Колку ќе го чини Самсунг менувањето на експлозивниот Galaxy Note 7 ?

Проблемите со Note 7 доаѓаат во најлошото можно време за Самсунг – денес Apple ги претставува новите модели на Ајфон, вклучувајќи го и директниот конкурент на Note 7.

Откако Самсунг најави повлекување на неодамна претставениот фаблет Note 7 кој требаше да биде најдобриот телефон на светот во моментов без конкуренција, медиумите сега тврдат дека директната штета за компанијата од повлекувањето на телефоните би можела да надмине неверојатни една милијарда долари.

тел

Note 7 има сериозни проблеми со батеријата која што досега експлодирала кај повеќе од 30 телефони и тоа не само при полнење на телефонот, туку и кога телефонот не бил приклучен на полнач.Наводно проблематични се само батериите кои ги произведува Samsung SDI, додека батериите на компанијата ATL кои се користат во помал дел од Note 7 телефоните биле во ред. Сепак, се чини дека Самсунг ќе ги замени сите досега продадени модели.

Таа замена се очекува јужнокорејската компанија да ја чини една милијарда долари. Сепак, некои аналитичари тврдат дека не е се така црно за Самсунг. Најпрвин, веста за повлекувањето на телефоните е најавена за петок па берзите нема веднаш да реагираат, а инвеститорите ќе добијат два дена за да размислат дали да вложуваат во Самсунг, наместо панично да ги распродадат акциите.

Исто така, дел од корисниците ќе го ценат директниот пристап на Самсунг. Компанијата без некои ПР тактики ќе ја признае грешката и на свој трошок ќе ја исправи, па на корисниците тоа ќе им биде доволно да се осигураат дека јужнокорејската компанија се грижи за тоа да бидат задоволни.

Сепак, факт е дека ова е тежок удар за Самсунг, посебно поради фактот дека денес Apple ќе ги претстави своите нови модели на iPhone, при што ќе биде претставен и iPhone 7 Plus, кој ќе биде директен конкурент на Note 7, па корисниците кои што се двоумеле дали да го купат Самсунгот, сега лесно би можеле да се предомислат и да се одлучат за најновиот адут на Apple.

Ќе се бришат милиони сметки на Gmail

Ако имате неактивна сметка што сакате да ја зачувате, сè уште имате време да го сторите тоа.

Google уште во мај објави дека ќе започне со бришење на сметките кои се неактивни две или повеќе години.

Пред ова, компанијата би ја бришела само содржината зачувана на сметката, а не самата сметка. Промената би требало да ја зајакне безбедноста, бидејќи неискористените сметки се подложни на компромитирање.

Google соопшти дека бришењето ќе започне во декември 2023 година, што е само еден месец од сега.

Ако имате неактивна сметка што сакате да ја зачувате, сè уште имате време да го сторите тоа. Технолошкиот гигант го започнува процесот во фази, почнувајќи со сметки кои се креирани и никогаш повеќе не се користат.

Одлуката за бришење се однесува само на личните сметки, но не ги вклучува сметките од организации како што се училишта и бизниси. 

Ватсап наредниве недели овозможува два профила на еден телефон

За луѓето кои имаат приватен и деловен профил на „Ватсап“ или пак два профила од иста природа, наскоро нема да им требаат два мобилни телефона.

Апликацијата ќе им овозможи на своите корисници да имаат два профила на еден уред. Но, условот е корисникот да има два телефонски броја или мобилниот телефон да поддржува е-СИМ или двојна т.е. повеќенаменска СИМ-картичка.

Од „Ватсап“ велат дека сега веќе нема да треба да се одјавите од еден профил за да влезете во друг, туку ќе биде овозможен истовремен пристап до двата профила. За тоа се бира опцијата „Сетингс“ во апликацијата, се кликнува на стрелката до името и се бира „Додај профил“.

Секој профил има посебни поставки за приватност, па може да се избере примање известувања само од една сметка. Ова е полезно доколку корисникот е на одмор и не сака да добива пораки од работа.

Годинава претходно на корисниците им беше дадена можност да пристапат до еден профил од повеќе уреди. Новото ажурирање ќе пристигне на уредите со „Андроид“ наредниве недели.

Икс воведува опции кои корисниците долго време ги посакуваа

Социјалната мрежа Икс почна да ја воведува услугата за аудио и видеоповици. Опциите може да се најдат во делот „Поставки“ за „Директни пораки“, а новите функции може и да се исклучат.

Оваа новина во август ја најави извршната директорка Линда Јакарино, истакнувајќи дека ова е само чекор во еволуцијата на платфрмата кон тоа да стане „апликација за секого“, исто како што напомна и сопственикот Илон Маск.

Корисниците ќе имаат можност да изберат опција за одобрување повици само од одредени корисници, по избор.   

Популарно