И Пендаровски сака да се дистанцира од СДСМ

На првиот митинг во Охрид пораките на Ѓорге Иванов ги слушнаа 50000 граѓани, на Конвенцијата во Универзална сала Стево Пендаровски го слушнаа 1500 луѓе. На интернет во живо според статистичките податоци, митингот на владејачката коалиција го следеле околу 300.000 граѓани.

Stevo-Pendarovski-1

Иванов испрати пораки за исполнетите ветувања, Пендаровски со критики за актуелниот претседател во изминативе 5 години. За името, Иванов вети дека ќе решава народот на референдум, Пендаровски најави план. По првите претставувања пред граѓаните, познавачите ги коментираат пораките испратени од двете најголеми партии.

Претседателот Иванов покажа дека знае и може да го одржи ветувањето и успеа да го исполни она што го вети во 2009 година, велат експертите по одржувањето на првиот митинг во Охрид.  Политикологот Владимир Божиновски нагласи дека е многу тешко да ветиш, а уште потешко да исполниш и токму затоа е потребна отчетноста за да можат граѓаните да проценат, пишува Вечер.

-За да направиш компарација од она што некој го ветил за време на кампањата и што исполнил по завршување на мандатот е токму отчетноста. Таа може да придонесе граѓаните да видат дали она што е ветено е остварено и колку може да имаат доверба во политичарите, посочи Божиновски.

Најголемата опозициска партија, изборниот караван го започна од Универзалната сала во Скопје. Наместо митинзи, Пендаровски во кампањата ќе се фокусира на средби со граѓани. Централен митинг нема ни во Скопје, што за познавачите е многу ризичен потег.

-Ако сакаш да покажеш масовност и поддршка од граѓаните не може да се избегне централен митинг во Скопје, бидејќи така се мотивира членството и граѓаните, но и неопределените. Средбите со граѓани се многу ризичен потег за СДСМ. Стево Пендаровски не е многу познат за македонската јавност, ретко кој го памети како шеф на кабинет на Бранко Црвенковски и на Љубчо Георгиевски и допрва треба да се промовира пред членството, а и пред граѓаните, коментира Божиновски по одлуката на СДСМ да нема митинзи, туку само средби со граѓани.

За познавачите, симптоматично е и тоа што на Конвенцијата не се обрати ниту еден претставник од раководството на СДСМ.

-Со овој потег, Пендаровски како да сака да се дистанцира од партијата, бидејќи говореа само тој и неговата сопруга, додава Божиновски.

Кампањата за претседателските избори ќе трае до 12 април. Првиот круг на претседателските избори закажан е за 13 април. Доколку во првиот круг не биде избран претседател, тогаш граѓаните ќе гласаат уште еднаш на втор круг од претседателските избори кој предвидено е да се одржи на 27 истиот месец.

Извор: Вечер

Никол Кидман ги изненади фановите со промена на имиџот

Оскаровката Никол Кидман се пофали со својата промена на имиџот на својот инстаграм-профил.

56-годишната актерка ја покажа својата нова боб-фризура заменувајќи ги препознатливите долги кадрици.

Обожавателите во коментарите го пофалија нејзиниот нов изглед, а многумина напишаа дека актерката изгледа помладо.

„Безвременски“, „Ја сакам твојата коса“, „Време беше“, „Изгледаш фантастично“, се дел од коментарите.

Сепак, имаше и такви што беа разочарани од новата фризура.

„Каде ти се локните?“, „Извини, но воопшто не личиш на себе“, „Никогаш не би помислил дека ова е Никол“, напишале тие.

Реквизитот од филмот „Титаник“ продаден за 718.000 долари

За познатата сцена од филмот „Титаник“, се води дебата меѓу обожавателите дали дрвената врата била доволно голема да на неа легне Џек, и така да се спаси од ледената смрт.

Дрвениот дел, кој и овозможи на Роуз да го преживее бродоломот, беше продаден на аукција за 718.750 долари.

Оваа разгорена дискусија се одвива уште од периодот кога филмот беше премиерно прикажан во 1997 година.

Во филмот, Џек (игран од Леонардо ди Каприо) вели дека таблата – дел од рамката на вратата – е доволно голема само за жената која ја сака, Роуз (играна од Кејт Винслет). Потоа, Џек умира во ледениот Атлантски океан, а неговото тело потонува на дното.

Во епизодата на телевизиската емисија „Разоткривање на митови“ од 2012 година, режисерот на „Титаник“, Џејмс Камерон, откри дека добива десетици мејлови во кои се тврди дека Роуз е „себична“, а Џек е „идиот“ поради оваа сцена. Камерон, меѓутоа, ја заврши дискусијата со забелешка дека според сценариото, Џек мораше да умре. „Можеби малку згрешивме со пропорциите и можеби таблата требаше да биде малку помала, но момчето мораше да потоне“, додаде тој.

Реквизитот, кој често се смета за врата, е направен според парче од останките на вистинскиот Титаник, откриен по неговата трагедија во 1912 година. Според аукциската куќа Heritage Auctions, реквизитот е приближно 2,4 метри долг и 1 метар широк.

Оваа продажба на реквизити и костими, која заврши во неделата, вклучуваше предмети како костимот на Спајдермен кој го носеше Тоби Мегваер (125.000$), секирата од филмот The Shining (125.000$), како и познатиот камшик на Индијана Џонс (525.000$) вкупно вредни 15,48 милиони долари.

Real tribute - Симфониски концерт на Тина Тарнер на 1 јуни во Скопје

Ексклузивниот концерт кој го има пропатувано речиси целиот свет, конечно и во Македонија!

Рок симфонијата "Simply the best" посветена на кралицата на рокенролот и музичката икона Тина Тарнер, ќе биде изведена на 1 јуни во „Арена Борис Трајковски“ со повеќе од 40 луѓе на сцената.

Тина Тарнер беше славна по своите бурни, енергични сценски изведби и по моќниот вокал, често нарекувана кралица на рокенролот и музичар кој остави неизбришлива трага во светот на музиката, забавата и културата. Неисцрпна инспирација е за многумина, а нејзината важност се чувствува во генерациите кои доаѓаат.

Присутните ќе имаат можност да уживаат слушајќи ги највлијателните и најпознатите хитови како што се „Proud Mary“, „What’s Love got to do with It“, „Simply the best“, „We don’t need another hero“ и многу други. Добро познатите балади ќе ги разнежнат сите присутни, а брзите ритми ќе ги подигнат сите на нозе.

Рок симфонијата е посветена токму на неа, а на истата ќе се изведуваат и песни од бендови како „Gun's and roses“, „Deep purple“, „AC/DC“, како и познати дуети кои ја одбележаа светската кариера на Тина. На 1 јуни, публиката ќе има можност на еден поинаков начин да ја почувствува енергијата на легендарната Тина.

Тина Тарнер беше една од најголемите рок пејачки на сите времиња и така и ќе остане запомнета.

Сите оние кои сакаат да доживеат ноќ исполнета со многу енергија и страст, можат уште веднаш да ја купат својата влезница.

Влезниците се пуштени во продажба, а истите може да ги купите преку продажната мрежа на www.kupikarta.com Розе Веро 2, како и Јк травел во Бисер.

Популарно