ЛАЖНИ ПОПУСТИ: Казнети 4 фирми во Скопје

Новогодишен, зимски, Блек фрајдеј... кај нас попустите имаат име, но не и реални намалувања на цените.

- Утврдени се четири неправилности, односно субјектот на надзор не ја истакнал претходната цена. Втора неправилност е што трговецот физички не ги одвоил производите што се ставени на распродажба од оние што не се на распродажба. Исто така, дел од трговците на јасно и на видно место не истакнале натпис дека се работи за распродажба - велат во Инспекторатот.

Според нив, доколку Државниот пазарен инспектор при вршење инспекциски надзор констатира неправилност во делот на намалување на цените, во согласност со Законот за заштита на потрошувачите ќе води постапка на едукација.Ако субјектот на надзорот, односно правното лице, не постапи по едукацијата во законски рок од 8 дена, инспекторот ќе почне со водење прекршочна постапка. Глоба во износ од 700 евра во денарска противвредност се изрекува за прекршок на правното лице, односно трговец поединец, и глоба во износ од 30 отсто од одмерената глоба на правното лице.

Она што може да се види во градот е дека наместо класичен излог, на продавниците има само плакати на кои стои колкаво е намалувањето на одредени производи. Некои од продавачките во бутиците велат дека имаат понуда на артикли со попуст што се нуди на излогот, а други не коментираат ништо и оставаат потрошувачите сами да донесат одлука дали попустите се лажни. Влеговме во бутик со зимска гардероба со наводен попуст од 50 до 70 отсто. Прошетавме околу рафтовите и сфативме дека намалувањето е минимално. Така, капут кој претходно чинел 5.000 денари, сега се продава по цена од 4.200 иако на рафтот стои дека е намален цели 50 отсто.

Според Законот за заштита на потрошувачите, при распродажба трговците се должни на означувањата што упатуваат на распродажба, односно на намалување на цените, независно од тоа дали намалувањето е изразено во износ или процент, мора да бидат назначени и старата и новата цена (или процентот на намалување до видливата стара цена, која може да биде и пречкртана). Старата цена мора да се употребува минимум 30 дена пред да започне распродажбата. Трговецот мора физички да ги одвои производите што се ставени на распродажба од останатите и јасно и на видно место да истакне натпис дека се работи за распродажба.

Што му порача Путин на Иванов и на Македонија?

Со особено внимание следиме се што се случува во вашата земја. Посакуваме внатреполитичката ситуација во Македонија да се развива согласно Уставот и демократските принципи. Уверен сум дека вашето искуство, вашето влијание и авторитет ќе придонесе за тоа, истакна претседателот на Руската Федерација Владимир Путин на средбата со македонскиот претседател Ѓорге Иванов денеска во Москва.

Тој изрази задоволство дека македонско-руските односи се унапредуваат и, како што рече,  има позитивно движење во економската размена.

На почетокот на средбата Путин му ја честита наградата на претседателот Иванов што вчера му ја врачи Патријархот на Руската православна црква Кирил.

Македонскиот претседател изрази ообено задоволство што токму на овој ден, кога се одбележува празникот Свети Кирил и Методиј  има средба со него.

ВИДЕО: Еве како изгледа автопатот Демир Капија- Смоквица снимен со дрон

Финишира автопатот Демир Капија- Смоквица, едно од најголемите градежни достигнувања што Македонија ги памети до денес. Автопатот кој наскоро ќе биде уштен во употреба е во должина од 28,2 километри, инвестиција вредна 217 милиони евра.

ВИДЕО: Вака започна упадот во собранието на 27ми Април

Повеќе домашни медиуми објавија копии од снимки што биле направени од безбедносните камери во Собранието на 27 април, кога таму се случија големите нереди во кои беа повредени повеќемина пратеници.

Како што може да се види од една од снимките, собранискиот хол во почетокот е празен, а потоа тој се исполнува со маса народ. Луѓето се упатуваат претежно кон главната собраниска сала, а со себе носат транспаренти, како и знамиња. Дел од нив се поздравуваат и со лицата кои тогаш се најдоа во собранискиот хол.

Во првите мигови од упадот не се забележува полициско присуство во холот, ниту, пак, има знаци на насилство. 

Популарно