Колку чини интервенција за враќање на невиноста во Македонија?

Хирушката интервенција за враќање на невиноста трае само 15 минути. Достапна е во Македонија и тоа на неколку клиики, а истата чини од 500 до 700 евра.

Тоа е особено изразено во западниот дел од земјава, најчесто во Тетово, Гостивар, Кичево, а се разбира бројката е голема и во Скопје. Исто така, има и пациенти од соседните земји кои доаѓаат на нашите клиники да ја направат оваа „реконструкција”.

Станува збор за зашивање на хименот, односно тоа е реконструктивен хируршки зафат на хименот познат под називот хименопластика, а се изведува со цел искинатите рабови на хименот – девичникот повторно да се соединат. Доколку хименопластиката се изведе коректно и не биде проследена со компликации, макроскопски хименот е повторно интактен без видливи оштетувања и лузни. Од една гинеколошко-акушерската клиника во Скопје велат дека се работи за мошне едноставна и краткотрајна интервенција.

Во Македонија донекаде ова сеуште е табу-тема. Но неретко може да најдете девојка што јавно ќе зборува на оваа тема. На форумите можат да се сретнат различни мислења. Едни велат дека тоа е глупост, некои се плашат да го направат тоа, додека пак има и такви што првпат слушаат дека такво нешто постои.

Во Босна и Херцеговина секоја трета интервенција е бесплатна. Во Тузла постои центар за пластична хирургија кој го води доктор Златко Берберовиќ. Тој вели дека има случаи кога девојките ја изгубиле невиноста при силување, па на тој начин сакаат да го заборават ужасот низ кои поминале. Тој додава дека некои девојки на овој начин сакале да ги изненадат своите партнер за Денот на вљубените или за прославите на годишнина од брак или врска. Во Америка пациентките се решаваат на оваа процедура на 40-50 години на барање на партнерите за да прослават годишнина од бракот или некој значаен настан. Овој тренд е многу актуелен и во Турција.

Дневен хороскоп

Овен

Овни, внимавајте на деталите и бидете организирани за успешно завршување на задачите. Комуникацијата со колегите ќе биде клучна. Денеска ќе биде поволен ден за романтични состаноци и отворени разговори со саканата личност. Слободно изразете ги вашите емоции. Внимавајте на исхраната и редовно вежбајте за да ја одржите виталноста и доброто здравје.

Бик

Бикови, бидете практични и фокусирани на постигнување на целите. Финансиската состојба ќе се подобри со добро планирање и дисциплина. Очекувајте стабилност во врската и убави моменти со саканата личност. Фокусирајте се на заеднички активности кои ќе ве поврзат. Опуштете се и посветете време на релаксација за да ја одржите менталната и физичката благосостојба.

Близнаци

Близнаци, креативноста ќе ви донесе успех во деловното опкружување. Размислете за нови идеи и соработувајте со колегите. Комуникацијата ќе биде клучна за решавање на сите недоразбирања со саканата личност. Бидете отворени и слушајте внимателно. Одржувајте рамнотежа помеѓу активноста и одморот за да ја зачувате енергијата и виталноста.

Рак

Ракови, фокусирајте се на тимска работа и соработка за да постигнете подобри резултати. Вашите идеи ќе бидат ценети и поддржани од претпоставените. Денеска ќе ви биде важна емоционалната поддршка. Изразете ги вашите чувства и покажете ѝ на саканата личност колку се грижите за неа. Внимавајте на исхраната и редовно вежбајте за да ја одржите виталноста.

Лав

Денеска енергијата ќе ви биде висока, што ќе ви помогне ефикасно да ги извршувате задачите и да постигнете успех. Избегнувајте импулсивни одлуки на работа. Бидете спонтани и романтични со саканата личност. Изразете ја вашата страст и љубов на креативен начин. Активирајте се физички за да го намалите стресот и да го одржите доброто здравје.

Девица

Девици, организирајте се и бидете ефикасни во работата за да ги постигнете посакуваните резултати. Анализирајте ја ситуацијата пред да донесете одлуки. Внимавајте на деталите во врската со саканата личност. Размислете за заеднички цели и планови за иднината. Одржувајте рамнотежа помеѓу работните обврски и времето за одмор.

