Хороскоп за 10.01.2017

Овен

Едно е да го покажувате вашиот авторитет, а сосема друго е да се однесувате како диктатор. Денес внимавајте на реакциите, бидејќи може тие да бидат претерани, особено кога наспроти вас стои личност која сака да ве турне од врвот.

Некои овни ќе успеат да ја насочат тврдоглавоста во позитивна насока и ќе постигнат цел која ја сметале за невозможна.

Бик

Вистината не е секогаш посакувана, па внимавајте кога решавате да им ја плеснете на луѓето во лице. Денес тие не само што нема да сакаат да ја прифатат, туку можно е да ги извртуваат вашите зборови за да ви создадат чувство на вина.

Доколку имате потреба да ги искажете вашите чувства, најдете личност на која ѝ верувате безусловно.

Близнаци

Тимска работа? Денес вашиот одговор ќе биде „Не, благодарам“. Ќе сакате да размислувате со своја глава, далеку од коментарите на колегите, па веројатно ќе ги претпочитате самостојните задачи и проекти.

Некои близнаци ќе се соочат со завидливи коментари од свој конкурент. Искористете го брзиот ум за да го „запрете“ со стил.

Рак

Денес животот ќе ви приреди една од оние серии на промени на кои луѓето тешко се адаптираат. Но, не и вие. Ќе бидете пофлексибилни отсекогаш, а вашата желба за компромиси ќе ви помогне да надминете многу пречки.

Не се изненадувајте ако одеднаш придобиете нов статус, на пример идна мајка, партнерка или свршеница. Денот ќе биде возбудлив за вас.

Лав

Не дозволувајте моменталните фрустрации да влијаат на вашиот професионален успех. Доколку не успеете веднаш да постигнете одредена цел, обидете се повторно. Во спротивно, ризикувате да бидете надминати од конкурентите.

Запомнете дека и најуспешните личности се соочуваат со пречки. Нивната тајна е во тоа што не потклекнуваат пред нив.

Девица

Ова не е ден за промени, па воздржете се од експериментирање. Придржувајте се до познатите начини на функционирање и рутините доколку сакате да имате смирен ден.

Кај некои девици можно е да се појави неоснована љубомора. Добро е да научите да ги контролирате вашите чувства за да не си ги нарушите односите со партнерот.

Вага

Подгответе се за изненадувања и непредвидливи случувања, бидејќи денешниот ден ќе ви го приреди токму тоа. Плановите нема да имаат место во следните 24 часа, бидејќи тие ќе бидат променувани во последниот момент.

Препуштете ѝ на спонтаноста и научете да наоѓате убавина во секој момент. Така ќе бидете вистински среќни.

Скорпија

Денес ќе се чувствувате слободно како птица и ништо нема да мразите повеќе од ограничувањата кои ви ги поставува околината. Некои шкорпии ќе се судрат со строг член од семејството и бунтовно ќе го следат своето срце.

Имајте на ум дека секоја постапка влечи свои последици. Научете да ги прифаќате.

Стрелец

Денес љубовта и работата ќе се судрат во вашиот живот, па можно е да влезете во конфликт со партнерот за пари или затоа што не му посветувате доволно време. Бидете особено внимателни доколку имате заеднички бизнис со него.

Не го потценувајте вашиот потенцијал, дури и кога сите останати го прават тоа. Докажете им дека грешат.

Јарец

Денес никој нема да може, а и нема да сака да го погази вашето достоинство, бидејќи луѓето вистински ќе ве ценат. Ранливоста ќе се чита во вашите очи, поттикнувајќи ги луѓето да бидат внимателни кон вас.

Доколку не сте сигурни во вашите чувства, не преземајте ништо во врска со нив. Почекајте додека да се тргне превезот од пред вашите очи.

Водолија

Луѓето понекогаш се прекрасни, а вие денес ќе се уверите во тоа. Некој ќе ви подаде рака во момент во кој ќе ви се чини дека немате излез. Благодарноста ќе го обземе вашето срце, но „испишете“ ја и во вашите постапки.

За некои водолии денот ќе донесе друштвен конфликт. Не им дозволувајте на пријателите да ги потценуваат вашите чувства.

Риби

Не реагирајте бурно на критики, бидејќи тоа може само да го влоши впечатокот на луѓето за вас, но не и да го подобри. Научете да ги прифаќате забелешките и да се менувате во зависност од нив, особено ако тие доаѓаат од лица со поголемо искуство од вашето.

Можно е еден совет да ви отвори море од можности доколку го послушате. Бидете разумни.

