Хороскоп за 09.01.2017 - Понеделник

Овен

За да ве спречи некој вас денес, потребно е максимално да се потруди, бидејќи вие нема да бидете дел од лицата кои лесно се откажуваат. Со жар во очите ќе трчате кон вашите цели, туркајќи сè што ќе ви застане на патот.

Изразете се себеси! Колку повеќе нешта држите заклучени внатре во вас, толку потежок ќе биде товарот кој го носите на грбот.

Бик

Денешниот ден ќе ви ги помеша односите со соработниците, па можно е одеднаш да ви се појават премногу пријателски или непријателски чувства кон некои од нив. Сепак, не брзајте со носење заклучоци, дајте си време за да проверите на какви нозе стојат вашите врски.

Многу е важно да бидете повоздржани и да не ги наметнувате вашите ставови на работното место. Тоа ќе ви донесе поени плус.

Близнаци

Денес вашиот ум ќе раѓа брилијантни идеи и постојано ќе ве потсетува зошто сте на врвот на вашето работно место. Доколку немате ресурси за да ги реализирате најдобрите од нив, здружете се со друга личност. За танго се потребни двајца, зарем не?

Елоквентноста ќе ви помага да им го заробувате вниманието на луѓето во истиот момент кога ќе започнете да зборувате. Користете ја вашата дарба мудро.

Рак

Денес планетите ќе ви создадат илузија дека можете да му верувате на секого, но не го правете тоа. И самите знаете дека личностите на кои можете да се потпрете целосно се бројат на прсти.

Време е за тешки одлуки, но интуицијата ќе ви помага да го одделите лажното од искреното. Вистината одеднаш ќе ви биде многу очигледна за откривање.

Лав

Денес ќе ви биде поважно отсекогаш максимално да ја искористите огромната енергија којашто ја поседувате. Моќниот изглед ќе ви помогне да ги реализирате и најамбициозните цели.

Само внимавајте доколку вежбате, бидејќи ќе бидете склони да се форсирате себеси и да се преуморувате. Грижете се за вашето тело, но не претерувајте.

Девица

Денес ќе умеете да ја кажувате вистината без да бидете премногу груби и нападни, па луѓето нема да ви се лутат. Олеснете си ја душата, кажувајќи го она што со денови сте го мислеле, а сте се плашеле да го споделите.

Доколку сметате дека заслужувате повеќе на работа, независно дали се работи за проекти, пари или почит, зборувајте за тоа. Само така ќе го добиете она што го сакате.

Вага

Денес вашите идеи ќе бидат фантастични, но наместо да пукате со нив по другите, ќе сакате да работите од зад сцената и ќе бидете доста успешни во тоа. Ќе им ги препуштите аплаузите и пофалбите на другите, знаејќи дека на крајот вие „тивко“ ќе ги надминете.

Смислете одговор на прашањето „Зошто си толку таинствена?“, тоа ќе ви биде многупати поставено.

Скорпија

Денес нема да можете да ги скриете вашите вистински емоции, па не се ни обидувајте. Доколку сте нервозни, зборувајте за причините, доколку сте среќни, споделете го тоа со најблиските.

Во спротивно, ризикувате да ја изгубите довербата на луѓето кон вас. Кога сте во дилема што да одговорите на одредено прашање, претпочитајте ја искреноста.

Стрелец

Ако ви се чини дека сите се однесуваат малку чудно и детинесто, можеби причината за тоа не е во нив. Сфатете го како знак дека сте созреале како личност и дека одамна сте ги надминале оние со кои некогаш сте биле конкуренти.

Не бидете опседнати со вашиот изглед. Можеби не гледате, но вашиот интелект е првото нешто што луѓето го забележуваат кај вас.

Јарец

Денес посветено ќе трчате кон целта дури и кога знаете дека таа е на огромна оддалеченост од вас. Ќе гледате како сите други околу вас еден по еден се откажуваат, но вие нема да бидете како нив. Вашата упорност ќе биде за пофалба.

Вие сте личност која верува дека успехот не доаѓа преку ноќ, па нема да се разочарате ако не видите никакви резултати до крајот на денот. Не грижете се, тие ќе дојдат наскоро.

Водолија

Денес вашите визии ќе бидат приземни и складни со реалноста, па ова веројатно е ден кога ќе успеете да ги реализирате вашите соништа. Сметајте само на сопствената сила и енергија, во спротивно, може да се разочарате.

Можно е на почетокот да ви биде тешко да кажете дали се враќате наназад или се искачувате нагоре. Верувајте во себе, брзо ќе се убедите дека напредувате.

Риби

Ова е еден од оние денови кога продуктивноста ќе ви биде огромна. Не ни помислувајте да кажете „Не можам“ кога ви е доделена одредена задача. Можете и ќе успеете, само во ниту еден момент не се сомневајте во вашите способности.

Доколку немате одговор на одредено прашање или ви е тешко да го одговорите, само насмевнете се. Тишината честопати е најдобриот одговор.

Како се однесуваат хороскопските знаци во соба која нема клима?

Што е најлошо нешто во лето? Кога е премногу жешко. А што е уште полошо? Кога сте во просторија без клима.

Неклиматизираната соба е одличен тест за секој од 12-те хороскопски знаци. Некој е трпелив, друг паѓа во кома, трет побеснува.

Зодијакот е сепак еден од најстарите системи на класификација на карактерните особини кај луѓето. Погледнете како секој од нив се однесува во „жешката соба“:

Овен:

Некој нека го отвори проклетиот прозорец веќе! Проклето нека е летото! И проклети да сте сите!

