Капитенот Лазаров сурово искрен: Борко грее клупа, Миркуловски има мала минутажа, а играчите од Вардар тотално се во аут!

По лошото светло и високиот пораз од 6 гола во првиот меч од баражот со селекцијата на Чешка за пласман на светското ракометно првенство во Франција, Капитенот Кире Лазаров ги кажа своите размислувања околу она што треба да се смени за да се исполни тешката мисија, но го лоцираше и проблемот за ова лошо издание - слабиот играчки ритам на ракометарите.

146629

Надежта не не напушта, иако Македонија се наоѓа во најлоша ситуација во последните пет години, кога се во прашање квалификциите и баражите за големите собири. Капитенот Лазаров верува дека може да се анулира поразот од 22-28 во Чешка, но затоа потребно е максимална концентрација и подобрување во сите елементи на играта.

„Мора да бидеме реални, оптимисти секогаш, ама и реални. Ќе биде многу тешко затоа што имаме една многу незгодна негатива, можеби шест голанема да бидат доволно, па ќе треба седум. Три-четиригола се стигаат за многу кратко време, но исто така и се губат, затоа треба да бидеме максимално концентрирани и фокусирани. Надеж ни дава тоа што ги увидовме грешките, увидовме дека одигравме еден катастрофален натпревар во сите сегменти од нашата игра почнувајќи од нападот, одбраната, како и секој поединечно и колективно. Анализиравме три-четири пати и тука ја гледаме нашата шанса, но воопшто нема да биде лесно.Треба да се подобриме во сите сегменти. Се надевам дека барем 30-40 отсто ќе бидеме подобри како кај голманите, така и во дефанзивата и во офанзивата. Свесни сме што треба, не е тоа лесно, меѓутоа малку ако се подобриме ќе бидеме на вистинскиот пат, камо ли да одиграме како што знаеме“, изјави Лазаров.

Ова ќе биде победа која може да ја спаси иднината, 60 минути кои имаат вредност слична на оние со Исланд пред осум години, кога Македонија се пласира на СП (во Хрватска) првпат по 10 години и отвори едно светло поглавје.Играчите се горе-долу, исти, но сега ги кочи товарот на годините, некои претераната дружба со клупата, наместо со паркетот. Лазаров вели дека трикот за успех ќе биде овие класа играчи кои ги има Македонија да ја најдат својата форма, зашто дека се квалитетни, не е спорно.

„Очигледно е дека имаме класа играчи, но тие класа играчи во монментов не се во најдобра форма. За тоа има повеќе причини, од типот на Борко Ристовски, кој по потпишувањето на Барселона ја грее клупата, нема континуитет на натпревари, Филип Миркуловски, кој има многу мала минутажа, слободно можам да кажам и јас самиот, бидејќи по елиминацијата во четвртфиналето од ЛШ тренираме со намален интензитет и без сериозни натпревари, а тука се и играчите на Вардар коишто се тотално аут во целата сезона. Значи сите тие играчи постојат, меѓутоа ако немате континуитет настанува таа црна дупка, па се лажеме самите себе дека сме добри. Да, добри сме ама континуитетот, играчката форма ги немаме, како на ЕП, така и на квалификациите за ОИ. Значи нема сомнеж дека овие играчи се квалитетни, но кога се во натпреваруцвачки ритам, а во моментов ситуацијата е лоша и ние сме свесни за тоа исто и нашиот слекетор“, призна капитенот.

За крај побара поддршка од јавноста. Овие ракометари со години се хранеле од песната на навивачите, било во Скопје или на туѓа почва, а сега тоа им е најпотребно.

„Очекуваме поддршка и од нашите навивачи, сигурен сум дека 'Борис Трајковски' ќе биде полн, поддршка во сите 60 минути затоа што ќе биде стресен натпревари во кој ќе имаме и лоши периоди и добри периоди. Добрите треба да ги искористиме, лошите да гледаме да не ги сфатиме трагично и да не паднеме психолошки. Јас сум оптимист, но не чека една тешка мисија, се надевам остварлива“, заврши капитенот.

