Кој ни ги прати и што да правиме со мигрантите?

Веќе неколку недели главни наслови по македонските портали и весници беа скапите одмори на нашите политичари. Од наочари, до јахти и скапи вили... прочитавме се и вистини и лаги. Не ни сакам да помислам што ќе беше следно, ако не се случеше бегалската криза на македонската граница со Грција. Сега веќе никој не се сеќава дека политичарите воопшто беа на одмор, веќе неколку дена сите пишуваат и зборуваат за огромниот број на мигранти и односот на нашата држава и полиција кон нив.

migranti-28-520x311

За разлика од одморите и шпекулациите на тема кој наш политичар колку пари потрошил за одмор, мигрантите се тема што заслужува медиумски простор. Сведоци сме на катастрофа во досега невидени рамки, од која ќе произлезат уште многу големи промени на стариот континент. Војната во Сирија, ИСИС и мигрантите – бегалци не се случајност, туку добро испланиран потег на џинот на стаклени нозе, кој не сака да ја изпушти доминацјата во светот.

Како почна се и кој ги избрка од дома луѓето кои секојднево пристигнуваат во Македонија?

По 65 години доминација со светот, САД ја губи контролата и лидерската позиција. Иако Американците се сеуште на пол позиција, очигледна е се поголемата сила на нивниот вечен непријател, Русија. Прв доказ за промената на врвот беше војната во Украина, каде Русија не попушти и цврсто реши да ги брани своите позиции. Подржана од огромните Индија и Кина, во позадина Бразил и ЈАР, Путин конечно излезе од сенката на поразот на СССР во студената војна и тргна во долгоочекуваната битка за тронот. Веќе е јасно дека САД не може уште долго да го чува врвот, посебно ако Европа не е на нивна страна. Откако не успеаа да ја придобијат бараната подршка од старите сојузници од ЕУ, Американците најпрво го створија ИСИС ( за ова има многу докази за оние кои сакаат да ги најда на интернет), потоа побараа подршка да влезат во воздушни напади против нив. Европа одби, па се случија нападите на фрнцускиот весник и неколку терористички напади во Белгија, па Европа на сила влезе во сојузничко бомбардирање на територија на Сирија. Сепак, ИСИС без проблем го издржа тоа, но народот во Сирија не. Тие решија да ја напуштат својата татковина и како програмирани да тргнат кон Германија и Британија! Всушност, зборот „како“ во претходната реченица е вишок, тие се програмирани да одат во Германија, срцето на ЕУ и единствената држава која навистина инвестира во унијата и тоа токму по патот на „Турски тек“ – ефтиниот гас од Русија за ЕУ. Во меѓувреме ИСИС е најголемиот извозник на нафта во светот, а кајмакот го црпи САД. Со еден потег, Американците добија пари, подршка од Европа и опција на копче да ја дестабилизираат ЕУ кога и да посакаат. Сега Европа ќе биде заложник на џинот, кој не смее да падне од тронот, бидејќи ако/кога тоа ќе се случи ги чека крвава граѓанска војна, а многу веројатно и распад на федерацијата.

Моментална ситуацја

Без разлика кој е виновен за мигрантите кои секојдневно пристигнуваат на нашата граница, реалноста е дека на овие жртви на војната во нивниот дом навистина им е потребна нашата помош. Секако дека мал дел од нив, се терористи кои се тренирани од САД и специјалците на Британија, но погелемиот дел се невини жртви на светската борба за доминација. Секој нивни живот е вреден колку и мојот, колку и вашиот. Секоја солза на едно сириско дете е жешка, колку и солзата на едно македонче. Можеби и пожешка. Тие луѓе изгубиле се, освен животот и никако не смееме да се однесуваме кон нив како со терористи. 9.5 милиони Сиријци заклучно со Август ги напуштиле своите домови и тргнале да бараат спас и подобро утре. Нив ги води само надежта и не смееме да дозволиме токму на ова мало парче земја да ја загубат. Време е да заборавиме на политичките поени и уште еднаш да се покажаме како големи луѓе, како голема нација. Не смееме да дозволиме и овој пат да се поделиме на предавници и херои, на патриоти и продадени. Сите знаеме дека во Април ќе има избори, но користењето на црната судбина на овие луѓе како предизборна кампања е полошо и од убиство. Всушност многу наликува на Амриканската стратегија.

