Македонија влегува во Европската Унија!

Ете се случи и тоа. Една држава ја напушти Европската Унија. И како што секогаш бива, тоа беше една од највлијателните членки во ЕУ. Голем шок за Унијата, но и за Британија. Деновиве, состаноци на лидерите од Брисел, но и тешка политичка ситуација во „самостојна“ Британија. Камерон поднесе оставка, Големото кралство губи многу пари, фунтата паѓа, а Британците се чудат од резултатот на референдум. Покрената е иницијатива и се собраа огромен број потписи за нова расправа во парламентот на Велика Британија за свикување на втор референдум. Дали ќе го има или не, не се знае, но јасно е дека дел од граѓаните кои гласале за излегување од ЕУ не очекувале дека ова ќе се случи и дека сега не се сигурни дали одбрале добро. Од друга страна во Европа веќе се стравува дека и други моќни држави ќе го следат примерот на Британија. Веќе се споменуваат референдуми во Данска, Хрвастска, Полска, Унгарија... Реалноста за која пишував пред една година се случува, ЕУ се распаѓа!

eu_2013102117366-45227-54003

Унијата која веќе неколку години опстојуваше на мускули е пред брутален колапс. Колку и да ги критикуваат Британците за погрешна одлука, ова беше неизбежен процес, кој Брегзит само го забрза. ЕУ потполно ги заборави вредностите врз кои е изградена и години наназад функционираше само како економска институција, која ги наметнуваше своите лажни вредности кон новите членки или кон оние малкуте кои не се, но аспирираат да бидат во големото друштво, воедно бранејќи ги интересите само на најголемите во неа, како и на најбогатите коорпорации. Дека Унијата почна да работи против себе, односно против жителите на своите членки покажуваат многу факти. Како на пример дозволената употреба на ГМО или огомните средтсва потрошени за промовирање на нетрадиционални вредности, како ЛГБТ заедницата и нивните права. Форсирање на униормираност на цела европа, со цел на рушење на културните и традиционалните разлики на народите, како полесно би стигнале до робовладетелско општество, итн. Кога на сето тоа се додаде голамета економска криза и неколкуте речиси банкротирани членки (Грција, Португалија, Италија...), Унијата застана на работ на историјата, но некако се спаси. И кога се очекуваше заздравување, се појавија мигрантите и го зададоа финалниот удар. Најпрво ЕУ, односно бирократите кои ја раководат, донесоа план за тоа која држава колку мигранти треба да прими, по стариот рецепт. Заштити го посилниот, наполни го послабиот, но овој пат тоа не помина. Неколку држави одбија да го направат тоа и се случи невиден преседант. За прв пат во постоењето на Унијата, се донесе одлука без консензус, туку со надгласување, а со тоа се сруши темелот на постоењето на ЕУ. Токму во тој момент стана јасно дека Унијата не е заштитник на демократијата, туку на неколку членки кои преку неа демонстрираат моќ. Деновиве уште еден доказ дека моќната Европа нема намера да отстапи од својот силеџиски пристам е идејата на Германија од сега од Унијата да не може да се излезе само со референдум на граѓаните. Замислете, сега за да излезете ви треба дозвола.

Дваесет и шест години во Македонија слушаме бајки за ЕУ. Секој државнички сон завршуваше во Европа. Нашата единствена дестинација и природна, географска средина. 26 години слушаме за ветената земја во која тече мед и млеко. И сега што? Ќе чекаме од истапат сите, па ќе си влеземе во празна соба? Македонија влезе во Европската Унија! Ма ја освои!? Тоа ли е сега идејата или ќе глумиме дека не знаеме дека е готово? Повторно ли ќе слушаме како нема друга опција? Па до сите кои бевте на власт во самостајна Македонија, зошто не створивте? Или ако немаше/нема друга надворешна опција, друг сојуз, зошто не работевте не економси независна Македонија? Зошто толку енергија и пари потрошивме на влез во нешто во кое е јасно дека ќе не примат само кога нема да има чувар? Ако 26 години немавме друга опција, сега кога и таа (лажна) опција се распадна, што ќе ни кажете? Дека Македонија нема опции? Затварај фирмата и по дома?

