да украде, па не украде победничка програма, туку од поразена партија! Не дека ќе беше подобро ако програмата на некого некаде му донела победа, ама барем ќе разберев дека им се допаднала. Нудењето на двојазичност на целата територија на Македонија, подразбира менување на уставот и подразбира етничка преселба и менување на етничката карта на Македонија. Ова се факти! Место Заев да пробува да избега од нив, во следниве 7 дена нека ни објасни зошто е сето тоа неопходно. Нека ни објасни и зошто треба да им се дадат поголеми ингеренции на локалните самоуправи и како ќе функционира таа полицја под локална власт. Од лидерот на СДСМ очекувам и објаснување каде отидоа 500.000 снимени разговори кои тој не ги предаде на СЈО и конечно одговор како истите снимени разговори стигнаа до него. Кој му помогна да ги преслуша, да ги преброи и обработи? Ова како за почеток, има уште многу што да ми одговори Заев за да го добие мојот глас.

Масивната програма на ВМРО ветува нови вработувања, изградба на нови патишта, субвенци.... и обајаснува што се е сработено во последниве неколку години. Добар старт. Така функционираат сериозните политички партии низ светот, но... Ако ВМРО го сака мојот глас ќе треба да ми објасни како тоа Македонија под нивна власт беше прислушкувана и како никој не одговара за тоа. Еве нека се странски служби, кои се тие? Како си дозволивме такво нешто? Наместо да ни објаснуваат дека СЈО е партиски продолжеток на СДСМ (што е и повеќе од очигледно) нека ни објаснат зошто и тие гласаа за формирање на истото во тој состав. Зошто Груевски и сопартијците без наша дозвола, дозвола од народот, донесоа на сцена неуставна институција? Како тоа сега да им верувам дека ќе го бранат уставот кога тие го прекршија? Зошто Мијалков и Гордана си дадоа оставки по „Диво насеље“? Зошто во Македонија нема попис на население? Дали навистина проблемот е со процентот на Албанците во државава? Има две верзии на ова, едната која кружи во македонскиот блок е дека истиот е под 20% од вкупнот население со што паѓа во вода Рамковниот, а другата омилена кај албанскиот дел е дека Албанците се над 30-40% од популацијата во државава. Која е вистината? Ова се дел од прашањата на кои Грувски треба да даде одговор на митинзите, место да зборува за тоа како Заев не донел ниедна инвестиција во Струмица и како Бацето земало по едно евро за секој бизнис. Тоа на сите ни е јасно.

На седум дена до 11ти Декември, датумот одреден за „да се биде или не“, Груевски бара 63 пратеника за да продолжи да ја води државата како досега, а Заев бара власт по било која цена. Очигледно неговите ветувања за двојазичност на цела територија ги зголемија апетите на албанските партии, па сега тие по старата „кога двајца се караат, третиот користи“, храбро и дрско ветуваат нелогични права на Албанците во Македонија. Се зборува за ултиматуми пред мандаторот за влада од македонскиот блок. Кој и да е. Јасно е дека 63 пратника за ВМРО ДПМНЕ најверојатно ќе ја „спасат“ Македонија од такво сценарио, но таквата историска победа на партијата на власт уште толку ќе им даде за право да мислат дека нивниот начин на водење на државата е вистинскиот. Дека онаа дрскост на снимените „сечени, монтирани, лепени“ разговори само ќе се зголеми. Дека иселувањето на младината ќе продолжи. За тоа не ми треба попис. Секоја од нас познава барем 3-5 луѓе кои си заминале од државава во последниве 5-10 години. 63 пратеници за ВМРО ќе значат и дека ќе продолжат партиските вработувања. Не, не треба СДСМ да ми каже дека постои нешто такво, јас познавам луѓе вработени на тој начин. 63 пратеника за Груевски ќе значат и дека покрај сите надворешни инвестиции, изградби на патишта, субвенции, зголемени пензии, зголемена минимална плата... нашето мислење ќе биде важно само пред избори. Т.е. нашиот глас ќе биде важен, мислењето и не баш.

25 години држава, а народот сеуште не знае, кој го изврши обидот за атентат над Претседателот Глигоров. Дали Кингерот на Борис Трајковски падна или беше бутнат? Зошто е сменето името и знамето? Зошто Македонија се откажа од малцинствата во соседните држави? Зошто ни се случи 2001 година и како македонската армија успеа да биде поразена од 300 терористи со пушки од втора светска војна? Зошто имаме територијална организација каква што имаме и како никој не одгавара за тоа или барем зошто никој не се обиде да ја врати назад? Кој ја нападна Македонија во „Диво Насеље“ и која беше целта? Кој тоа прислушкувал и како истите разговори се најдоа кај Заев? Зошто се потпиша Пржино, без дозвола од народот и на сцена се донесе СЈО со тетка Каица Јанева? Зошто нема попис?...

Сакате власт? Сакате подршка од народот? Го сакате мојот глас? Имате 7 дена да одговорите. Секој своето прашање.