Натпреварот меѓу Македонија и Чешкасе игра утревечер во 20 часот. Потребна ни е победа со седум разлика, или со шест, но во тој случај Белгија не треба да постигне повеќе од 21 гол.

Шкендија не сакала да ѝ пишува „шампион на Македонија“!

Новиот македонски фудбалски шампион, екипата на тетовска Шкендија направила голем инцидент во неделата при прославата на титулата на својот стадион по мечот со Пелистер.

И покрај тоа што е ред како и во сите случаи досега, фудбалерите да застанат зад сценографија на која пишува „победници на македонска Прва лига“, тетовци одбиле да го направат тоа, на луѓето од ФФМ не им дозволиле да ја постават сценографијата и решиле да си извадат своја на која пишува „Champions“, со логото на клубот и на нивниот спонзор, компанијата „Еколог“.

А, претходно во целата комуникација со ФФМ, луѓето од управата на Шкендија гарантирале дека нема да има никакви проблеми, дека сѐ ќе биде според договореното. Но, на денот на одигрувањето на последниот првенствен меч сезонава - репиле да пеат друга песна... 

Завчера на градскиот стадион во Тетово ништо не наликуваше дека се прогласува шампион на Македонија. На стадионот немаше ниту едно македонско знаме, на публиката ѝ беа делени илјадници албански знамиња, навивачите постојано скандираа националистички песни, навредуваа сѐ што е македонско. Дали случајно или не, и делегатот, кој треба да го нотира сето ова во записникот, и комесарот за безбедност пратен од ФФМ - беа етнички Албанци.

Дури и луѓето пратени од ФФМ за да им го предадат пехарот на фудбалерите на Шкендија за сосема заслужената титула, беа од ниските ешалони во куќата на фудбалот. Така, пехарот на Лазим Дестани, спонзорот на Шкендија, му го предадоа заменик-генералниот секретар на ФФМ, Енвер Сулејмани и членот на Управниот одбор, кој доаѓа од Липково - Саљим Абдиљи. Официјалниот спикер говореше само на албански јазик, така што ако имало некој на стадионот што не го разбира тој јазик - немало да има поим што се случува.

Ждрепката за квалификациите за Лигата на шампионите во Нион ќе се изврши во јуни, таму како претставник на Македонија ќе ја пишува Шкендија. Сакале или не тоа да го признаат тетовци, во натпреварувањата на УЕФА после името на клубот ќе ја пишува и државата од каде што доаѓа.

Sport1.mk

Шумахер се разбудил од кома и ја препознал сопругата

Легендата на Формула 1. Михаил Шумахер се разбудил од кома, по кобната несреќа која се случи на 29. декември, потврди семејството, пренесоа медиумите.

Неговото семејство се заблагодари за поддршката и молитвите на сите.

Тој ја познал неговата сопруга кога се разбудил од кома по несреќата која ја доживеа за време на скијањето на француските Алпи.

(ВИДЕО) Иниеста се збогуваше: Сам седеше на „Ноу Камп“ и неколку часа по завршување на натпреварот

Големиот Андрес Иниеста (34) можеби и најдобриот играч за врска во нашето време, вчера го одигра последниот 674 натпревар во дресот на Барселона.

Новиот шампион го победи Реал Сосиедад со голот на Фелипе Кутињо, но 90.000 гледачи дојдоа да се простат од играчот кој во Барселона помина 22 години.

После доделувањето на пехарот Иниеста одржа и проштален говор на „Ноу Камп“.

„Ова беа 22 прекрасни години и ми беше чест да ги бранам боите на овој клуб, за мене најголем на светот. Сакам да им се заблагодарам на сите соиграчи и на сите вас што сте денес тука. Сакам само да кажам дека моето срце ќе биде тука засекогаш“, низ солзи зборуваше Иниеста.

Колку на Иниеста му е тешко простувањето од Барселона говори и фотографијата на која е „уловен“ како сам седи на тревникот на „Ноу Камп“ и неколку часа по празнењето на стадионот.

Популарно