ХОРОСКОП: Дали партнерот ве изневерува?

Секако дека и меѓу припадниците на овие хороскопски знаци има и верни, но тие се исклучоци што само го потврдуваат правилото дека овие три знаци се најголемите прељубници во Зодијакот.

Близнаци

Тие не планираат неверство, но со задоволство изневеруваат. Ако се посомневаат во верноста на саканата личност, простуваат, бидејќи ни самите не се нешто подобри. На мажите Близнаци,неверството едноставно им се случува, а доколку се случи нивната партнерка да дознае за тоа, ја убедуваат дека не е онака како што изгледа. Близнаците не се злопамтила, живеат во сегашноста, а нивната девиза е „земи се’ што ти пружа животот“.

Стрелец

Неверен по природа, дури и кога се обидува да биде верен, едноставно му доаѓаат такви ситуации и тој не може да му одолее на љубовниот предизвик. Затоа обично има барем неколку значајни врски или бракови, а ако остане во еден брак, не е верен, освен ако не се ожени во 40-тите.

За разлика од жената Стрелец, која повеќе сака сурова вистина отколку најслатка лага (и затоа не ја плаши неверството), мажот роден во овој знак неверството на партнерката знае да го прости, бидејќи е свесен дека на некој начин и го заслужил.

Водолија

Водолијата сака да им држи лекции на другите, особено од морален тип, но и сама ги крши, бидејќи кому ќе му овозможи задоволство, ако не себеси?! На мажот Водолија му импонира да го бие глас на заводник во друштвото, но не забележува дека тоаи’ пречи на партнерката.

Иако е неверен, мажот Водолија инсистира на фер-игра, па затоа тешко простува, бидејќи не може да поверува дека за неговата партнерка постои некој друг кој е поинтересен од него. Бидејќи од себе ги одбива сите што му се верни, мажот Водолија обично завршува покрај жена што ќе му биде се’ друго, само не и – верна.

Викенд хороскоп

Овен 

Не реагирајте непромислено и не дозволувајте вашите соработници да ве вовлечат во трачеви. Засега, се наоѓате во улога на набљудувач. Можете да планирате нови проекти, а од ден на ден се повеќе се сложуваат коцките кои вам ви одговараат. Средете ги сите административни работи, а до крајот на викенот ве очекува непланирана финанска добивка.

Бик

Размислете на кој начин да ги искористите вашите контакти и способности. Извесни работи почнуваат да се менуваат и ве тераат да размислувате. Засега не правете некои драстични промени. Соработниците имаат некоји нови барања од вас и тоа вам многу ќе ви пречи. Финансиски полека почнувате да се стабилизирате.

Близнаци

Ги променивте ставовите кога е во прашање работата. Од ден на ден го менувате мислењето за многу работи. Вашиот критички дух ќе привлече внимание на вашите соработници и можни се расправии. Стрпете се и почекајте го крајот на викендот, бидејќи многу работи зависат од вас.

Рак

Вие не сте знак кој е наклонет на големи испади во последно време, па придражувајте се до тоа и во овој период. Можна е нова понуда за работа, но не брзајте најдобро е да почекате малку. Финансиската состојба се подобрува. Сега изгледате многу подобро од кога било.

Лав

Потрудете се овие два дена да ги искористите да прошетка и за максимална релаксација. Наполнете ги добро батериите и поразговарајте со некоја блиска личност во врска со проблемите со кои се соочувате. Во недела поминете го денот со вашиот партнер и целосно посветете му се.

Девица

Викендов е дефинитивно полн погодок за вас. Ви претстојат неколку промени, кои ќе направат да се чувствувате возбудено. Искористете го паметно викендот и отпатувајте до некоја блиска дестинација со пријателите, каде ве очекуваат многу авантури.

Вага

Гледајте се почесто со пријателите и забавувајте се повеќе. Што се однесува на љубовно поле, почнете да преземате иницијатива. Работите нема да ви да паднат од небо ако само чекате. А оние кои се во врска, крајно време е да почнат да размислуваат како повторно да внесат живот во врската.

Скорпија

Викендов ќе бидете амбициозни како и секогаш. Но малку повеќе ќе се фокусирате на семејството и на вашиот привате живот. Престанете толку да се грижите во врска со работата и наместо тоа, отидете една вечер некаде со пријателите и забавувајте се.

Стрелец

Крајно време е да престанете да се грижите да обврските и да почнете да размислувате малку позитивно. Не е крај на светот ако неколку недели по ред не ви се случува нешто за пофалба. Земете ги работите во свои раце. Поканете ја на состанок личноста која ви се допаѓа.