Деновиве читавме наслови и коментари во кои се повикуваа Егејците во Македонија и се играше на нивните чувства! Тоа не само што е потполно нелогично, туку и подмолно. Во моменти кога Европската комисија ја оценува макеоднкста реакција на бегалската криза како позитивна, кога УНХЦР пишува за 7.000 пренесени мигранти за само еден ден од Гевгелија до Табановце, а светските медиуми јавуваат за немири во Германија и 16 повредени во судири на полицијата и мигрантите. Кога Ла Манш е затворен, а полицијата тепа мигранти како да се хулигани на фудбалски меч. Во тие моменти дел македонските медиуми  пишуваат дека Македонија е „црна дупка“ за мигрантите, затоа што полицијата решила да ја контролира границата!!! Упорно се обидуваат да ја оцрнат државата со цел да се оцрни Владата! Фотељата е нивна цел, а методот не се бира! Доказ за тоа се и текстовите кон Егејците. Тие не сакаа да ги навредат Македонците кои беа протерани од Грција (иако го направија тоа), туку да ги свртат против Владата.

Од друга страна на фејсбук се појавија огромен број на статуси и коментари исполенти со омраза кон мигрантите. Веројатно мал дел испровоцирани од преходно споменатите наслови, но и од бегалската криза во 1999 година. Сепак, испровоцирани или не, овие коментари се полоши од самите провокации. Каква и да е провокацијата или минатото, не смееме да заборавиме дека сме луѓе, еднакви пред Бога, а на оние на границата навистина им треба секаква помош.

Овие коментри, статуси и статии по медиумите, всушност ја скрија моменталната ситуација од нас, а таа е следната. Македонија релативно добро се справува со бегалците. Им пружа помош на загрозените, полицијата и војската ја контролираат границата, а бегалците релативно брзо ја минуваат Македонија. Токму во зборот релативно се крие и критиката кон државата. Уште пред 9 месеци почнаа првите бранови на бегалци, а ние како држава не се подготвивме за да можеме подобро да изреагираме. Повторно сме фатени неподготвени, како што секоја година не начекува првиот снег во декември. Да се надеваме дека од ден во ден реакцијате ќе биде се побрза, а Македонија ќе стане светла точка на патот на мигрантите.

Автор: Пацифист

Заев сака, но не може да и даде на Бугарија

„Јас сум Македонец кој зборува македонски јазик, признат од целиот свет. Каракачанов е Бугарин кој зборува бугарски јазик признат од целиот свет. Но, етничката и идентитетска разлика не е единствената меѓу нас. Поважна и посериозна е разликата во нашите светогледи“, напиша вчера премиерот Заев и додаде: Јас работам на доближување на ставовите околу разликите, и знам дека тоа е можно само преку размена на идеи и мислења, а не преку навреди и недолични пораки. Нашите народи очекуваат исчекор кон пријателство, а не говор на омраза. Доста беше омраза!

Не знам од каде да почнам.... Ајде од почетокот. Први Август 2017 година. Денот на потпишување на договорот и изјавата на Заев дека со овој договор Бугарија го „признала“ Македонскиот јазик. Ммммм...НЕ! Единствено место каде се спомнува македонскиот јазик е последниот пасос во кој се вели:
„Потпишан во два оригинални примероци, секој од нив на официјалните јазици на Договорните страни – македонски јазик, согласно Уставот на Република Македонија и бугарски јазик, согласно Уставот на Република Бугарија, при што и двата текста имаат еднаква важност. “
Значи, согласно уставот на Република Македонија, што значи дека јазикот целиот свој легитимитет го влече од уставот, кој е менлива категорија и постои едвај 30тина години. За разлика од уставот, македонскиот јазик е официјален јазик векови наназад. 
Токму догооворот за добрососедство и лагите што тогаш ги ширеше Заев, се јасен аргумент дека премиерот знаел што го очекува и дека и сега знае што следува. 

