ФОТО: Меси сакал да се тепа со играч на Сити - Тројца го држеле да го одвратат

Еден од најдобрите играчи на фудбалската игра во историјата и верјатно најдобриот фудбалер на денешницата, Лионел Меси поминува низ чуден период. Малку фалело ѕвездата на Барселона да се степа со играч на Манчестер Сити, по завршување на  дуелот на „Итихад“. Аргентинецот погоди за водство на каталонскиот гигант од 1:0, но „граѓаните“ направија пресврт и на крајот славеа со 3:1.

mesi

По завршување на средбата, еден играч на Манчестер Сити, чие име не се спомнува, решил да испровоцира Меси и го нарекол „глупак“. Тогаш Аргентинецот здивел и буквално сакал да се тепа. Дури се обидел да влезе и во соблекувалната на домаќините, но бил спречен благодарение на неговиот соиграч од репрезентацијата Серхио Агуеро.

Пред десетина дена, Меси имаше и вербална расправија со навивачите на Валенсија кои со шишиња кон играчите на Барселона, на дуелот одигран на „Местаља“.

Червар со неблагодарна споредба: Ја видовте Македонија, на што личеше тоа…

Лино Червар не може да смета на Домагој Дувњак уште по првиот натпревар на Хрватска на Европското првенство, а обидувајќи се да опише колку другите играчи одлично го заменуваат неговиот придонес на теренот, искусниот хрватски стручњак направи една неблагодарна споредба со македонската ракометна репрезентација.

Поранешниот селектор на Македонија го зема за пример последниот натпревар на нашата репрезентација, односно укажа на тоа колку лоши биле „црвено-жолтите“ во ситуација кога го немаат на располагање најдобриот ракометар, Кире Лазаров.

Червар со ова се обиде направи една компарација за тоа колку всушност му недостига Дувњак, но исто така и да ја „крене до облаци“ работата на другите играчи кои истапија и со тимска работа направија да го намалат неговото отсуство.

– Горд сум на тоа како нашиот тим одигра против Норвешка. Видовте каква беше Македонија против Шпанија без Лазров. На што личеше тоа…, порача Червар на последната прес-конференција, алудирајќи на тоа дека Хрватска игра без најдобриот играч на ова Европско првенство.

– Како би изгледала Франција без Карабатиќ? Норвешка без Сагосен? Горд сум на моите момци, тие отвораат едно ново поглавје во нашиот ракомет. Убаво е да се биде репрезентативец на Хрватска во овој момент, но сега не треба да се се фрлат копјата. Тимот треба да даде се од себе против Франција. Сите би сакале да игра Дувњак, но ние играме со тоа што го имаме и се надевам дека момците ќе дадат се од себе, завршува тој.

Спонзорот на Лазаров откри дали капитенот ќе настапи против Чешка

Спонзорот на Кире Лазаров, кој е технички спонзор и на нашата репрезентација, „Хумел“ на својата официјална фејсбук страница посвети пост за нашиот капитен и откри дека тој вечерва нема да биде на располагање на селекторот Раул Гонзалез.

„За жал, капитенот на македонската ракометна репрезентација е повреден и нема да игра вечерва во мечот помеѓу Македонија и Чешка. Се надеваме дека во најбрзо време ќе го видиме назад на терените“, напишаа од „Хумел“.

Неиграњето на Кире Лазаров на вечерашниот натпревар дефинитивно ќе биде огромен хендикеп за нашата репрезентација, но момците ќе мораат да дадат се од себе да ја совладаат Чешка, па Кире, сакал нејќел, ќе мора да стисне заби и да даде се од себе за утрешниот меч против Данска.

Инаку, „Хумел“ направи акција со која сака да го доближи своето заштитно лице, Кире Лазаров до навивачите, па им даде можност преку опцијата „Прашања и одговори“ да дознаат повеќе за нашиот капитен.

„Со повеќе од 1.000 голови, Кире Лазаров важи за еден од најдобрите ракометари на сите времиња. Но, кој е идолот на Лазаров и која е најдобрата работа околу големите натпреварувања?...“, пишува во остатокот од постот на „Хумел“.

Колкави се шансите Лазаров да игра вечерва?

Според последните информации капитенот на нашата ракометна репрезентација Кире Лазаров ќе биде на клупата за вечерашниот меч со Чешка, кој стартува со почеток од 20:30 часот.

Победа во овој меч ќе значи полуфинале на дофат за нашите ракометари. Сеуште нема јасни информации за повредата на нашиот капитен.

Според неофицијални информации на “balkan-handball”, тешко може да се очекува дека Кире ќе заигра на теренот.

Чесите од друга страна се засилија на позицијата пивот. На Земан и Петровски, им се придружи Петр Шлахта.

Популарно