Мухамед Емини (27) од Зрењанин ја убил Везира Салихи (30) со која имал петмесечна ќерка, а потоа извршил самоубиство. Злосторството се случило во вторникот околу 20 часот во населбата Дудара.
Според првичните сознанија, мотив за страотното злостроство е болна љубомора. Емини упаднал во куќата на своите први соседи и на сопругата и пукал во глава, додека во раце ја држела нивната ќерка и се убил со истрел од пиштол.
-Емини до пред две години живеел со друга жена со која има четири деца, а таа го напуштила и му ги оставила децата. Везира живеела со своето семејство 15 метри од неговата куќа. Откако знам тој беа вљубен во неа, вели соседот Амето.
Тој додава дека Емини бил со Везира последните година дена, но таа го напуштила пред три недели.
-Си го зеде детето и се врати кај родителите и браќата. Емини одеше таму, купуваше пелени за бебето и бараше таа да му се врати. Во вторникот дозна дека Везира со детето е кај сосетката, зеде пиштол и отиде таму, вели соседот.
-Таму беа и две нејзини другарки, малолетни. Емини влегол во куќата и веднаш од вратата почнал да ја моли да му се врати. Ја прашал дали ќе му даде уште една шанса. Таа му рекла дека не сака да се врати. Тогаш извади пиштол, а на девојките кои седеа со неа и рече да излезат надвор и да го однесат бебето. Но кога тие го виделе пиштолот се исплашиле и истрчале без детето, вели Сафет.
Според неговите зборови, соседите дотрчале до неговата куќа, која е веднаш зад нивната.
-Ми викаа: Побрзај, Мухамед ја уби Везира! Помислив дали можеби ја тепал, но кога влегов, се шокирав. Мојата сестра лежеше мртва на креветот, а во рацете и беше бебето. И пукал во глава. Бебето цело беше крваво, не испушти ни звук. Помислив дека и тоа е убиено. За среќа кога го зедов в раце, видов дека е добро, вели братот на убиената жена.
Се самоубил пред ќерката
Откако ја убил жената Емини отрчал во својата куќа во која живеел со мајката и четирите малолетни деца од првиот брак.
-Најстарата ќерка која има 9 години, слушнала дека се вратил таткото. Во моментот кога сакала да влезе во собата тој си пукал во глава. Имало крв на сите страни, а несреќното дете почнало да вреска. И таа била целата крвава. Пострашно ништо не сум видел, вели соседот Амето.
Многу ја сакаше
И покрај тоа што го направи, соседите за Мухамед зборуваат се најдобро.
- Знам дека многу ја сакаше Везира, и дека и таа го сакаше. Првата жена му остави 4 деца, за кои мораше да се грижи. Никогаш не викаше по нив и не беше насилен. Никогаш не кренал рака на Везира. Незнам од каде му е пиштолот, вели сосетката Уснија.