Вага

Денеска бидете дипломати и решавајте ги конфликтите на мирен начин. Вашите преговарачки вештини ќе ви донесат успех. Хармонијата ќе биде клучна во односите. Обрнете внимание на рамнотежата и правичноста во комуникацијата со вашата сакана личност. Практикувајте лесни вежби и здрава исхрана за одржување на добро здравје.

Скорпија

Скорпии, фокусирајте се на долгорочни цели и стратегии. Вашата решителност ќе ви помогне да ги постигнете посакуваните резултати. Интензивните емоции ќе ја обележат вашата врска. Бидете искрени и отворени во комуникацијата со саканата личност. Одржувајте емоционална рамнотежа и посветете време за релаксација за да го намалите стресот.

Стрелец

Денеска размислете за нови идеи и иновативни пристапи во работата. Вашата храброст ќе ви донесе напредок и финансиска придобивка. Авантурата и спонтаноста ќе ја збогатат вашата љубовна врска. Отворете се за нови искуства со вашата сакана личност. Вклучете се во физички активности кои ве прават среќни за да го одржите доброто здравје и виталноста.

Јарец

Јарци, бидете амбициозни и фокусирани на постигнување резултати. Вашата упорност ќе ви донесе професионален успех. Поставете цврсти темели во врската со саканата личност. Размислете за заеднички цели и долгорочна перспектива. Внимавајте на исхраната и дозволете си да одморите за да го одржите вашето физичко и ментално здравје.

Водолија

Водолии, денеска креативноста ќе ви донесе успех во работата. Размислете за алтернативни пристапи и бидете иновативни.Бидете отворени за промени и експерименти во љубовниот живот. Размислете за нови начини на изразување емоции. Посветете се на менталното здравје и релаксација за да ги намалите стресот и напнатоста.

Риби

Риби, бидете внимателни кога комуницирате со колегите и избегнувајте конфликти. Вашата емпатија ќе ви помогне да постигнете хармонија и на работното место. Интуицијата ќе ви биде важна во љубовните врски. Слушајте го своето срце и следете ги вашите емотивни импулси. Посветете се на духовни активности и медитација за одржување на внатрешниот мир и рамнотежа.

18-годишен тетовец украл автомобил, па направил сообраќајка

Полицијата поднесе кривична пријава против Л.А.Т. (18) од Тетово поради  „тешка кражба“ во обид, „одземање на моторно возило“ и „кражба“.

На 03.02.2024, пријавениот со погоден предмет се обидел да влезе во куќа во Тетово, но бил затекнат од сопственикот.

На 10.02.2024 во двор од куќа одзел патничко возило „цитроен“, а во текот на истиот ден од плац на лице од Тетово одзел мотоцикл „јамаха“, кој го оставил во с.Долно Седларце, тетовско, заедно со патничкото возило, откако направил сообраќајна незгода, објави МВР.

Пендаровски домаќин на Ифтарска вечера

По повод Рамазанските пости и во пресрет на големиот муслимански празник Рамазан Бајрам.

На вечерата присуствуваа претставници од државно-владиниот врв, бизнис заедницата, претставници на верските заедници, претставници од академската заедница, од политичките партии, медиумите и граѓанските организации, како и претставници на дипломатскиот кор, информираа од Кабинетот на претседателот.

Согласно исламските верски обичаи, Поглаварот на Исламската верска заедница Реис-ул-улема Шакир ефенди Фетаи ја одржа завршната молитва.

„Најсветиот месец во Исламот, Рамазан, е време за духовно закрепнување, за обновување на релациите со роднините и пријателите, но и за милост и солидарност кон немоќните. Како што рамазанскиот пост е лично искушение на внатрешно преиспитување на поединецот, така Ифтарската вечера е заеднички чин на социјална правда бидејќи подразбира правење место на трпезата и за оние кои имаат помалку. Тоа е особено важно во време на глобални кризи кои најмногу ги удираат најранливите и најсиромашните“, кажа Пендаровски на вечерата.

Но, освен за продлабочување на верата во животот на верникот, Ифтарската вечера е и можност за продлабочување на соживотот во македонското општество.

„За нашите предци немало поголема чест од тоа, некој со различна вера од нивната, да ги покани на празнична трпеза. Кога муслиман кани на Ифтар, или кога христијанин подарува велигденско јајце, тоа е начин да каже дека ја почитува твојата различност и те прифаќа таков каков што си. Тоа го правиме и ние вечерва“, додаде Пендаровски.

Популарно