Јасно ми е мене зошто таква реклама за ЕУ во Македонија која трае од деведесетите. Секој си го рекламира производот, па зошто да не и Брисел. Нашиве политичари се залепија на рекламата и ја искористоја вековната желба на Македонците да седнат на маса со големите и да биде еднакви. Затоа 26 години слушаме само за позитивните страни на Унијата, а има и такви, посебно ако фрижидерот дома ви е празен. Не го осудувам јас македонскиот народ, кој сиромаштијата го натера да ги заборави традицијата и културното наследство, па залажан со голема рекламна камања дури почна да размислува и за промена на името, само да има леб на маса. Но, што ако го сменевме, а Унијата се распадне за 5 години? Пак ќе сме исто сиромашни, но нема да сме Македонци. Токму затоа, ни треба нова опција. Друштво во кое ќе бидеме еднакви и без услови ќе бидеме примени. Друштво во кое нема да ни биде наметната култура или асимилација. Каде нашата култура ќе биде сметна за богатсво, а историјата за вистина. Реално сега таква унија не постои, па наша работа во следниве неколку години е да покажаеме дека можеме сами. Да ја зацврстиме државата економски и политички и спремни да го дочекаме почетокот на новото време. Време во кое ќе се градат нови сојузи, нови унии, нови центри на моќ. Ако успееме, ова ќе биде за прв пат Македонија да седне на маса еднаква со другите и да се запише како основач на моќно друштво. Ако не, не чека некоја друга „единствена опција“ или уште полошо, и ние ќе завшиме неславно како ЕУ.

Автор: Пацифист

Не се СДСМ, туку ВМРО ДПМНЕ се виновни за двојазичноста и договорот со Бугарија

Бура од реакции по медиумите и социјалните мрежи по вчерашното гласање за законот за јазици во Собранието на Република Македонија. На улица никој, но на Фејсбук и Твитер лом. „Ишкртани“ ѕидовите на пратениците од СДСМ кои пред парламентарните избори ветуваа дека двојазичноста е само во главата на Груевски, а вчера како по наредба си гласаа. А тие тивки, без одговор, без коментар. Си го одработеа договореното и си ќутат. Не се веќе револуционери, не се „со народот“, не се борат против режим. Докачија фотељи и сега плаќаат долг кон оној што им помогна да дојдат на власт преку улица.

Искрено, не знам зошто толку бурна реакција баш вчера. Не дека ми пречи, но зарем очекувавте некој од СДСМ да гласа против двојазичноста? Демек им верувавте кога велеа дека е измислена? Кога збореше Павле Богоевски дека нема двојазични банкноти и униформи, вие помисливте дека е сериозен? Си лапна човекот пратеничко место, сега не ве знае. Ма не го занимате. Па зарем ќе се влечка законов по комисии и сибрание, по медиуми и каде не, за на крај некој од СДСМ да гласа против? Ајде, барем задоговорот со Бугарија, „добрососедскиот“, знаете што не очекува.

Но, доволно за „изненадените“ и СДСМ марионети во собранието. Не е ова нивна вина. Реално, од пред парламентарните избори, до сега, Заев и другарчињата јасно кажаа што следи. Кој сакал да слуша – слушал. Кој се правел на глув, се уште си се прави на глув. Зошто и како освоија 400.000 гласа на ваква програма, тоа си знае народот. Како и да е, Албанската платформа се остварува со сериозно брзо темпо и нема кој да ја спречи. Отсуството на отпор кон истата, не е вина на СДСМ, ниту на оние кои гласаа за таа политичка опција, туку на ВМРО ДПМНЕ и се што створи како државен апарат. Токму кај нив е целата вина за се ова.