Следно, „Јас сум Македонец кој зборува македонски јазик, признат од целиот свет“. Јазик не се признава. Јазик  постои и се кодифицира(стандардизира). Тоа што оваа влада постојано повторува дека македонскиот јазик е признат во 1977 година во Атина е само уште лага, со која повторно им се дава оружје на бугарските тврдења дека станува збор за бугарски дијалект. Во 1977 година во Атина со резолуција е усвоена латиничната транскрипција на македонската кирилица. Толку! Не се работи за никакво признавање, затоа што такво нешто не постои! Како тоа некој да ви признае јазик? Кој е тој што го може тоа?

„Јас сум Македонец кој зборува македонски јазик, признат од целиот свет“, колку и гордо да звучи, нема никакво значење во спорот со Бугарија и Заев го знае тоа. Софија секојдневно повторува дека тие немаат проблем со тоа што ние денеска сме Македонци и зборуваме македонски јазик, туку со нашето минато. На Бугарија во моментов не и гајле дали сме ние Македонци, туку што тоа биле нашите предци. „Македонија и македонскиот народ се творба на Тито. Излажани Бугари, а македонскиот јазик е само дијакт на бугарскиот“. Тоа е ставот на Софија и во ништо не се оспорува со „гордата“ изјава на премиерот. 

„Етничката и идентитетска разлика не е единствената меѓу нас“. И со оваа реченица Бугарија нема никаков проблем. Како што реков и пред малку, Софија признава дека сега сме различни народи, со различен идентитет. Тие ја сакаат историјата. Тоа многу отворено го кажа нивниот министер, кога рече дека убаво што Заев прифаќа заедничка историја, само уште да признае дека е бугарска. 

„Јас работам на доближување на ставовите околу разликите“. За некој да работи на доближување на ставовите, прво треба да има став, а Заев го нема. Дури и кога личи дека го има, ЛАЖЕ! ЛАЖЕШЕ дека нема да се смени устав со цел да се смени уставното име! ЛАЖЕШЕ дека со „Преспанскиот договор“ е бетониран идентитетот, но ја изгубивме пола историја (историја +традиција +култура+јазик = идентитет). ЛАЖЕШЕ дека со договорот со Бугарија, Софија го „признала“ македонскиот јазик. ЛАЖЕШЕ дека не постои „Тиранска платформа“. ЛАЖЕШЕ дека сме добиле датум за прговори со ЕУ, барем 12 пати. ЛАЖЕШЕ дека има писмени гаранции за почеток на преговори со ЕУ. ЛАЖЕШЕ дека Бугарија во втората светска војна била само администратор во Македонија. ЛАЖЕ и сега! Заев нема став, затоа што тој не се обидува да го реши спорот со Бугарија за доброто на Македонија, туку за свое добро. Во ситуација кога земјава е задолжена над 60% од БДП (високозадолжена земја), по што му е јасно дека повеќе нема да може да се задолжува и многу скоро ќе остане без пари за плати и пензии, единствен спас му се европските фондови. Во ситуација кога Македонија е 7ма по смртност од Корона, а ситуацијата до прва ќе се влошува, Заев знае дека многу скоро (на пролет) ќе мора на избори. По сите порази, на сите полиња, Заев знае дека неговата политичка кариера завршува со тие избори. Но, не е тоа главниот проблем на премиерот. Она што него навистина го плаши е прогонот кој што му следува. При "All in“ има само две можни. Ги собираш сите чипови (успеси) од масата или губиш се, па дури и слободата. 

Заев во моментиве е давеник, налик Груевски пред неколку години. Разликаата е што Груевски бараше спас кај народот (кој го пљачкаше со години), а Заев очекува да му помогнат странци. Она што сеуште не го разбрал е дека, кога ќе ја изгуби довербата кај народот, странците нема да го есапат. Завршено е! Сега дури и да прифати дека до вчера сме биле Бугари, а јазикот ни е препишан од бугарски буквар од 1943 година, никако не може да му понуди гаранција на Борисов дека тој договор ќе биде почитуван од наша страна. При таков договор, диру ни почеток на преговори со ЕУ нема да му донесе победа на изборите, а тоа Софија го знае. Затоа, сега потписот на премиерот не вреди ништо во Бугарија. Од таму и изјавата на Каракачанов дека изјавите на Заев се празни зборови, му требаат дела. Делата Заев не може да ги понуди! Единствено што може да направи е дополнителна штета во односите со Бугарија со уше некој анекс договор, за кој нормално ќе ЛАЖЕ што подразбира. Ова не значи дека давеникот ќе престане да прета и да се бори за воздух и по цена на други жртви, но крајот е блиску, а СДСМ никако не може да го запре. 

