Меси - најдобар фудбалер за 2012

Напаѓачот на Аргентина и Барселона Лионел Меси повторно ја освои „Златната топка“, односно беше прогласен за најдобар фудбалер во 2012. година.

Аргентинскиот виртуоз Лионел Меси запиша нов рекорд откако вечерва по четврти пат ја освои најпрестижната фудбалска награда, „златната топка“, на гала-церемонијата во Цирих. Ниту еден фудбалер не бил така доминантен како аргентинскиот виртуоз, па четвртата рекордна награда само потврдува дека во моментов нема конкуренција во светскиот фудбал и уште повеќе ја продлабочува дебатата дали е најдобриот фудбалер на сите времиња.

Аргентинецот зад себе повторно го остави Кристијано Роналдо, како и својот соиграч Андрес Иниеста. По прогласувањето тој им се заблагодари на сите они кои гласале за него, како и на сите негови соиграчи без кои тој не би успеал да ја освои оваа награда.

Пресудно за оваа награда најверојатно беше и соборувањето на рекордот на Милер, постигнувајќи фантастични 91 гол во една календарска година!

ФОТО: Талентираниот Македонец потпиша со Јувентус

Никола Секулов, фудбалерот кој настапуваше за Македонија, но реши да ја промени репрезентацијата, отвори ново поглавје во својата кариера и потпиша професионален договор со италијанскиот калчолигаш Јувентус.

17-годишниот Секулов кој е по потекло од Струмица важеше за голема иднина на мак-фудбалот, но поради несогласувања со Фудбалската федерација на Македонија (ФФМ) реши да го искористи правото да игра за Италија, земја во која е роден.

Младиот фудбалер од средиот ред со неверојатна техника и визија за фудбалот настапуваше за младинските категории на Јувентус, а сега направи голем чекор напред во кариерата, па потпиша професионален договор со „бјанконерите“.

КОНЕЧНО: Италијанската Серија А повторно во Македонија - МТВ ќе пренесува мечеви од калчото

Лигата во која играат Пандев, Несторовски и Елмас, ќе биде достапна за сите македонски гледачи, со македонски коментар.

Националната Македонска радио телевизија објави прекрасна вест за љубителите на фудбалот, а тоа е дека сезонава за првпат ќе пренесува натпревари од италијанската Серија А.

Сезонава во Италија ќе настапуваат тројца македонски фудбалери, Горан Пандев во Џенова, Елиф Елмас во Наполи и Илија Несторовски во Удинезе.

МТВ и Аренаспорт се договорија на нашиот национален сервис да се пренесува по еден меч од секое коло од Серија А.

Калчото по неколкугодишна пауза се враќа на програмата на некоја од македонските телевизии со национална концесија за кои не треба да се плаќаат дополнителни давачки. Првиот меч кој ќе оди на националниот канал е пресметката на Интер против Лече закажана за в понеделник од 20.45 часот.

Најавена е можност за пренесување еден меч неделно и од француското првенство во кое го имаме Влатко Стојановски од Ним.

Еднаш, еднаш ама сепак ќе има Италијанско

Конечно Италијанската Серија А  гледачите ќе може да ја следат на програмата на некоја од Македонските телевизии со национална концесија за кои не треба да се плаќаат дополнителни давачки.

Првенствените натпревари на Горан Пандев во дресот на Џенова, Елиф Елмас во дресот на Наполи и на Илија Несторовски во дресот на Удинезе во следната сезона ќе може да се следат низ телевизиски преноси на Македонската телевизија (МТВ), која ги откупила правата за пренесување на еден натпревар од секое коло. Првиот меч кој ќе оди на националниот канал е пресметката на Интер против Лече закажана за в понеделник од 20.45 часот.

Натпреварите од Сеија А се само дел од богатата спортска програма најавена од МТВ каде што најверојатно ќе одат преносите од средбите на Вардар и на Еурофарм Работник во Лигата на шампионите како и дебито на Македонија на одбојкарското ЕП следниот месец. Најавена е можност и за пренесување еден меч неделно и од француското првенство.

Популарно