Јасно, дека ВМРО сеуште ќе се преставуваат како патриоти и со прстот ќе посочуваат кон  „предавници“ од СДСМ и ќе се обидат да глумат жртва, но не е така. Најпрво, сето ова започна кога ВМРО ДПМНЕ имаше апсолутна власт во Македонија. Мнозинство во Собранието, Претседател на државата и доминираше на локално ниво. ВМРО ја водеше државата и дозволи да дојдеме до тука. Кој и да прислушкувал, ВМРО се виновни што успеал. Се појави лик (сега ни е премиер) со прислушкувани разговори и почна да ги објавува. Кривично дело, но ДПМНЕ немаше храброст да го апси. И не само ДПМНЕ туку и институциите задолжени за тоа. Потоа следеше Пржино, каде оние на власт потпишаа, без легитимитет од народот, не уставен договор и неуставно СЈО. Ајде што партијата реши така, но проблемот е што во нивното 11 годишно владеење, на ниту една носечка функција во било која институција не поставиле професионалец. Па затоа, обвинителство не го уапси Заев, затоа Уставен  до ден денес молчи за СЈО, затоа полицијата само ги гледаше оние кои фарба згради, министерства, плоштади, палеа канцеларии... итн итн. Со апсолутна власт не успеаа да спречат окупирање на држава на улица! Затоа изгубија многу гласови на парламентарните избори, но некако победија. Откако ја изгубија централната власт, требаше само да го следат примерот на ДУИ од 2006 година и да го бојкотираат собранието. Принцип: победник со победник. Место тоа, влегоа и гледаа додека во парламентот се пее албанска химна и се нелегитимно се избира претседател на собрание. Со нивното учество во собраниските седници подоцна му дадоа легитимитет на Џафери, без разлика како тоа тие го ословуваат. Можат да го викаат и граѓанин, но се додека се појавуваат на седниците закажани од него, кои токму тој ги заседава, тие го легитимираат! Сега кукаат и анализираат. Локалните избори биле криминални и фалсификат и затоа им е потребна длабинска анализа! Во меѓувреме СДСМ потпишува капитулирачки договор со Бугарија, но ВМРО не бара референдум. Се носи не уставен закон за јазици, но ВМРО не бара референдум! Заев отворено зборува за „ново име“ на државата, но ВМРО анализира локални! Ниту еден, апсолутно ниеден чекор за зачувување на она за што велат дека се залагаат од ВМРО ДПМНЕ. НУЛА! Чекаат сето ова да помине, Македонија да продаде или подари се што има, за да го окриват СДСМ и да дојдат на власт! Тоа е планот!

Ако ова не ви е доволно да сфатите дека ВМРО ДПМНЕ нема да стори ништо и СДСМ тоа го знае, потсетете се на 2004 година и референдумот за територијална поделба. Тогаш, исто како и сега СДСМ си тераше слична агенда. И тогаш слично како и сега ВМРО ДПМНЕ беше внатрешно разградено. Но, има една огромна разлика од тој момент и денешниот. Тогаш ВМРО ДПМНЕ побара референдум, сега НЕ! Тогаш за референдумот да падне, САД ја призна Македонија под уставно име, а сега СДСМ место да повлекува позитивни чекори на било кој друг план си прави што сака. Најголем буџет, намалени субвенции, поскапен дизел и ценовен шок од истото, влошување на односите со Русија, намалени плати и пензии во Октомври... и ич не се потресуваат. Овој пат, за разлика од 2004 година, никој не се плаши од ВМРО! Има две опции зошто.

1. Договорени се

2. Лидерот и раководството на ВМРО ДПМНЕ се уценети

Одберете која сакате од овие две опции. Мене искрено и не ми е гајле која е. Во двата случаја е јасно кое е решението за партијата и членството. Промена на врвот! Груевски имаше доволно шанси да превземе нешто, но освен празни говори не направи ништо. Неколку пати го слушав као им порачува на СДСМ да го гонат него, да го стават во затвор ако треба, само да ја остават Македонија, но сега кога ги губиме столбовите на идентитетот како народ тој бара да му го вратат пасошот да тркне до кај Орбан во Унгарија?! Као таму е решението? Никола, јас не барам да лежиш заради мене или државата. Не барам ниту да „застанеш на браникот“. Не очекувам од утре да станеш Питу Гули, Сандански, Даме Груев, Гоце Делчев.... Но доста се криеше, тоа е работа на Иванов. Собери храброст и напушти (макар тоа значело дека одма ќе те стават во затвор) или повикај пратеници и народ на улица. Викни референдум. НАПРАВИ НЕШТО!!!!