Јарец

Најважните случувања за неделава, ќе ви се токму викендов. Затоа, не чудете се многу на приливот на приход кој ќе го добиете. Наместо тоа, отидете некаде на патување со партнерот. Во последно време премногу се фокусиравте на вашата кариера и затоа немавте време за него. Крајно време е да го ставите партнерот на прво место.

Водолија

Искористете ги овие два дена кога имате повеќе слободно време и погрижете се за работите во вашиот дом. Искористете ја имагинацијата и почнете со освежување со посветли бои кои би му дошле добро и на домот и на вас, секако.

Риби

Подгответе се за  неочекувана луда забава! Викендов ќе имате толку убави моменти, што ниедна секунда нема да ви биде досадно. Но, исто така, посвете повеќе време на семејството и одвојте еден ден за пријатен ручек со нив.

Дневен хороскоп

Овен 

Не знаете како да го истакнете вашиот успех па постојано барате совети. Некои совети се добронамерни но некои не, внимавајте кој и што ви кажува. Семејството како и секогаш ќе биде вашиот најголем поттикнувач да ги пребродите кризите кои доаѓаат. Песимизмот не е вашиот сојузник, исфрлете го.

Бик

На работното место ќе владее хармонија, сите заедно ќе ги извршувате потребните работи во дадениот рок. Вашата дисциплинираност, посветеноста и енергијата ќе бидат заразни. Имајте на ум дека вашиот љубовен живот стагнира, преземете неколку посмели чекори.

Близнаци

Околностите ќе ве наведат на некои несоодветни потези за кои нема да имате објаснување. Денес избегнете ги критиките, затоа што и вие ќе ги бирате полесните опции. Потребна ви е сериозна дискусија на љубовен план, толеранцијата не ве води никаде. Намерата на некоја Водолија да ви се доближи следете ја внимателно.

Рак

Потребна ви е финансиска стабилност, која ќе ја постигнете само ако се фокусирате на неопходните потреби. Соработката и понатаму ќе биде клуч за вашиот успех. Слушајте ги другите, соработувајте, па и тие вас ќе ве поддржат. Некоја Вага ќе побара од вас искрен разговор.

Лав

Ќе постојат некои несогласувања со околината. Не трошете енергија во одбрана на своите намери. Игнорирајте ги другите, а следете го она што ви го кажува срцето. Разговарајте со нови лица, нивниот поглед може да биде инспирацијата која ви недостигаше.

Девица

Ќе имате одлична соработка со некоја Вага. Нема да ве загрижува дефицитот на финансиски средства, бидејќи очекувате помош од семејството. Нема да станете флексибилни се додека не сфатите дека со малку труд туѓите идеи може одлично да се вклопат во вашите планови.

Вага

Не се затворајте дома сами, излезете на кафе со пријателите, прошетајте и релаксирајте се. Не заборавајте, животот е многу позабавен кога сте отворени за изненадувања. Во текот на вечерта самодовербата ќе ви биде на високо ниво, па без двоумење правете смели чекори.

Скорпија

Можеби ќе се зафатите да работите неколку работи одеднаш. Понекогаш ќе ви недостасуваат вистински предизвици бидејќи оние кои секојдневно ги доживувате ќе бидат помалку атрактивни. Нека биде така, но вие и понатаму работете најдобро што можете. Не му верувајте на некој Овен, тој нема искрени намери.

Стрелец

Ќе имате нагласени партнерски односи, во кои ќе преовладуваат дискусии за парите и славата. Постои можност за проширување на соработката надвор од границите на земјата. Ова е поволен период за финансиски зафати, но неповолен за љубовта. Пријателите и соработниците ќе ви бидат голема подршка.

Јарец

Ќе мора да бидете многу поенергични отколку досега. Ќе ви биде потребен поголем труд и поголеми залагања за да го постигнете посакуваното. Верувате дека сте на правиот пат да ја освоите довербата на некој кој би можел да биде ваш долг соработник. Ве очекуваат изненадувања на љубовното поле, внимавајте да не ги расипете.

Водолија

Родените во овој знак денес ќе имаат компликации во комуникациите со околината. Се ќе ве нервира и вие тоа јасно ќе го покажувате. Некоја Вага ќе ви влее несигурност поради која лошо ќе се чувствувате.

Риби

Кај вас ќе биде поттикната желбата за напредување, но доколку спаѓате во групата на оние кои не можат да поднесат критика, јасно  и гласно ќе кажете се што мислите. Денот е доста поволен за вас, затоа искористете го и искажете ја вашата креативност.

Популарно