ГОЛЕМА ТРАГЕДИЈА: Загина поранешен кошаркарски репрезентативец на Македонија!

Во сообраќајна незгода во близина на српскиот град Смедерево, живото трагично го загуби поранешниот член на македонската кошаркарска репрезентација за играчи до 20 години, Иван Нанчески (27 год.).

91647-tragichno-zagina-poraneshen-mladinski-kosharkarski-reprezentativec-na-makedonija

Станува збор за кошаркар кој извесен период играше за битолски Пелистер, а кој беше меѓу носителите на играта на жолто-црвената селекција на Европското првенство (ЕП), дивизија Б, кое во 2009 година се одигра во Скопје. Тогаш, тој просечно минуваше 26 минути на паркетот со просек од 6,6 поени, 2,4 скока и 1,9 асистенции на седум натпревари под раководство на тогашниот селектор на младинците, Емил Рајковиќ.

Неговите соиграчи од репрезентацијата го опишуваат како фантастично момче, мирно, секогаш подготвено да им помогне на другите. Во својата кошаркарска кариера, има играно уште и за Торлак, Свислајон Ваљево и за Смедерево каде што ја заврши кариерата.

Нанчески, неофицијално, загинал во директен судир со камион со приколка, кој под неразјаснети околности преминал во негова лента. Погребот ќе се одржи утре во Смедерево.

(ВИДЕО) Вардар се сака и кога губи: Комити грмат во Ланксес арена по поразот од Монпелје

Вардар не успеа да ја одбрани титулата освоена минатата година откако во полуфиналето загуби од Монппелје со 28-27. Ракометарите се бореа од првата до последната минута, дури и во последните минути стигнаа во ситуација да извадат поволен резултат но не успеаа. И покрај поразот Комитите покажаа дека Вардар се сака и во добро и во зло, и кога победува и кога губи. Денеска не успеавме, но ракометарите на Вардар и по поразот ја имаа целокупната поддршка од трибините.

Погледнете на видеото подоле

(ВИДЕО) ЛАЗАРОВ ГО РЕШИ ОМЕЈЕР: Прв стрелец на Ф4 со 57 гола

Кирил Лазаров е најдобриот стрелец во историјата на Ф4 турнирите, со 57 погодоци.

Кирил Лазаров е најдобриот стрелец во историјата на Ф4 турнирите, со 57 погодоци.

Македонскиот „бомбардер" пред почетокот на полуфиналето меѓу Нант и ПСЖ имаше 51 гол и беше зад Филип Јиха и Момир Илиќ, но тој блеска во дуелот со „светците“ и стигна до 57 гола, од кои 5/6 од седум метри и со тоа стана прв стрелец во деветгодишната историја на завршни дуели во „Ланксес“ арената.

Натпреварот се уште се игра, а тоа значи дека Лазаров може да ја зголеми предноста пред конкуренцијата.

Лазаров е и прв стрелец во Лигата на шампионите со 1176 погоди.

Кирил Лазаров и Нант ја живеат ланската бајка на Вардар, откако во првото полуфинале го победија главниот фаворит ПСЖ (17:14) и обезбедија пласман во финалето на Ф4 во Келн во Лигата на шампионите.

Лазаров најави дека неговиот тим доаѓа растоварено и без притисок, но дека ќе ја искористи секоја шанса која ќе им се отвори за сензација.

Самиот пласман на Ф4 за Нант е историја, но Лазаров од самиот старт на мечот го предводеше тимот и блескаше најдобриот македонски ракометар на целиот натпревар.

Токму Лазаров и го донесе пресвртот во средината на првото полувреме, 7:6, а потоа предноста само растеше, односно ја одржуваа ракометарите на Нант, за на полувремето да заминат со 17:14.

Во финишот на дуелот гледавме вистинска драма, откако предноста од 20:15, ПСЖ ја „стопи“ на 29:28, но Димулен не дозволи изедначување, а потоа уште две ипол минути храбро ја чуваше мрежата за конечни, 32:28.

Лазаров поентираше од игра, од седум метри, асистираше, мечот го заврши со 8 погодоци (6/7 од пенал) и како најдобар стрелец на Ф4 турнирите со вкупно 59 погодоци го одведе Нант во финале.

(ВИДЕО) Цел Балкан зборува за овој меч: Во прво полувреме дадоа три гола, во второ се тргаа да не им сметаат на противниците

Деновиве балканските медиуми на големо пишуваа за фудбалскиот натпревар од една од пониските лиги во Србија помеѓу екипите на Прва Искра и Единство. Во првите 45 минути гостите постигнале 3 гола, за во второто на теренот да се случи нешто неочекувано, домаќините да го свртат наптреверот за конечни 4-3.

Иако вакви пресврти се случувале на фудбалските натпревари, она што им паѓа во очи на сите кои ја погледнале снимката од натпреварот е однесувањето на гостите на теренот во вториот дел кои буквално како да бегаа од топката.

– „Брука и срамота за оваа држава“, „Како во прво дадоа три гола, а во второ се’ што направија е да се тргаат од пред патот на противникот“… се само дел од коментарите на социјалните мрежи за овој крајно сомнителен натпревар.

Популарно