Кои болести можете да ги добиете преку орален секс?

Љубов и секс

на 10.2014

Иако сексот во последните неколку децении доживеа вистинска револуција и за него јавно и отворено сè повеќе се зборува, постојат прашања на таа тема кои сè уште будат непријатност кај луѓето.

Колку грубиот секс може да биде опасен, може ли со настинка да го заразите партнерот за време на сексот, дали е нормално тоа што никогаш не сте доживеале оргазам, дали играњето со храна во текот на водењето љубов е опасно, се само некои од прашањата кои си ги поставувате, но барањето на нивните одговори често е многу непријатно.

Постои ли храна која ќе овозможи вашиот полов орган да има прекрасен вкус? Како што различно изгледаме и различно мирисаме, така и секој од нас „таму долу“ има поинаков вкус. Ако сте несигурни за прашањето на сопствениот вкус и сакате да го подобрите, обидете се со консумирање повеќе овошје и зеленчук како ананасот и целерот кои го ублажуваат вкусот на вагиналните течности, а избегнувајте ги месото, рибата и млечните производи кои имаат сосема спротивен ефект. За ублажувањето на вкусот на половите органи помага и пиењето големи количини вода.

Дали се пренесува настинката преку орален секс? Вирусот на настинката се пренесува преку капки од кашлање, кивање или зборување, како и преку допир на носот или устата со прсти на кои се наоѓаат заразните капки. Затоа, технички, со орален секс нема да го заразите партнерот или тој вас. Меѓутоа, ако во жарот на страста ги допирате гениталиите со рацете, а пред тоа сте ги допирале носот или устата, шансите за заразување се зголемуваат. Блискиот контакт со настинатото лице ги зголемува шансите за вдишување на вирусот на настинка, затоа најдобро би било неколку дена, сепак, да практикувате платонска љубов.

Дали играњето со храна за време на сексот е опасно? Иако во голем број филмови се прикаж сексуални сцени зачинети со разни прехранбени продукти, храната сепак, треба да се држи понастрана од интимните делови на телото. Вагиналните бактерии обожаваат да се хранат со шеќер, па затоа на сите традиционални продукти, како шлагот, топената чоколада и медот, треба да им се ограничи пристапот.

Со храната можете да си поиграте, но ограничете ја на одредени делови на телото, како нозете, рацете, стомакот или грбот, и бидете внимателни, бидејќи во допир со гениталиите можат да предизвикаат инфекции.

Закрепнувањето по „скршено срце“ трае три месеци

Љубов и секс

пред еден месец

Раскинувањата oбично завршуваат со подолготрајна тага.

Научен труд објавен во британскиот „Журнал“ за позитивна психологија открива колку време во просек им треба на луѓето да закрепнат по болен прекин на љубовна врска.

Кога „срцето е скршено“, преовладува чувството на безвредност, што поттикнува повредената или повредениот „да се држи“ дури и поцврсто за она што веќе не е достапно. Во такви случаи се јавуваат збунетост, лутина, тага, фрустрација. Уште повеќе, ако е присутна ниска самодоверба којашто нѐ тера постојано да се обвинуваме и омаловажуваме себеси, преболувањето на раскинувањето тогаш е потешко, па тоа „заздравување“ оди побавно.

Тоа ќе рече – проценувањето колку долго ќе трае таа лоша состојба по раскинувањето зависи, до одреден степен, од самодовербата.

Според наводите, на 71 отсто од 155 млади возрасни лица им биле потребни околу 11 седмици за промена кон подобро. До крајот на тие три месеци, испитаниците можеле да ги видат добрите страни на нивното раскинување. Тие, имено, почувствувале „созреаност“ и подготвеност да се насочат кон целта – позитивни промени по раскинувањето.

Разумно е да се очекува дека зацврстувањето на ниската самоувереност по раскинувањето може да трае барем неколку недели. А пак, факторите коишто влијаат на таа временска рамка зависат од самиот човек и од врската која штотуку завршила.

Три реченици кои звучат како љубов, а всушност зад нив се крие манипулација

Љубов и секс

пред еден месец

Понекогаш е тешко да се разликува грижата и љубовта од манипулацијата. Ова се фрази кои се користат за да се залажат партнерите.

Има луѓе кои имаат потреба да манипулираат со луѓето со кои се во врска или брак, поради некои психолошки проблеми што ги имаат.

Овие три реченици манипулаторите често ги користат како параван, бидејќи наликуваат на љубов.

„Ова го правам за твое добро“

Манипулаторот сака да изгледа како да се грижи за вас, а всушност сака да ве контролира за да ја постигне својата цел. Реченицата „Го правам ова за твое добро“ звучи како израз на грижа и љубов, но тоа е начин манипулаторот да ве принуди да го прифатите она што го прави велејќи дека е за ваша корист.

„Дали вака ми враќаш?

Кога манипулаторот ќе ви каже: „После се што направив за тебе, ти ми враќаш вака?“, тоа покажува дека сака да се чувствувате виновни. Не се залажувајте да мислите дека тој се грижи за вас. Тој само сака да ве натера да се согласите со она што тој го сака.

„Очекував повеќе од тебе“

Оваа реченица прави личноста кон која е насочена да се чувствува помалку вредна од манипулаторот. Тие се потпираат на моќта за да ги постигнат своите цели. И повторно сака да се чувствувате виновни што не го постигнавте она што требаше, според мислењето на манипулаторот.

Што се случува во телото на мажот кој подолго време нема секс?

Љубов и секс

пред еден месец

Има многу причини зошто треба редовно да имаме секс, но покрај задоволството, важни се и причините поврзани со здравјето.

Мажите кои редовно имаат секс се позадоволни од животот и посреќни, тоа го имаат потврдено повеќе истражувања, но дали некогаш сте се прашале што се случува со вашето тело кога ќе престанете да имате секс редовно?

Ова се најчестите последици:

Еректилна дисфункција

Мажите кои подолго време немале секс, а имаат над 50 години, најверојатно ќе се соочат со проблемот еректилна дисфункција. За да останете во сексуална форма, мора да ја одржувате.

Зголемен ризик од рак на простата

Ако не мастурбирате редовно и исто така немате секс, ги зголемувате шансите за заболување од рак на простата. Истражувањата покажале дека честото ејакулирање (4 до 7 пати неделно) го намалува ризикот од рак на простата.

Висок крвен притисок

Истражувањата покажале дека луѓето кои имаат редовен секс имаат понизок крвен притисок од оние кои имаат долги паузи меѓу сексуалните активности.

Стрес

Една жешка ноќ во кревет може да ви го подобри расположението и барем на кратко да ве ослободи од грижите и стресот. Ендорфинот што се ослободува за време на сексот го подобрува расположението, а и бројни науни истражувања покажале дека сексот има поволно дејство врз луѓето кои се под стрес.

Слаб имунитет

Доживувањето оргазми е од голема корист за вашиот имунолошки систем. Медицински истражувања покажале дека мажите кои немаат секс редовно имаат послаб имунитет и се поподложни на болести.