ФОТО: Војна на Перо Антиќ и КФМ!

Се започна со игнорирањето од страна на МКФ и Агенцијата за Млади и спорт на Перо Антиќ при изборот најдобри спортисти за 2015 година. Иако имаше извонредна сезона во дресот на Атланта хоукс, а потоа и во турскиот гигант Фенербахче Улкер, Антиќ е игнориран поради фактот дека не настапи за репрезентацијата на Евробаскет 2015.

antik-naumovski

На тоа поранешниот капитен на македонската кошаркарска репрезентација по Фејсбук го порача следново:

pero-antic-fb

Како одговор на стаусот на Антиќ, но и на многу текстови посветени на изоставањето на центарот, со соопштени се јави и КФМ.

Соопштението ви го пренесуваме во целост.

„МКФ се чувствува повикана да одговори во името на вистината и на начинот на постапката за избор на најдобрите во макбаскетот во 2015 година.

За изборот на најдобрите, испративме барање до сите клубови, новинари и спортски работници со три празни линии во секоја од 13-те категории, на кои истите требаше сами да се изјаснат и да го напишат својот избор, а потоа МКФ само ги собра вкупните добиени гасови и на тој начин дојде до конечниот резулат и до победникот во секоја од категориите.

Со ова само сакаме да ја запознаеме македонската јавноста со начинот на гласање и избор на најдобрите во нашата кошарка, за да некој обичен и небитен поединец не би пишувал невистини, навреди и манипупации, бидејќи истиот поединец очигледо не е посветен на својата професија и на работата која ја работи, туку е посветен на други активности, па дури и политички, а нема капацитет за такво нешто.

Во статустот напишан на социјалните мрежи, навредениот спортист самиот потврдува дека изборот на новинарите и спортските работници бил вистински и бил донесен врз основа на целосната посветеност на македонската кошарка и репрезентација во било кое време, а не врз основа на сопствени евтини маркетинг трикови. А, за кои постојано имаше негативни реакции од јавноста кон истите, поради таквите изјави и неговиот однос кон макбаскетот.

Ова е нашиот одговор на сите сегашни и идни коментари“, објаснуваат од Куќата на кошарката.

Червар со неблагодарна споредба: Ја видовте Македонија, на што личеше тоа…

Лино Червар не може да смета на Домагој Дувњак уште по првиот натпревар на Хрватска на Европското првенство, а обидувајќи се да опише колку другите играчи одлично го заменуваат неговиот придонес на теренот, искусниот хрватски стручњак направи една неблагодарна споредба со македонската ракометна репрезентација.

Поранешниот селектор на Македонија го зема за пример последниот натпревар на нашата репрезентација, односно укажа на тоа колку лоши биле „црвено-жолтите“ во ситуација кога го немаат на располагање најдобриот ракометар, Кире Лазаров.

Червар со ова се обиде направи една компарација за тоа колку всушност му недостига Дувњак, но исто така и да ја „крене до облаци“ работата на другите играчи кои истапија и со тимска работа направија да го намалат неговото отсуство.

– Горд сум на тоа како нашиот тим одигра против Норвешка. Видовте каква беше Македонија против Шпанија без Лазров. На што личеше тоа…, порача Червар на последната прес-конференција, алудирајќи на тоа дека Хрватска игра без најдобриот играч на ова Европско првенство.

– Како би изгледала Франција без Карабатиќ? Норвешка без Сагосен? Горд сум на моите момци, тие отвораат едно ново поглавје во нашиот ракомет. Убаво е да се биде репрезентативец на Хрватска во овој момент, но сега не треба да се се фрлат копјата. Тимот треба да даде се од себе против Франција. Сите би сакале да игра Дувњак, но ние играме со тоа што го имаме и се надевам дека момците ќе дадат се од себе, завршува тој.

Спонзорот на Лазаров откри дали капитенот ќе настапи против Чешка

Спонзорот на Кире Лазаров, кој е технички спонзор и на нашата репрезентација, „Хумел“ на својата официјална фејсбук страница посвети пост за нашиот капитен и откри дека тој вечерва нема да биде на располагање на селекторот Раул Гонзалез.

„За жал, капитенот на македонската ракометна репрезентација е повреден и нема да игра вечерва во мечот помеѓу Македонија и Чешка. Се надеваме дека во најбрзо време ќе го видиме назад на терените“, напишаа од „Хумел“.

Неиграњето на Кире Лазаров на вечерашниот натпревар дефинитивно ќе биде огромен хендикеп за нашата репрезентација, но момците ќе мораат да дадат се од себе да ја совладаат Чешка, па Кире, сакал нејќел, ќе мора да стисне заби и да даде се од себе за утрешниот меч против Данска.

Инаку, „Хумел“ направи акција со која сака да го доближи своето заштитно лице, Кире Лазаров до навивачите, па им даде можност преку опцијата „Прашања и одговори“ да дознаат повеќе за нашиот капитен.

„Со повеќе од 1.000 голови, Кире Лазаров важи за еден од најдобрите ракометари на сите времиња. Но, кој е идолот на Лазаров и која е најдобрата работа околу големите натпреварувања?...“, пишува во остатокот од постот на „Хумел“.

Колкави се шансите Лазаров да игра вечерва?

Според последните информации капитенот на нашата ракометна репрезентација Кире Лазаров ќе биде на клупата за вечерашниот меч со Чешка, кој стартува со почеток од 20:30 часот.

Победа во овој меч ќе значи полуфинале на дофат за нашите ракометари. Сеуште нема јасни информации за повредата на нашиот капитен.

Според неофицијални информации на “balkan-handball”, тешко може да се очекува дека Кире ќе заигра на теренот.

Чесите од друга страна се засилија на позицијата пивот. На Земан и Петровски, им се придружи Петр Шлахта.

Популарно