Вујадин Обрадовиќ, 58-годишниот маж од Србија ја усмртил својата прва соседка, 50-годишната Сања Бакиќ, и тешко го рани нејзиниот три години постар сопруг Бранислав, бидејќи му сметала прегласната музика која ја пуштиле за својата куќна свала Пресвета Богородица.
Синот на убиената жена објаснува што се случило за екипата на српскиот Курир.
- Нешто пред три часот по полноќ им се јави на моите родители и им рече да излезат пред куќа. Тие излегоа, а тој дојде и им кажа дека му пречи гласната музика. Имаше 15 луѓе на славата, меѓу нив и три мали дечиња кои спиеја горе во соба, вели синот.
По кратко, неговиот татко влетал дома и рекол дека соседот го удрил, а синот истрчал надвор. Мислел дека се работи за тепачка, но видел дека има пиштол во рака кој го вперил во него.
- Откако ја видов мајка ми како лежи рипнав на него да му го земам пиштолот. Додека го носеа во полиција повторуваше: Боже не знам што направив!, вели тој.
Велат дека бил мирен и повлечен, немал деца, не правел проблеми, со сите во селото живеел добро. Никогаш не се скарал со семејството на кое му приреди хорор.
Тој е приведен, а полицијата работи на случајот.
