Каде исчезнаа природните девојки?

Живееме во свет во кој во пораст се девојките кои се опседнати со физичкиот изглед и веќе стигнавме до точката каде сите се исти и изгледа како само да се копии едни на други.

beautiful-girl-natural-photography-favim.com-860162

Ова однесување ги натера мажите да се впуштат по потрага по нешто различно, по девојки со карактер и наместо да бараат убави и слатки девојки за покажување, тие ги променија своите приоритети и сега бараат девојки кои имаат свој стил, став и кои се самоуверени и без дополнителни естетски интервенции и кои се потпираат на својот природен шарм и образование.

Зошто постојат се помалку природни девојки?

Телевизијата, модните списанија, интернет порталите, различните реални шоу-а и површноста која се повеќе зема замав, уште од мали нозе ги учи девојчињата дека само физичкиот изглед им го гарантира успехот во животот.

Ги полнат со комплекси и уште од основно училиште тие почнуваат да ги копираат старлетите, естрадните ѕвезди и моделите. Се почесто можете да видите девојчиња кои прават естетски операции уште пред полнолетството, а за 18-ти роденден им подаруваат силиконски гради. Така добиваме пластични девојки кои изгледаат исто.

Жалосно е што во целиот тој процес тие го губат својот идентитет. Престануваат да бидат свои и да работат на себе, па стануваат само празни кукли. Од друга страна, заради генералната лоша економска ситуација, многумина се насочени кон тоа само да бараат пари. Често се гледаат млади девојки во друштво на многу постари мажи со бесни автомобили. Нема љубов, само интерес.

Така се создава армија од клонирани девојки во друштво на мажи кои ја лечат средновечната криза. Најтажно е што се повеќе има вакви девојки и вакви слики.

Каде се кријат нормалните девојки?

Не се кријат. Тука се. Насекаде околу нас. Само не секогаш ги забележуваме. Природните, нормални девојки не се истакнуваат со стилот на облекување, шминкање и лудување по клубови. Тие излегуваат сосема нормално облечени, без шминка или сосема минимално.

Излегуваат на истите места, но не бараат сепари и централни места, туку се забавуваат во понезабележливите делови од клубот. Ќе ги препознаете по тоа што немаат тон шминка, немаат надоградби на коса, ниту силиконски гради. Ќе ги препознаете по тоа што се нормално облечено. Привлечни, но со стил.

Ќе ги препознаете по тоа што не трчаат по некој за да им ги плаќа пијачките, туку се забавуваат за себе до друштво на своите пријатели. Тие се секогаш искрено насмеани, опуштени, весели и неизвештачени. Не глумат секс бомби, тие се едноставно такви какви што се и се гордеат со тоа. Едноставно немаат комплекси.

Нив ќе ги најдете на дневни кафиња со другарките. Во библиотеки. Излезени на прошетка. Во соседството, седејќи на клупа. На пазар. Тие работат на себе, на својот интелект и образование. Ќе ги сретнете во театар, пристојно облечени. Во галерија, на изложба. Тие се насекаде околу нас.

Проблемот е што се незабележителни за многу мажи. Затоа што не се истакнуваат, не патат на бидат центар на внимание. Знаат што сакаат и знаат како сакаат еден маж да се однесува со нив. Тие се жени со став и со карактер и бараат многу повеќе од добар автомобил и сепаре во дискотека. Нормалните, природни девојки со став бараат ист таков маж. Затоа и на многумина им се чини дека се недостапни.

Нормалните девојки знаат точно што сакаат. Ги одбиваат оние коишто не им одговараат или оние кои сакаат да ги искористат само за секс. Но, во останатите случаеви тие даваат шанса на луѓето. Доколку момчето се покаже во добро светло, тој има големи шанси да успее со неа. Едноставно е, тие покрај себе сакаат вистински, нормален и стабилен маж и за тоа не прават компромиси.

Над половина од жителите на Европа имаат прекумерна тежина, кај нас 55,7 проценти

Над половина од возрасните граѓани во земјава имаат прекумерна тежина, а „подебели“ во регионот се само Хрватите, покажува анализата на статистичкиот портал „Ландгеист“, базирана на податоци на Евростат.

