ИСИС презеде одговорност за нападот во истанбулскиот ноќен клуб „Реина“

Исламска држава презеде одговорност за нападот во ноќниот клуб „Реина“ во Истанбул за време на новогодишната ноќ каде беа убиени 39 луѓе и 69 се ранети.

– Во продолжение на благословени операции кои ИД ги спроведува против Турција, херој војник на калифатот нападна еден од најпознатите клубови во кои христијани слават нивни отпаднички празници, се вели во соопштение на ИД.

Автентичноста не може да се потврди, јави ДПА. Во него се додава дека нападот во Истанбул бил извршен како одговор на наредба на лидерот на ИД Абу Бакр Ал Багдади да се нападне Турција.

Дваесет и четири од жртвите се странци.

Дилер осуден на 3 години затвор пуштен на слобода поради 'добар бизнис модел'

Еден судија од вишиот суд во Квинсленд го пофали дилерот на дрога за неговите одлични бизнис вештини во водењето на неговите операции поврзани со метамфетамин.

Судијата Ен Лајонс во текот на судењето му рекла на обвинетиот Броди Сатерли дека тоа што го работи очигледно не е најдобар бизнис, но сепак користи добар бизнис модел.

Имено, обвинетиот признал дека додека ги водел своите операции за дилање со метамфетамин, тој давал упатсва околу цените на производот , т.е. дрогата, наплаќал камата на долговите и давал попусти и поврат на средства на незадоволните клиенти.

Обвинетиот исто барал фидбек од своите клиенти, со цел подобрување на својот производ бидејќи сакал да постигне и продава високо-класен метамфетамин.

Судијата Лајонс на крајот го осудила обвинетитот на 3 години затвор, но веднаш потоа го помилувала и го охрабрила да продолжи да ги користи бизнис методите но наместо во лоши, во добри цели.

И ПОСЛЕ СИТЕ СКАНДАЛИ - Yahoo ја испраќа директорката со 186 милиони

Мариса Маер, досегашната директорка на Yahoo, ќе замине од компанијата и ќе добие најверојатно дури 186 милиони долари.

Акционерите ќе бараат да се одобри оваа огромна сума за Маер, иако е во тек процесот на преземање на Yahoo од страна на Verizon.

Мариса нема да ја следи добар глас како шефица, но цената на тој неуспех е изгледа 186 милиони долари.

Толку барем Маер има во акции, а покрај ова доби и 200 милиони долари како плата и бонуси за нејзиниот петгодишен мандат.

Маер нема да остане без бонус ниту за минатата година, и покрај скандалите кои го тресеа Yahoo

Киднапираната Медлин после 10 години е пронајдена во Африка?!

Англиското девојче Маделин Мекан кое на 3 мај 2007 година, исчезна во Португалија, најверојатно е грабнато од шверцери на луге и продадено на некое имотно семејство, некаде во Африка, пишуваат лондонските таблоиди, повикувајќи се на изјави на британски полициски експерти.

Поранешниот полициски инспектор во Скотланд Јард, Колин Сатон смета дека девојчето било киднапирано од трговци на луѓе и робови, за да им се даде за пари на бездетно семејство, откако претходно било илегално префрлено со некои од фериботите што пловат меѓу Португалија и африканското копно.

Ваквата верзија со која овој експерт се обидува да ја објасни десетгодишната мистерија за малечката Англичанка, ја прифака и португалската полиција, која во паралелна истрага со Скотланд Јард, се уште трага по Маделин Мекан.

Претставник на португалската агенција за исчезнати деца изјавил за лондонски „Дејли Мирор„ дека е многу веројатно оти девојчето е грабнато и првично држено во некоја од пештерите, во областа Алгарве, на португалскиот југ, пред да биде понатаму прошверцувано.

Малечката Мекан имаше неполни три години, кога со своите родители, обајцата лекари од Лестер во Англија и со незнините помлади брат и сестра- близнаци, престојуваше на одмор во летувалиштето Праја до Луж.

Исчезна од собата на хотелскиот апартман, додека родителите биле на вечера со свои пријатели во еден ресторан блиску од хотелот. Нејзините брат и сестра кои спиеле со неа во собата, биле во своите кревети и кога нивните родители утврдиле дека ја нема Маделин.

Потрагата на полицијата не најде никакви траги на насилство, ниту траги дека било кој бил во апартманот.Во еден момент, полицијата ги осомничи и родителите за ненамерно убиство на своето дете, но во август 2008 година, се откажа од натамошно трагање.

Целиот случај повторно беше покренат во 2014 година, кога Португалците осомничија еден поранешен провалник кој во времето на исчезнувањето на Маделин работел во хотелот. Човекот кој бил имигрант од поранешната португалска колонија Кап Верде, во меѓувреме загинал во сообраќајна несреќа, но остана единствениот осомничен.

Заменик директорот на португалската државна судска полиција Педро до Кармо, изјавил за лондонскиот весник, дека „ваков случај, исполнет со мистерии, немало досега„ во домашната полициска и судска пракса

Тој потврди дека полициската единица од Порто, на северот од Португалија, во одвоена но паралелна истрага со Скотланд Јард, продолжува да работи на разрешување на мистеријата со девојчето.

-Работата ќе ја заклучиме тогаш кога ќе се најдеме во ситуација дека повеќе ништо не можеме да направиме, а сега се уште не сме во таква ситуација- рекол Кармо. Тој сепак, признава дека како поминува времето, слабеат надежите дека ќе се најде Маделин Мекан, која ако е жива , сега треба да има 13 години.

Популарно