ВИДЕО+ФОТО: Стоп за дивите трки на моторџиите низ скопските улици

СВР Скопје започна со реализација на посебниот план за зголемување на безбедноста во сообраќајот на подрачјето на главниот град, преку засилени и интензивни сообраќајни контроли, со посебен фокус кон помладите категории возачи, како и возачите на моторцикли.

Како што нагласи Билјана Милевска, начaлник на Одделението за превенција при СВР Скопје, на вчерашната промоција на новите оперативни мерки во областа на сообраќајот, на подрачјето на СВР Скопје во последниот период стана се позабележителна  појавата на поголем број на возачи на моторцикли, кои се движат со голема брзина и при тоа создаваат голема бучава, со што го нарушуваат јавниот ред и мир и спокојството на граѓаните, но и прописите од областа на сообраќајот.

“Решени сме да ставиме ред во сообраќајот и тука нема отстапување! Полицијата секојдневно ќе биде присутна на улиците на Скопје и ќе бидат санкционирани сите оние што ја загрозуваат безбедноста на сообраќајот. За полицијата како сервис на граѓаните нивната безбедноста е на прво место“ нагласи Милевска. 

ФОТО: Skopjeinfo.mk

ЦРНИ ТОЧКИ ВО СКОПЈЕ: Внимавајте кога се движите по овие улици

Во Скопје секојдневно се случуваат голем број сообраќајки во кои често има и настрадани. Некои од нив се поради преголемата брзина, и непочитување на поставената сигнализација, додека и често се наоѓаат поголеми количества на алкохол кај возачите. Во Скопје постојат места на кои се случуваат често сообраќајки на кои и самите сме сведоци, па затоа од градот и од Советот за безбедност во сообраќајот  овие места се мапирани како  опасни и се наречени црни точки. Се апелира за поголемо внимание кога се поминува низ истите. Следува листа на булевари и улици кои што се мапирани како црни точки:

Булеварите: Илинден, Партизански одреди, Борис Трајковски, Теодосиј Гологанов,Kузман Јосифовски – Питу, Александар Македонски, и Кочо Рацин.

Улиците:    12. Македонска бригада, Васил Ѓоргов, Ѓорче Петров, Цветан Димов.

Покрај мапирањето на овие места како ,,црни точки”, од страна на градските власти се преземаат мерки со кои овие улици и булевари би требало да станат побезбедни.

Една од црните точки се наоѓа на булеварот Партизански Одреди, на пешачкиот премин кај Универзалната Сала, каде што минатата година настрада девојка, кој што беше прегазена. Од градските влсти се разгледува како ќе се направи ова место побезбедно.

Исто така на булеварот Партизанска минатиот месец кај Симпо се случи сообраќајка во која загинаа две лица.

На булеварите Борис Трајковски, Илинден, како и на уиците 12 Македонска Бригада и Васил Ѓоргов градските власти дополнително ќе решат дали на овие места ќе бидат поставени кружни текови или семафори, со цел сообраќајот на истите да биде побезбеден.

На булеварот Кузман Јосифофски-Питу, во план е да се додадат нови ленти со што би се проширил булеварот, а исто така ќе се работи за подобра заштита и безбедност на пешачките премини.

На улицата Ѓорче Петров и на булеварот Кочо Рацин поставени ќе бидат семафори и сообраќајни знаци.

Популарно