Мајката на Марина Мијајловиќ (36) чие безживотно тело е пронајдено во канал во Великa Крсна, тврди дека ќерката и ја убил нејзиниот сопруг Мирослав М.,кој го пријавил исчезнувањето пред дваесетина дена.

-тој го уби моето дете. И даваше алкохол и лекови и ја уби. Дваесет дена ја држеше во замрзнувач и потоа ја фрли и тоа гола, викаше на сет глас Мара Мијајловиќ, мајка на Марина Мијајловиќ (36) чиј труп е пронајден во петокот околу 16 часот во Велика Крсна кај Младеновац.

На телото немало видливи траги од насилство, но нејзините родители се сомневаат дека Марина е убиена од нејзиниот сопруг Мирослав М. кој е полицаец во пензија. Таа, како што тврдат родителтие била болна.

-Марина имаше епилепсија. Мирослав е многу постар од неа, но нејзиното внимание го привлече со алкохолот, па се венчаа. Беше со неа зошто немавме можност да и купуваме лекови, а тој можеше. Само што и даваше лекови со алкохол, тврди мајката на Марина.

Таа тврди дека ќерката во бракот трпела насилство.

-Ја малтретираше, а се зборува дека злосторството го направил уште пред 20 дена и дека ја држел во замрзнувач, па ја фрлил гола во канал, вели мајката.

Инаку, Мирослав во петокот бил приведен, но истата вечер е пуштен дома. Меѓутоа вчера повторно го барале инспектори, но не го нашле на адресата на која живеел со Марина.

Соседите велат дека не го виделе, дури ни неговиот автомобил „мерцедес“.

-Марина е тука од септември и како што можев да забележам е дека често излегуваа навечер и доцна ноќе се враќаат. Знам дека двајцата пиеја, а што се однесува до Марина се сомневам дека би ја препознал да ја видам, вели сосед.

Тој додава дека Мирослав се жалел дека Марина исчезнала, но и дека пред тоа сакала да го напушти.

Роднините тврдат дека Мирослав не е виновен

Роднините на Мирослав М. вчера изјавија дека тој нема врска со убиството и дека не се знае како телото на Марина завршило во каналот.

-Тој тоа не го направил. Родителите на Марина сакаат да му наместат убиство. На нејзиното тело нема траги од убиство и сигурно е природна смрт. Никој од нас не знае како нејзиното тело заврши таму, рекоа роднините на Мирослав.