Автор: Пацифист

Заев сака, но не може да и даде на Бугарија

„Јас сум Македонец кој зборува македонски јазик, признат од целиот свет. Каракачанов е Бугарин кој зборува бугарски јазик признат од целиот свет. Но, етничката и идентитетска разлика не е единствената меѓу нас. Поважна и посериозна е разликата во нашите светогледи“, напиша вчера премиерот Заев и додаде: Јас работам на доближување на ставовите околу разликите, и знам дека тоа е можно само преку размена на идеи и мислења, а не преку навреди и недолични пораки. Нашите народи очекуваат исчекор кон пријателство, а не говор на омраза. Доста беше омраза!

Не знам од каде да почнам.... Ајде од почетокот. Први Август 2017 година. Денот на потпишување на договорот и изјавата на Заев дека со овој договор Бугарија го „признала“ Македонскиот јазик. Ммммм...НЕ! Единствено место каде се спомнува македонскиот јазик е последниот пасос во кој се вели:
„Потпишан во два оригинални примероци, секој од нив на официјалните јазици на Договорните страни – македонски јазик, согласно Уставот на Република Македонија и бугарски јазик, согласно Уставот на Република Бугарија, при што и двата текста имаат еднаква важност. “
Значи, согласно уставот на Република Македонија, што значи дека јазикот целиот свој легитимитет го влече од уставот, кој е менлива категорија и постои едвај 30тина години. За разлика од уставот, македонскиот јазик е официјален јазик векови наназад. 
Токму догооворот за добрососедство и лагите што тогаш ги ширеше Заев, се јасен аргумент дека премиерот знаел што го очекува и дека и сега знае што следува. 

Следно, „Јас сум Македонец кој зборува македонски јазик, признат од целиот свет“. Јазик не се признава. Јазик  постои и се кодифицира(стандардизира). Тоа што оваа влада постојано повторува дека македонскиот јазик е признат во 1977 година во Атина е само уште лага, со која повторно им се дава оружје на бугарските тврдења дека станува збор за бугарски дијалект. Во 1977 година во Атина со резолуција е усвоена латиничната транскрипција на македонската кирилица. Толку! Не се работи за никакво признавање, затоа што такво нешто не постои! Како тоа некој да ви признае јазик? Кој е тој што го може тоа?

„Јас сум Македонец кој зборува македонски јазик, признат од целиот свет“, колку и гордо да звучи, нема никакво значење во спорот со Бугарија и Заев го знае тоа. Софија секојдневно повторува дека тие немаат проблем со тоа што ние денеска сме Македонци и зборуваме македонски јазик, туку со нашето минато. На Бугарија во моментов не и гајле дали сме ние Македонци, туку што тоа биле нашите предци. „Македонија и македонскиот народ се творба на Тито. Излажани Бугари, а македонскиот јазик е само дијакт на бугарскиот“. Тоа е ставот на Софија и во ништо не се оспорува со „гордата“ изјава на премиерот. 

„Етничката и идентитетска разлика не е единствената меѓу нас“. И со оваа реченица Бугарија нема никаков проблем. Како што реков и пред малку, Софија признава дека сега сме различни народи, со различен идентитет. Тие ја сакаат историјата. Тоа многу отворено го кажа нивниот министер, кога рече дека убаво што Заев прифаќа заедничка историја, само уште да признае дека е бугарска. 

„Јас работам на доближување на ставовите околу разликите“. За некој да работи на доближување на ставовите, прво треба да има став, а Заев го нема. Дури и кога личи дека го има, ЛАЖЕ! ЛАЖЕШЕ дека нема да се смени устав со цел да се смени уставното име! ЛАЖЕШЕ дека со „Преспанскиот договор“ е бетониран идентитетот, но ја изгубивме пола историја (историја +традиција +култура+јазик = идентитет). ЛАЖЕШЕ дека со договорот со Бугарија, Софија го „признала“ македонскиот јазик. ЛАЖЕШЕ дека не постои „Тиранска платформа“. ЛАЖЕШЕ дека сме добиле датум за прговори со ЕУ, барем 12 пати. ЛАЖЕШЕ дека има писмени гаранции за почеток на преговори со ЕУ. ЛАЖЕШЕ дека Бугарија во втората светска војна била само администратор во Македонија. ЛАЖЕ и сега! Заев нема став, затоа што тој не се обидува да го реши спорот со Бугарија за доброто на Македонија, туку за свое добро. Во ситуација кога земјава е задолжена над 60% од БДП (високозадолжена земја), по што му е јасно дека повеќе нема да може да се задолжува и многу скоро ќе остане без пари за плати и пензии, единствен спас му се европските фондови. Во ситуација кога Македонија е 7ма по смртност од Корона, а ситуацијата до прва ќе се влошува, Заев знае дека многу скоро (на пролет) ќе мора на избори. По сите порази, на сите полиња, Заев знае дека неговата политичка кариера завршува со тие избори. Но, не е тоа главниот проблем на премиерот. Она што него навистина го плаши е прогонот кој што му следува. При "All in“ има само две можни. Ги собираш сите чипови (успеси) од масата или губиш се, па дури и слободата. 