П.С. Цреќа што Преседателот побара гаранција од Заев пред да му додели мандат, па сега може кога сака да.... да, си ја урами!

Автор: Пацифист

Сме имале чудни ликови за премиери, но со Заев го допревме дното

Понекогаш се прашувам зошто го правам ова. Која е поентата да потрошам еден час пред тастатура обидувајќи се да склопам мисловна целост и некаков заклучок. Затоа има моменти кога ми се потребни повеќе од 7 дена за нов текст, еве како и овој пат. Не дека нема за што да се пишува, туку одамна истото нема ефект.

Колумнисти и ставови колку сакате, но резултат од истите, нула. Зошто тогаш да пишувам? За пари? Ок, ама можам да пишувам како Алиовски им ја скри топката на Норвежаните на празниот Градски и како сега кога имаме репрезентација немаме публика. Ама и тоа е поврзано со политика. За 3-4 години толку ни се исцица секоја ронка патриотизам и љубов кон државата, што сега ни на успех не се радуваме. РК Вардар е европски првак, македонски шампион и освојувач на СЕХА и пак игра пред речиси празна сала. Да не се Комитите, црвено црните слобоно можат сите натпревари да ги играат на гости. ФК Вардар е слаб во ЛЕ, а картите скапи. РК Вардар е премногу силен за ЛШ и СЕХА, а картите евтини. Оправдувањава смешни, но трибините празни....

Можеби,единствена причина и за овој текст, и за десетина наназад е обидот да се оправдам, искупам... пред себе и генерациите што доаѓаат. Ете во моментите кога го изгубивме идентитетот, името, јазикот, историјата... јас пишував и предупредував. Јасно ми е дека оваа генерација, сите кои сега сме полнолетни и живееме на овој простор или некаде далеку, но се чувствуваме како Македонци, сите до еден ќе бидеме бележани како предавници. Предавници на историјата, сегашноста и иднината. Предавници на она што ни припаѓа, но не сме го заслужиле.

Вицепремиерот најави, а и Заев веќе, намерно или не, кажа. Ново име е спремно, треба само да се договори како ќе се употребува. Тоа од него го барал народот во Македонија, бидејќи 75% барале влез во Нато?! Референдум во гостувањето во Црна Гора не се спомна. Се спомнаа многу глупости и лаги, во негов стил, но референдум НЕ!

Во 26 години самостојна Макеодонија, сме имале чудни ликови за премиери, ама со Заев го допревме дното. Да искочиш на црногорски медиум и да кажеш дека Русија организирала атентат во Црна Гора при влезот на земјата во Нато и дека сега стручњаците ти велат дека тебе ти е ред, а да немаш апсолутно никаков доказ за тоа, освен провокација кон Русија е и рушење на имиџот на Македонија(ако ни остана имиџ).  Следниот ден Владата со соопштение дека Заев не мислел така. Па добро бе, не ви здосади? Јадеше живи луѓе, ама не мислеше така. Беше во Израел, ама не мислеше така. На средба со амбасадорот на Италија, ама не мислеше така. Двојазичност, ама не мислеше така, Се сретна – не се сретна со Трамп, ама не мислеше така.... ОК е сфативме, во Македонија ви помина, затоа што ВМРО ДПМНЕ не постои, но зарем мислите дека ќе ви помине и со држава како Русија? Или не ви е гајле?

Кога пред 10тина дена се појави за прв пат, предлог буџетот за 2018 година, Македонија требаше да се задолжи околу 300 милиони за тековната година. Тогаш напишав дека до Јуни таа бројка ќе биде 1 милијарда, ама ќе морам да се поправам. Веќе вчера се појави финалната верзија на Буџетот и во неа се предвидува 860 милиони задолжување во 2018, што значи ќе одиме и повеќе од мојата прогноза. Минимум 1.5 милијарди задолжување за 365 дена. Со среќа.