Над половина од жителите на Европа имаат прекумерна тежина односно Индекс на телесна маса (БМИ) еднаков или поголем од 25. Најголем процент на возрасни луѓе со прекумерна тежина имаат Малта (62,5%), Исланд (62,0%) и Латвија (60,4%), додека најмал Италија (41,9%), Швајцарија (45,6%) и Франција (46,4%). Кај нас 55,7 проценти од возрасното население има прекумерна тежина.

Земјите со висока стапка на дебелина, пишува Ландгеист, исто така, имаат и високи стапки на луѓе со прекумерна тежина. Малта е втора земја со најголема дебелина во Европа и исто така земја со најмногу килограми во Европа. Швајцарија е земја со најмалку дебелина во Европа, но и втора земја со најмалку прекумерна тежина во Европа. Но, и неколку земји како Естонија, Финска, Исланд, Северна Македонија, Романија, Словачка и Словенија кои имаат релативно ниски стапки на дебелина, но имаат некои од највисоките проценти на луѓе со прекумерна тежина во Европа.

Од земјите во регионот само Црна Гора (48,1%) има помалку од половина од населението со прекумерна тежина, додека најголема стапка на возрасни со прекумерна тежина има Хрватска – (58,1%). Потоа следат Словенија (55,7%), Грција (54,9%), Бугарија (53,7%) и Србија (52,5%).

Најшокантен факт е веројатно дека во речиси секоја земја во Европа, повеќе од половина од сите возрасни луѓе се со прекумерна тежина. Во Малта (62,5%), Исланд (62,0%) и Латвија (60,4%) е дури над 60%. Единствените европски земји каде помалку од 50% од населението е со прекумерна тежина се Италија (41,9%), Швајцарија (45,6%), Франција (46,4%), Кипар (47,9%), Црна Гора (48,1%), Холандија (48,3%) ), Белгија (48,9%) и Луксембург (49,7%). Но, да бидеме искрени, дури и резултатот на Италија од 41,9% е шокантно висок.

Индексот на телесна маса (БМИ), според Евростат, од каде се земени и податоците, се дефинира како тежина во килограми поделена со квадратот на висината во метри. Луѓето на возраст од 18 години или повеќе се сметаат дека имаат недоволна тежина со (БМИ помал од 18,5), нормална тежина (БМИ помеѓу 18,5 и помалку од 25) и пред-дебела (БМИ помеѓу 25 и помалку од 30). Категоријата прекумерна тежина (БМИ еднаков или поголем од 25) ги комбинира двете категории пред-дебели и дебели.

Вознемирувачко видео: Куче фрлено од зграда во Тетово

На социјалните мрежи се шири вознемирувачко видео на кое се гледа како куче паѓа од балкон на зграда, од голема висина.

-Педесет и осумгодишниот тетовец Ѓ.З. вчера (22 март) во 18 часот и 40 минути во СВР Тетово пријавил дека околу 17 часот од балкон на зграда во изградба на улица “Благоја Тоска” во Тетово,, спроти зградата во која тој живеел, од шесттиот кат паднало куче и набргу потоа yгинало. Кучето, според пријавеното, во објектот се обидувале да го заловат двајца тетовски пожарникари. Се расчистува и документира случајот, велат од МВР.

На видеото може да се чуе плач на кучето пред да падне од голема висина, а од зградата се слушаат гласови.

Поднесено обвинение против Тони Цетински: Пејачот може да биде казнет со 8 години затвор

Специјалното обвинителство на Хрватска за сузбивање на корупција и организиран криминал поднесе обвинение против Тони Цетински откако беше утврдено дека користел лажен сертификат за вакцинација против коронавирусот, објави веб-страницата Империјал.

Како што дознава споменатиот медиум, на 28 декември 2023 година, заменик-обвинителот Вјекослав Шаулиќ до Жупанискиот суд во Загреб испратил обвинение против 18 лица, меѓу кои и познатиот пејач.

Тони Цетински е обвинет дека платил за да добие лажни потврди за вакцинација против Ковид.

Обвинетите се товарат дека дале пари, така што медицинската сестра, која тогаш работела во Здравствениот дом Загреб и била овластена да пристапува и да внесува податоци во информацискиот систем на Министерството за здравство, лажно ја внесувала информацијата, дека обвинетите биле вакцинирани.

– Кој нуди поткуп на службено или одговорно лице за да изврши службено или друго дејствие што не треба да го изврши во или надвор од границите на неговите овластувања ќе се казни со затворска казна од една до осум години – се наведува во дописот.

Популарно