Бик:

Јас ќе си земам сладолед. Ти сакаш еден? Не сакаш, добро, повеќе за мене. Леле, овој е со бело чоколадо и лешници, мх мх.

Близнаци:

Брат, и јас сакам сладолед. Не е дека ќе го изедам цел, ама дај еден. Леле, како добро ќе оди една вотка со сладоледов... А цигара може да запалиме?

Рак:

Се надевам дека никој нема да забележи како плачам и сите ќе мислат дека се потам од жешкото. Добро, кои луѓе не ставаат клими во денешно време?

Лав:

Се потам?! Не ми се верува дека се потам... и тоа во најдобрата маица што ја имам. Ќе си ја упропастам. Ама види косата не ми мрднува бре, ни жешко, ни бутур. Косата ми е топ!

Девица:

Добро бре луѓе, смирете се, нема да умреме без клима. Кој умрел без клима, сте слушнале за некој таков?

Вага:

Абе види, може и да умреме. Ама веројатно нема. Ама сепак, не ја исклучувај можноста дека сме 12 во собата, заглавени веќе 38 минути без клима, и ако температурата не падне за некој степен...

Скoрпија:

Топло е во собата затоа што нема клима или затоа што јас сум во неа? Сериозно, изгледам најдобро од сите тука. Се распаѓаат луѓево, леле.

Стрелец:

Жешкоооо, уфффф не се дише. Ама види, како-така авантура е. Ова ќе биде добра приказна за раскажување. Ќе се смееме еден ден на ова, ќе видите.

Јарец:

Некој нека направи нешто! Како може да седиме вака без план? До кога планирате да се вариме? Неспособни, сите до еден!

Водолија:

*Ги игнорира сите, се лади со импровизирано ладало од хартија и смирено си пие вода од шишето.

Риби:

*Со устата прави „фаца-риба“ и имитира дишење на суво. Потоа почнува да џвака мастика и ги прави најголемите можни балони. Никој не му зборува и на сите им оди на нерви.

Превземено од https://www.crnobelo.com/

Дневен хороскоп

Овен 

Вашиот натпреварувачки дух ќе биде на највисоко ниво во денот кој ви претстои. Вашата амбиција и креативност ќе направат да напредувате повеќе на работното место.Внимавајте повеќе на здравјето.

Бик

Доколку планирате патување во брзо време, најдобро ќе ви биде уште денес да го испланирате целиот потребен буџет. Размислете во врка со понудата за кафе која ја добивте од колега.

Близнаци

Престанете да се оптеретувате со тоа што мислат другите за вашите постапки. Правете го она што мислите дека е исправно и слушајте го вашето срце.

Рак

Денес е совршен ден да изјавите љубов на некоја личност која одамна ви се допаѓа. Соберете храброст и кажете како се чувствувате, и онака нема ништо да изгубите.

Лав

Ќе чувствувате многу енергија во себе, па нема да ви биде проблем денеска максимално да се забавувате. Тоа и не е така лошо, но внимавајте, не запоставувајте ги и секојдневните обврски и работата.

Девица

За денес направете нешто ново, нешто што досега не сте го направиле и тоа ќе ве развесели. Опуштете се со пријатно попладневно кафе со пријателите.

Вага

Секогаш сте биле силни и решителни, па така и денес лесно ќе се ослободите од проблемите кои ќе ви се појават. Посветете повеќе внимание на блиските пријатели, бидејќи тие се секогаш тука за вас.

Скорпија

Внимавајте на вашата врка со партнерот, бидејќи работите можат да станат сѐ полоши. Зборувајте во врска со тоа и зацврстете го вашиот однос.

Стрелец

Ќе потрошите многу пари средувајќи го вашиот дом, но така барем ќе се чувствувате удобно дома. Држете се што понастрана од оние кои само ви делат комплименти, тие се љубоморни на вашите успеси.

Јарец

Ќе се чувствувате среќно и ќе бидете полни со енергија. Искористете го слободното време за читање на некоја добра книга. Очекувајте изненадување од некој кој не сте го виделе долго време.

Водолија

Средбата со вашиот поранешен партнер ќе направи да посакате да се вратите во минатото, но наместо тоа, почнете да гледате во иднината, можеби ве очекува нешто интересно.

Риби

Сите знаеме дека сте работохоличари, но потрудете се да одвоите време и за себе. Оставете ја работата на страна и наградете се со некоја пријатна прошетка во природа со пријателите.

Пет работи што треба да ги знаете за моќните Скорпии

Ова се 5 нешта кои треба да ги знаете за Скорпиите:

1.Тие се големи заштитници на тие што ги сакаат. Ако една Шкорпија ве сака, очекувајте дека постојано ќе бидете бранети и заштитувани од нив.

2.Иако никогаш нема да признаат, Шкорпиите се многу емотивни личности. Само, нивните најчести емоции се поврзани со страста и бесот.

3.На Шкорпиите им е потребно многу време за да се отворат, ако било кога го направат тоа. Ќе треба да докажете дека целосно можат да ви веруваат.

4.Тие секогаш мислат дека се во право. Тие не дозволуваат да бидат водени и многу често веруваат дека се најинтелигентните и најмудрите во своето друштво.

5.Шкорпиите се одлични во било која кариера и да ја изберат. Тоа е така бидејќи се одговорни и многу посветени на работните задачи.

Популарно