Од оваа влада очекував исполнување на албанската платформа и се што подразбира истата: договор со Бугарија, менување на името за Грција, двојазичност итн, но не очекував колапс на економијата за 150 дена. Веќе од Јануари секој од нас убаво ќе ја осети неспособноста и лимитираниот капацитет на ликовите кои до власт се дочепаа на улица. Цената на нафтата, даноците и се што тоа ќе повлече, а многу наскоро и огромното покачување на сметките за електрична енергија. Да, знам, за дел од вас ова е проВМРОвски текст, ама од Јануари вие со ваши пари ќе плаќате се поскапо. И да воздухот ќе биде исто загаден (ако не и повеќе), паркингот во Центар вртоглаво поскап, Македонија ќе го има најголемиот буџет во историјата, а задолжувањето .... веќе ви кажав.

Но, сето ова веќе сит го знаете. На мал дел му одговора, затоа што сега тие се на власт. Тие се новата „Фамилија“. Нив ги разбирам. Вас другите ве прашувам, што сега? Ќе се гушите во смогот и високите сметки и ќе глумите дека е подобро или? Пленуми, шарени, студенти, средношколци.... улица нешо или сега никој ве плаќа? Режим, правда, мир? За ова ли се „боревте“?

Автор: Пацифист

Груевски и Заев ќе се договорат, ние што правиме?

Една од најчестите „придобивки“ на демократијата се изборите. Ние како демократска држава имаме парламентарни и локални избори на секои 4 години, додека за претседател се гласа на 5 години. Победникот се одредува по различен модел на кој е организирано гласањето и тој добива мандат од 4/5 години. Ехххх ама да беше толку лесно...

Еве поминаа уште едни избори накои поразениот не ги призна резултатите. Или ги призна, ама не ги призна. Т.е. не ги призна, ама ги призна. За разлика од неколкуте претходни избори кога СДСМ не ги признаваше изборните резултати, во истиот момент кога ќе видеа дека се поразени, сега таа тактика ја примени ВМРО ДПМНЕ. Не ги напуштија изборите, одеа до крај, чекаа да земат некоја општина и потоа ги прогласија за нерегуларни онаму каде што не победија! Во општините во кои ВМРО ДПМНЕ освои градоначалници, изборите биле регуларни. Дури и местата во советите во општините во кои СДСМ освои повеќе од нив, ќе ги задржат, бидејќи секој глас за ДПМНЕ на овие избори е чист како солза, додека оние за СДСМ се нелегитимни! По истата логика денес тркнав до кладилница, со вчерашно ливче на кое имав изиграно 10 утакмици. 4 промашив, 6 погодив. Му викам на момакот на каса да ме исплати, пошо овие 4 биле наместени, потплатени, застрашувани, судијата им рекол ќе им дели црвени картони, ФИФА ќе ги суспендира.... ама дечково нејќе да чуе да пушти исплата. Ама друже, ВМРО, ама Груевски, избори а у, нерегуларни. ПОБЕДА!!! Јок, џабе, не дава пари. Мора да е некој „соросоид“!

Добарат вест е дека ВМРО ДПМНЕ ја примиле пораката од народот. Сфатиле зошто се казнети од своите симпатизери и неутралните. Јасно им е дека сите отстапки кои ги направија минативе неколку години им се удрија од глава. Затоа сега Груевски врти нов лист и бара предверемени парламентарни избори по договорот од Пржино?! А Пржино нели е отстапката за која ве казнија? Тоа ли е новиот лист?

