ФОТО: Серена Вилијамс се пофали дека рекла ДА

Најдобрата тенисерка на денешницата, а според многумина и најдобрата на сите времиња, Серена Вилијамс преку своите профили по социјалните мрежи ја сподели среќната вест со своите фанови – таа ја прифатила понудата за брак од своето момче, ко-сопственикот на „Reddit“ Алексис Оханиан.

Американката 35-годишна тенисерка повеќе од една година се забавуваше со Оханиан, кој решил да го направи следниот чекор во врската.

„Дојдов дома малку доцна, некој ми ја имаше спакувано торбата. Превозот чекаше – дестинација Рим, да ме доведе до мојот специјален „Принц“. Таму каде што ѕвездите првпат ни се судрија, сега тој круг беше заокружен. На истата маса каде првиот пат се сретнавме случајно. Овојпат не беше случајно, туку со намера – клекна на едно колено и кажа четири збора – јас реков ДА“ – ја опиша Вилијамс целата „бајка“.

Веднаш под постот на Вилијамс на профилот на „Редит“ следеше и одговор од Оханиан: „Ме направи најсреќниот маж на светот“.

Датумот на свадба дополнително ќе биде објавен, но јасно е дека тенисерката се ближи до крајот на својата кариера и нема да биде изненадување ако во следниот период се посвети целосно на семејството, повлекувајќи се од спортот каде доминираше во изминатите години.

(ВИДЕО) После „Сан Сиро“ Пирло и дружината заминаа во дискотека, а таму беше УРНЕБЕСНО!

На 21 Мај„Сан Сиро“ Андреа Пирло го одигра својот проштален меч на кој присуствуваа големи фудбалски имиња и направија спектакл.

Меѓутоа, уште поспектакуларно беше по завршувањето на мечот, кога сите заедно заминаа да прослават во еден ноќен клуб во Милано.

Таму главна ѕвезда беше Џенаро Гатузо кој го зеде микрофонот и почна да пее навивачки песни, а потоа сите заедно го повикаа капитенот Малдини да се обрати во чест на Пирло…Погледнете.

Шкендија не сакала да ѝ пишува „шампион на Македонија“!

Новиот македонски фудбалски шампион, екипата на тетовска Шкендија направила голем инцидент во неделата при прославата на титулата на својот стадион по мечот со Пелистер.

И покрај тоа што е ред како и во сите случаи досега, фудбалерите да застанат зад сценографија на која пишува „победници на македонска Прва лига“, тетовци одбиле да го направат тоа, на луѓето од ФФМ не им дозволиле да ја постават сценографијата и решиле да си извадат своја на која пишува „Champions“, со логото на клубот и на нивниот спонзор, компанијата „Еколог“.

А, претходно во целата комуникација со ФФМ, луѓето од управата на Шкендија гарантирале дека нема да има никакви проблеми, дека сѐ ќе биде според договореното. Но, на денот на одигрувањето на последниот првенствен меч сезонава - репиле да пеат друга песна... 

Завчера на градскиот стадион во Тетово ништо не наликуваше дека се прогласува шампион на Македонија. На стадионот немаше ниту едно македонско знаме, на публиката ѝ беа делени илјадници албански знамиња, навивачите постојано скандираа националистички песни, навредуваа сѐ што е македонско. Дали случајно или не, и делегатот, кој треба да го нотира сето ова во записникот, и комесарот за безбедност пратен од ФФМ - беа етнички Албанци.

Дури и луѓето пратени од ФФМ за да им го предадат пехарот на фудбалерите на Шкендија за сосема заслужената титула, беа од ниските ешалони во куќата на фудбалот. Така, пехарот на Лазим Дестани, спонзорот на Шкендија, му го предадоа заменик-генералниот секретар на ФФМ, Енвер Сулејмани и членот на Управниот одбор, кој доаѓа од Липково - Саљим Абдиљи. Официјалниот спикер говореше само на албански јазик, така што ако имало некој на стадионот што не го разбира тој јазик - немало да има поим што се случува.

Ждрепката за квалификациите за Лигата на шампионите во Нион ќе се изврши во јуни, таму како претставник на Македонија ќе ја пишува Шкендија. Сакале или не тоа да го признаат тетовци, во натпреварувањата на УЕФА после името на клубот ќе ја пишува и државата од каде што доаѓа.

Sport1.mk

Шумахер се разбудил од кома и ја препознал сопругата

Легендата на Формула 1. Михаил Шумахер се разбудил од кома, по кобната несреќа која се случи на 29. декември, потврди семејството, пренесоа медиумите.

Неговото семејство се заблагодари за поддршката и молитвите на сите.

Тој ја познал неговата сопруга кога се разбудил од кома по несреќата која ја доживеа за време на скијањето на француските Алпи.

Популарно