Кој ја уби СФРЈ? Земјата по која се уште сите плачеме!

Денеска е 29 ноември, некогаш големиот празник на СФРЈ на кој оние кои живееа во Југославија со носталгија се сеќаваат. И покрај тоа што одамна ја нема, многумина се уште се прашуваат и коментираат кој е крив за распадот на таа силна држава која беше почитувана ширум целиот свет и каде се денес сите тие актери кои му кумувале на распадот на оваа светска сила. И денес, многумина ќе речат дека Титова Југославија ја сруши непријателот од страна и дека некој на кој не му одговарало да бида толку силна одлучил да умре. Вистината како и секогаш е тука некаде, во средината.

jugoslavija-raspad

 На третиот собир на претседателите на 6-те републики одржан 11 април 1991 година, учествувале српскиот претседател Слободан Милошевиќ, претседателот на Хрватска Фрањо Туѓман, босанскиот - Алија Изетбеговиќ, претсседателот на Црна Гора - Момир Булатовиќ, словенскиот претседател Милан Кучан и македонскиот Киро Глигоров.

 Уште тогаш се чувствувало дека на Југославија и нема спас и дека тоне се подлабоко, а сојузот е се послаб. Имено, пред да почне состанокот, се знаело дека шансите да се постигне договор биле многу мали, пишува белграскиот Вечерње новости.

  По овој собир, гоелмата тројка, Милошевиќ, Туѓман и Изетбеговиќ се сретнале на 12 јуни во Сплит и уште тука било јасно дека, и поради тоа што другите претседатели на се појавиле, на Југославија деновите и се одбројани. Подоцна сите на Балканот добро знаат што се счучуваше, војната која како и секоја друга, не донесе ништо добро, а чии последици со екс-ју државите се чувствуваат и денес.

  Каде се лидерите од тоа време и со што се бават сега?

 Милошевиќ, Изетбеговиќ, Туѓман и Глигоров се починати. За почетокот на 90 тите години и за случувањата при распадот на Југославија говореле Милан Кучан и Момир Булатовиќ.

 Поранешниот претседател на Словенија, Милан Кучан изјавил дека сите потези кои во тоа вереме ги повлека Словенија биле добри и не се чувствува виновен за распадот на Југославија. Неодамна биле објавени и неговите мемоари во кои се вели дека тоа било отпор кон "Србославија".

  По повлекувањето од сите функции, Кучан остана политички активен и одигра важна улога во отпорот над поранешниот премиер Јанез Јанша. Сега, пензијата му е 3 300 евра, а кога имал здравствени проблеми, бил опериран во Швајцарија на трошок на државата.

  Поранешниот претседател пак на Црна Гора, Момир Булатовиќ, во своите мемоари напишал дека ги носел стенограмите во Хаг на сите состаноци, како сведок на одбраната на Слободан Милошевиќ.

- За жал, не стигнавме да го кажеме тоа во текот на одбраната, но постои метеријален доказ дека Словенија сакаше веднаш и по секоја цена да ја нашушти Југославија. Хрватска беше принудена да ја следи, а Босна знаеше дека ќе биде колатерелна штета, пишува Булатовиќ.

  Тој исто така тврди дека Југославија не се распаднала по своја воља.

- Сето тоа било одлучено некаде таму од страна за што добив и непосредна потврда од Кучан. Кога го прашав дали е среќен со тоа што го направи, тој рече -" Немој Момо те молам, не се прашував јас".

 Булатовиќ политиката ја напушти 2001 година, а денес е редовен професор на Европскиот универзитет во Белград. Има и националната пензија како поранешен претседател на Црна Гора.

Хрватска: Наполитанки Кит Кат повлечени од пазарот

Хрватскиот државен инспекторат ги повлече од пазарот наполитанките „Нестле Кит Кат мини“ поради присуство на минерални масла, соопшти Агенцијата за земјоделство и храна.

Се повлекува исклучиво „Несле Кит Кат Мини“ 200 г во кесичка серија 40580734, со рок на траење од 01.2025 година, пренесува Дневник.хр.

Производител е Nestle Deutschland AG, Франкфурт, Германија, а дистрибутер за Хрватска е Nestle Adriatic д.о.о. од Загреб.

Вработените во здравството најавуваат протест на 8 април

Вработените во здравството нема да добијат усогласување на платите со порастот на минималната плата поради непотпишувањето на анексот на колективниот договор. Поради тоа на 8 април најавуваат протест што ќе почне од пред зградата на Сојузот на синдикати на Македонија, а ќе заврши пред Министерството за здравство.

- Протестот ќе биде токму во насока на изразување незадоволство од непотпишувањето на анексот на колективниот договор којшто веќе беше завршена работа, но поради политичките игри остана непотпишан и со тоа повеќе од 20 илјади работници во здравството остануваат без усогласувањето на нивните плати со порастот на минималната плата, соопшти денеска претседателот на ССМ Слободан Трендафилов. 

Според информациите на ССМ, освен вработените во здравството, усогласување на платите ќе нема и во образованието и во Министерството за внатрешни работи.

- Усогласување со порастот на минималната плата ќе нема и во образованието поради непотпишување на колективниот договор. Според моите сознанија, и вработените во Министерството за внатрешни работи нема да добијат усогласување на палтите, меѓутоа управата на локално ниво, правосудството, Правобранителството, јавнообвинителската служба, судската служба и.т.н. ќе добијат усогласување имајќи предвид дека Синдикатот на УПОЗ потпиша низа колективни договори каде ова право е утврдено меѓутоа и законските решенија, кои се обидуваа на мала врата да ги сменат пред објавата на висината на минималната плата, го овозможуваат тоа, истакна Трендафилов. 

Уште еден приведен за убиството на матичниот лекар во Железара

Уште едно лице е приведено за поврзаност со убиството на матичниот лекар во Железара кој беше пронајден во своето возило „киа рио“ со девет убодни рани. 

Информацијата ја потврди техничкиот министер за внатрешни работи, Панче Тошковски.

-Приведени се вкупно три лица.Претресот е завршен во доцните часови. Се продолжува со други истражни дејствија, се со цел да може да се утврди соодветната фактичка состојба. Така што, за нови дополнителни информации, јавноста ќе биде дополнително известена, рече Тошковски, одговарајќи на новинарско прашање во Струмица.

Доцна синоќа полицијата вршеше претрес во скопска Автокоманда. Приведе двајца, кои се се уште на распит во полициска станица. Од Јавното обвинителство не откриваат многу детали, но велат дека мотивите допрва ќе се утврдуваат.

Вчера во подкастот „Претрес“, Тошковски кажа дека според првичните информации, убиството не е поврзано со неговата дејност.

Во четвртокот вечерта, околу 23:00 часот, матичниот доктор Ацо Трповски беше пронајден мртов со девет убодни рани на паркингот пред Поликлиниката Железара. Го нашле неговите синови кои почнале да го бараат откако не се вратил дома во предвиденото време. 

Популарно