И додека во ВМРО ДПМНЕ анализираат, државава ни се претвори во циркуз. Професор на факултет, поранешен градоначалник на Скопје и претседател на комисија која решава за дислокација на споменици низ главниот град, во интервју за „Музеј Југославије“ ни откри дека Македонија е измислена во 1946 година од страна на Југолавија. И не само државата туку и народот, нацијата, јазикот! И види чудо, него му пречи „Воинот на коњ“, одноно споменикот на Александар Македонски. Му пречи споменикот на Филип Втори. Ма се пред СФРЈ му пречи. Знае ли ликов дека во Македонија има сеуште живи луѓе кои се родени пред 46та? Јасно му е дека тие знаат дека се родени како Македонци? Или не е битно? Виситната не го интересира. Си фура пропаганда за која најверојатно е платен. Тоа што типчево е професор, ја прави целава ситуација страшна. Ама нема везе, ништо ново. СДСМ цела кампања ја исфура на „Зборот е збор“, па го слушам премиерот деновиве уште ја користи фразава. Абе мене ми е срам коа ќе го чујам. Озбилно, незгодно ми е. Па толку да се лаже и без срам да се тера „Зборот си е збор“? Ок, сфаќам, совест е мисловна именка за Заев, ама па дај бе чоек не ни вреѓај интелект. Срамота е.

26ти Март, 2012 година СДСМ бара намалување на акцизата на бензините од Владата на ВМРО ДПМНЕ

Новиот буџет, сега кога тие се на власт предвидува зголемување на акцизата за дизелот за 3.5 денари од литар! „Зборот си е збор“?!!! Ало Заев!!!! Барем ќути! Не го кажуј веќе! 204.000 возила во Македонија користат нафта. 99% од камионите во Македонија се дизел, ама од владата не уверуваат дека транспортот нема да поскапи?! Дури и откако денеска се јавија транспортерите и објаснија дека тарнпоспортот, а со тоа и производите ќе поскапат, владата вели дека нема! „Зборот си е збор“?!!! Истото е и со поскапувањето на ДДВ-то. 2-3% повисок данок на додадена вредност од 2018 година, но владата не уверува дека граѓаните нема да го осетат! 350 милиони денари ќе собере државата по основ на повиско ДДВ, но ние нема да осетиме? Како? Данок се собира од народот, не од Груевски, Мијалков, Јанкуловска.... туку од целиот народ. Како тоа ќе ни соберете повисок данок, а ние нема да осетиме? Ќе собирате данок у Кина? „Зборот си е збор“ нели? Земјоделците дознаа дека место ветените 160 милиони евра за субвенции, ќе добијат 136 милиони! И не, нема да добијат ветена зелена нафта по пониски цени, напротив нафата и на нив ќе им поскапи. „Зборот си е збор“!!! Ама и ова не е доолно, па во новиот буџет на СДСМ се предвидени 300 милиони евра задолжување во следната година! Барем засега толку, до кај Јуни ќе бидат најмалку уште една милијарда! „Зборот си е збор“? Така Заев? А плата нешо 500 евра, просек? А народот нели ќе го прашавте?

За сите оние кои сеуште не веруваат дека „Албанската платформа“ е реална и дека СДСМ ја има прифатено. Сите вие кои мислите дека „договорот со Бугарија“ не е штетен, и дека СЈО реално си ја брка работата. Сите кои не верувате дека во Приз, во куќата на Моне ќе се преговара за името... Сите кои сеуште верувате во „Зборот си е збор“, од 1ви Јануари и вие како мене, како сите, ќе си платите 3.5 денари повеќе за нафта. 2-3% повисок ДДВ. Некаде поскапа вода, а можно е и парно! Ај може тогаш ќе сфатите дека „Животот дојде“ вреди исто колку „Зборот си е збор“ кога го кажува истиот лик!

Една од најчестите „придобивки“ на демократијата се изборите, но само кога има за кого да гласаш. Кај нас таков луксуз немаме. Едниве не се баш сигурни дали избориве беа регуларни, па сеа анализираат, а другиве решија да преговараат за столбовите на идентитетот на Македонецот, додека нас ни го поскапуваат животот и сето тоа под „Животот дојде“ и „Зборот си е збор“. На крајот, тие меѓусебно ќе се договорат (најверојатно во Париз во куќата на Моне), ние што праиме? 

Автор: Пацифист

Популарно