По сите понижувања и неуспеси кои како народ ги доживеавме под оваа владејачка гарнитура, добрата вест е дека за неколку месеци ќе заминат во историјата (во онаа црната). Лошата вест, доколку драстично не се променат работите, е дека Мицковски ќе биде новиот премиер. Сегашниот лидер на ДПМНЕ кој не направи ама баш ништо, да го спречи Заев во своите антимакедонски политики, премиерската позиција ќе ја добие на тацна. Слично како што ја доби и претседателската функција во својата партија. ДПМНЕ под лидерство на Мицкоски не доби ниту едни избори, не оствари ниту една победа! Ако толку може како партиски лидер, колку (ич) ќе може како премиер?

Можеби малите партии (од кои се издвојува Левица) ќе можат да го искористат вакумот, но сеуште е рано да зборуваме за премиер кој не е челен на СДСМ или ДПМНЕ. 

Автор: Пацифист

(Фото) Му се слошило на работа, западнал во кома, а брзата помош го однела... ДОМА

На социјалните мрежи во Фејсбук групата "Стари Скопјани" се најде статус каде еден од членовите на истата група раскажа за случка која се случила во неговото семејство.

Имено, неговиот зет за време на работа му се слошило и се онесвестил. Неговите колеги повикале брза помош, но тие наместо веднаш да го хоспитализираат тие го транспортирале само до ДОМА.

"Состојба тогаш: не зборел, не бил при свест, не мрдал не бил контактибилен. Тој е на возраст од 40 години,а работи во близина на ГОБ "8ми Септември", ( па нели требало прво да го однесат на некакво снимање, преглед и сл, па така барем беше во наше време. Од како го донеле дома му ставиле инфузија и си заминале и ја повикале ќерками од работа. Сега мојот зет лежи во КОМА, не сум по таа струка за да знам што му е, но само лежи без никакви знаци. Денес дојдоа еднаш од брзата помош да му сменат инфузија и оставија некое кесе, па ќерками ми напиша на ливче што се треба да купам од аптека, изгледа ќе треба сами да го боцкаме. Понатаму ќе ве известам како ќе течат работите, но еве како се спремни оние од екипата на Филипче да помагаат на болните во време на пандемија."

"Мајко Македонијо" те ранија, те омаловажија, стана безимена

Ех, Македонијо мајко моја, Те ранија, те омаловажија, стана безимена. Станавме затворен логор. Потпишавме капитулација. Останавме затворена ковид држава. Секој ден гледаме луѓе без насмевка, луѓе со маски и тешки мисли “Како да издржиме и месецов?”. Во држава во која се шири вирусот со невидена брзина, каде секојдневно имаме над стотици заболени. Дури некои се спремаат за избори, народот се заразува.

ИЗБОРИ ЌЕ ИМА! Има ли пилот во авионот со име МАКЕДОНИЈА? Економијата ни тоне, здравството колабира, а сиромаштијата влегува во фаза на ЕПИДЕМИЈА.

Здравствените работници со последни сили се борат, десеткуваани, заразени и деградирани. Некои земаат картички, некои не но сите заедно и сложно се борат против невидливиот непријател. Без нивната храброст и пожртвувсност ќе бевме Вухан на Балканот. Со ваков галопирачки развој на вирусот, со ваква неспособна власт, ќе имаме долго, топло и пеколно лето и многу ладна есен и зима. Државата ќе банкротира со колабирано здравство, пандемија на сиромаштија и корона.

Ех.. МАКЕДОНИЈО.

М-р Боби Бојчевски

Популарно