Граѓаните бараат да се стопира Панорамското тркало

Повеќе од шест илјади граѓани се потпишале на петицијата „Стоп за Панорамското тркало“ со барање да се стопира големиот објект кој ќе чини околу 20 милиони евра и дополнително ќе го промени лицето на градот.

„Го направивте Скопје Дизниленд, не се диши, не се живее“, „Има многу понеопходни работи од поставување таков кич“, „Гасифицирајте го Скопје, спасете некој живот“, „Со тие пари може да се реши загадувањето во Скопје“... Ова се дел од коментарите на онлајн петицијата која скопјани се помасовно ја потпишуваат и се шири на социјалните мрежи. Граѓаните од градоначалникот Коце Трајановски бараат итно запирање на сите подготвителни работи околу изградбата на панорамското тркало, како и стручна и надпартиска анализа на овој проект. Истовремено, се бара парите

да се пренаменат во други цели, како гасификација на градот и решавање на проблемот со загадувањето.

Како одговор на петицијата Трајановски рече дека проектот не е во надлежност на Градот, туку во надлежност на Владата.

Одлуката за изградба на овој објект во коритото на Вардар ја донесе Град Скопје со мнозинство советници во 2013 година. Планот датира од 2010 година во рамки на проектот „Скопје 2014“. Мислењето на граѓаните е различно, но преовладува ставот дека инвестицијата е непотребна во услови на криза.

Откако не успеа првичната идеја изградбата да ја финансираат бизнисмени и приватни фирми, средства беа побарани од државните институции и од Владата. До сега донираше само Агенцијата за електронски комуникации и тоа околу еден милион евра.

Вредноста на тркалото достигна сума од 19 милиони и 700 илјади евра, но изворот на парите не и е познат на јавноста, а првилните најави беа дека ќе чини околу 12 милиони евра. Изградбата на тркалото продолжи и покрај острото противење на јавноста и покрај граѓанските протести. Планираното е тркалото да има дијаметар од 57 метри и да се издига 73 метри над брегот на реката, а на тркалото да се сместат 30 кабини во форма на гондоли со капацитет од 300 луѓе и да има придружни објекти како кафетерии и сувенирница.

Скопјанец: Не ме примија на Клиника бидејќи немаше слободен кревет

Гоце има 70 години. Тој целит свој живот век го поминал во скопскиот регион, но како што вели до сега ова му се нема случено.

Тој живее сам. Ќерките му се омажени, а сопругата почината. Минатата недела додека бил дома, му се слошило. Добил силна вртоглавица и болка. Веднаш побарал помош од лекарите.

Матичниот лекар веднаш го упатил на една од скопските Клиники, но за него таму немало место.

-Ме прегледаа и ми кажаа дека морам да останам во болница да ме испитуваат, но дека тоа не може да биде веднаш, туку мора да чекам 3-4 дена за да се ослободи некој кревет, бидејќи во тој момент немало слободен, вели Гоце за Скопје Инфо.

Од Клиниката му кажале да си оди дома и да се одмара, без да му дадат никаква терапија, и дека тие ќе му се јават кога ќе се ослободи некој кревет.

-Ми се јавија после 4 дена да одам на Клиника. Кога отидов таму ме натераа да потпишам дека се сложувам да бидам во соба, која е мешана со мажи и жени, раскажува Гоце.

Што се случува со македонското здравство се прашува тој. Во 21 век немаме болнички кревети, а сепак постојано се зборува за модерно здравство. 

Тврдокорните излегоа на протести пред Собранието: Со двојазичноста ја губиме државата

Тврдокорните кои денеска излегоа на протести пред Собранието тврдат дека со двојазичноста се губел македонскиот карактер на државата, односно се губела самата држава.

Тие со транспаренти и патриотски песни се „борат“ против Законот за јазици.

Според нив, нејасно е како албанскиот јазик може да биде службен јазик во Гевгелија, Валандово, Струмица, Кочани, Штип, Радовиш, Берово, Крива Паланка.

Хорор убиство го потресе Скопје: Жена нападна друга жена со секира, па била усмртена со нож

Телевизијата SHENJA објавува детали за убиството што се случи синоќа на улицата „Дижонска“ во скопската наслебад Чаир.

Како што дознава TV SHENJA, вчера на местото дошла жена од Тетово, која нападнала друга жена со секира. Нападнатата потоа ја прободела со нож и ја убила жената од Тетово.

Таа била испратена со возило за брза помош во болница, но им подлегнала на повредите

Екипи од МВР и Јавното Обвинителство веднаш излеголе на местото на настанот за да го истражат случајот.

Се очекува МВР да излезе со официјална верзија за убиството во Дижонска.

Популарно