ФОТО: Со џип се качи на дрво во Кичево

Сообраќајна несреќа во која за среќа причинета е само материјална штета се случила рано утрово околу 4:50 часот во Кичево.

soob-kicevo-640x592

Од полицијата велат дека 24-годишниот Ф.Г. од Албанија управувајќи „Ланд Ровер“ во кој имало уште двајца сопатници, изгубил контрола над возилото поради неприлагодена брзина и излетал од коловозот.

Автомобилот удрил во дрво кое се наоѓало на пешачката патека на булеварот „Ослободување“, кај кружниот тек.

Полициски екипи извршиле увид на местото на несреќата.

Страшно: Момче убиено на свадба во Куманово

Деветнаесет годишно момче од Германија, со потекло од Србија, им подлегна на повредите во градниот кош кои ги здоби на свадба која вчера се одржувала во кумановско Липково.
Од полицијата информираат дека настанот кај нив е пријавен од медицинскиот центар во Куманово околу 23:30 часот.
 

-Имено, околу 22:45 часот додека седеле во дворот од куќата на З.Ш. (51) каде траела прославата, 63-годишниот А.Ш. извадил пиштол калибар 9 милиметри, кој го поседувал без дозвола, и испукал неколку куршуми од кои еден го погодил 19 годишниот Б.А., информираат од МВР.

Повреденото момче со огноострелна рана во пределот на градниот кош и во критична состојба било пренесено во кумановската болница каде починало.

Телото на момчето е предадено на обдукција, А.Ш. е уапсен, а полицијата работи на целосно расчистување на случајот.
 

Починала за 10 дена откако мачката ја гризнала

Жена од Јапонија починала од болест која ја предузвикуваат крлежи, а и ја пренела мачка.

Ова е прв случај на синдромот Тромбоцитопении да се префрли на човек.

Жената и помагала на мачката, која била скитник, а таа ја гризнала. После десет дена жената починала од јака грозница со синдромот СФТС кои го пренесуваат крлежи.

Со оглед на тоа дека на телото немала никакви траги од крлеж или угриз, се претпоставува дека се заразила преку угриз на мачката.

Јапонските власти јавија дека ова е исклучително редок случај, но сепак гипредупредија граѓаните да бидат внимателни кога стапуваат во контакт со животнисо загрозено здравје.
 

Митко Чавков преживеал инфаркт

Екс директорот на Бирото за јавна безбедност (БЈБ), Митко Чавков, вчера бил примен на Клиниката за кардиологија каде што лекарите констатирале инфаркт. По извршена интервенција на негово барање Чавков ја напуштил клиниката по неколку часа, потврди Беким Поцеста, директор на скопската Клиника за кардиологија.

Тој вели дека вчера утро Чавков на клиниката во Скопје бил донесен од струмичката болница каде што првично бил сместен. Лекарите на кардиологија во Скопје направиле сѐ што  потребно, вели директорот Поцеста, по што поранешниот директор побарал да ја напушти државната кардиологија и лекувањето го продолжил во приватна болница.  

- На барање на пациентот, тој ја напушти болницата. Ние не можеме да спречиме ако некој сака да си оди  - вели директорот Поцеста.

Неофицијално, Чавков во моментов се опоравува во една приватна болница.

Популарно