Заев во моментиве е давеник, налик Груевски пред неколку години. Разликаата е што Груевски бараше спас кај народот (кој го пљачкаше со години), а Заев очекува да му помогнат странци. Она што сеуште не го разбрал е дека, кога ќе ја изгуби довербата кај народот, странците нема да го есапат. Завршено е! Сега дури и да прифати дека до вчера сме биле Бугари, а јазикот ни е препишан од бугарски буквар од 1943 година, никако не може да му понуди гаранција на Борисов дека тој договор ќе биде почитуван од наша страна. При таков договор, диру ни почеток на преговори со ЕУ нема да му донесе победа на изборите, а тоа Софија го знае. Затоа, сега потписот на премиерот не вреди ништо во Бугарија. Од таму и изјавата на Каракачанов дека изјавите на Заев се празни зборови, му требаат дела. Делата Заев не може да ги понуди! Единствено што може да направи е дополнителна штета во односите со Бугарија со уше некој анекс договор, за кој нормално ќе ЛАЖЕ што подразбира. Ова не значи дека давеникот ќе престане да прета и да се бори за воздух и по цена на други жртви, но крајот е блиску, а СДСМ никако не може да го запре. 

По сите понижувања и неуспеси кои како народ ги доживеавме под оваа владејачка гарнитура, добрата вест е дека за неколку месеци ќе заминат во историјата (во онаа црната). Лошата вест, доколку драстично не се променат работите, е дека Мицковски ќе биде новиот премиер. Сегашниот лидер на ДПМНЕ кој не направи ама баш ништо, да го спречи Заев во своите антимакедонски политики, премиерската позиција ќе ја добие на тацна. Слично како што ја доби и претседателската функција во својата партија. ДПМНЕ под лидерство на Мицкоски не доби ниту едни избори, не оствари ниту една победа! Ако толку може како партиски лидер, колку (ич) ќе може како премиер?

Можеби малите партии (од кои се издвојува Левица) ќе можат да го искористат вакумот, но сеуште е рано да зборуваме за премиер кој не е челен на СДСМ или ДПМНЕ. 

Автор: Пацифист

(Фото) Му се слошило на работа, западнал во кома, а брзата помош го однела... ДОМА

На социјалните мрежи во Фејсбук групата "Стари Скопјани" се најде статус каде еден од членовите на истата група раскажа за случка која се случила во неговото семејство.

Имено, неговиот зет за време на работа му се слошило и се онесвестил. Неговите колеги повикале брза помош, но тие наместо веднаш да го хоспитализираат тие го транспортирале само до ДОМА.

"Состојба тогаш: не зборел, не бил при свест, не мрдал не бил контактибилен. Тој е на возраст од 40 години,а работи во близина на ГОБ "8ми Септември", ( па нели требало прво да го однесат на некакво снимање, преглед и сл, па така барем беше во наше време. Од како го донеле дома му ставиле инфузија и си заминале и ја повикале ќерками од работа. Сега мојот зет лежи во КОМА, не сум по таа струка за да знам што му е, но само лежи без никакви знаци. Денес дојдоа еднаш од брзата помош да му сменат инфузија и оставија некое кесе, па ќерками ми напиша на ливче што се треба да купам од аптека, изгледа ќе треба сами да го боцкаме. Понатаму ќе ве известам како ќе течат работите, но еве како се спремни оние од екипата на Филипче да помагаат на болните во време на пандемија."

"Мајко Македонијо" те ранија, те омаловажија, стана безимена

Ех, Македонијо мајко моја, Те ранија, те омаловажија, стана безимена. Станавме затворен логор. Потпишавме капитулација. Останавме затворена ковид држава. Секој ден гледаме луѓе без насмевка, луѓе со маски и тешки мисли “Како да издржиме и месецов?”. Во држава во која се шири вирусот со невидена брзина, каде секојдневно имаме над стотици заболени. Дури некои се спремаат за избори, народот се заразува.

ИЗБОРИ ЌЕ ИМА! Има ли пилот во авионот со име МАКЕДОНИЈА? Економијата ни тоне, здравството колабира, а сиромаштијата влегува во фаза на ЕПИДЕМИЈА.

Здравствените работници со последни сили се борат, десеткуваани, заразени и деградирани. Некои земаат картички, некои не но сите заедно и сложно се борат против невидливиот непријател. Без нивната храброст и пожртвувсност ќе бевме Вухан на Балканот. Со ваков галопирачки развој на вирусот, со ваква неспособна власт, ќе имаме долго, топло и пеколно лето и многу ладна есен и зима. Државата ќе банкротира со колабирано здравство, пандемија на сиромаштија и корона.

Ех.. МАКЕДОНИЈО.

М-р Боби Бојчевски

Популарно