Многу дожд и снег во цела Македонија

Временска Прогноза

на 1.2015

Денеска е петок, 30 јануари, 30-от ден во 2015 година. До крајот на годината остануваат уште 335 дена.

Денот трае девет часа и 54 минути.

Сонцето во Скопје изгрева во шест часот и 50 минути, а заоѓа во 16 часот и 44 минути.

Месечината заоѓа во три часот и една минута и повторно изгрева во 13 часот и пет минути.

Временска прогноза

Времето во Македонија во претпладневните часови ќе биде умерено облачно, а во пладневните часови почнувајќи од запад ќе се зголемува.

Ќе дува засилен, повремено и силен ветер од јужен правец со удари коишто ќе достигнуваат и над 80 километри на час.

Попладне и во текот на ноќта кон сабота ќе има врнежи од дожд кои ќе бидат пообилни во западните и во јужните делови каде што локално се очекува да наврнат и над 40 литри дожд на метар квадратен. На повисоките планини врнежите ќе бидат од снег.Ноќта кон сабота висината на снежните врнежи ќе се спушта во западните делови и во некои повисоки места.

Утринската температура ќе се движи од минус три до три, а дневната од осум до 12 степени.

Во Скопје ќе се задржи променливо облачно време со засилен југоисточен ветер. Попладне и во ноќните часови ќе има и врнежи од дожд кои повремено ќе бидат и пообилни.

Утринската температура ќе се спушти до минус еден, а дневната ќе се искачи до девет степени.

Нови пообилни врнежи се очекуваат во сабота ноќта кон недела и во недела во текот на денот кога повремено врнежите ќе бидат и поројни проследени со грмежи и со силен ветер.

Температурата во недела ќе биде повисока и ќе се движи некаде помеѓу девет и 14 степени.

Нешто помалку врнежи се очекуваат во понеделник, додека во вторник ќе има преодно стабилизирање, меѓутоа температурите ќе бележат благо опаѓање.

За Божиќ вистинска радост за децата

Временска Прогноза

пред 3 месеци

Времето денеска ќе биде променливо облачно, по одделни котлини со услови за појава на утринска магла. Ќе дува умерен, а долж Повардарието повремено засилен ветер од југоисточен правец (над 60 км/час). Кон крајот на денот и во текот на ноќта ќе има локални врнежи од дожд. Минималната температура ќе биде во интервал од 0 до 6, а максималната ќе достигне од 9 до 14 степени.

Во Скопје променливо облачно со појава на утринска магла. Ќе дува умерен, повремено засилен ветер од југоисточен правец. Во текот на ноќта ќе има врнежи од дожд. Минималната температура ќе се спушти до 0, а максималната ќе достигне 11 степени.

Под влијание на циклонска активност до понеделник времето ќе биде претежно облачно со повремени врнежи од дожд кои наместа ќе бидат пообилни (над 20 л/м2).

Во недела во текот на денот поради спуштање на студена воздушна маса врнежите од дожд ќе преминуваат во снег и во повисоките места, особено во западните делови.

Од понеделник ќе дува умерен до засилен ветер од северен правец што ќе предизвика значително заладување во текот на следната седмица.

Во кои делови од Македонија е најстудено, а каде има најмногу снег?

Временска Прогноза

пред 4 месеци

Најстудено со измерени -3 степени целзиусови утрово е во Скопје-Петровец и Берово, снежната покривка во Маврови Анови е 30 сантиметри, соопштија од УХМР.

Во Струмица и Демир Капија се измерени -2 степени, -1 Скопје-Зајчев Рид и Гевгелија, нула во Штип, Куманово, Велес, Кавадарци, 1 степен во Крива Паланка, 3 Прилеп, Дебар, Маврови Анови, Лазарополе и Попова Шапка, 4 Битола, Дојран, Виница, 5 Тетово, Крушево, 6 Претор и 7 степени во Охрид.

Висината на снежната покривка во 7 часот е 12 сантиметри во Крушево и 10 на Попова Шапка.

Времето во текот на ноќта и утрово, како што соопштија од УХМР, е малку до умерено облачно. Во западните делови дувало слаб до умерен ветер од западен и југозападен правец и таму температурата утрово е повисока. Во останатите делови е постудено, а во некои котлини во Повардарието има магла.

Времето денеска во најголем дел од земјава ќе биде сончево и релативно топло со мала облачност. По котлините, особено долж Повардарието постудено со појава на магла, која попладне ќе слабее. Во западните делови ќе дува слаб до умерен западен, а во југоисточните слаб северен ветер. Максималната температура ќе достигне од 8 до 17 степени.

Во Скопје ќе биде магливо и тивко, попладне видливоста ќе се зголеми. Максималната температура ќе достигне 9 степени.

Издаден портокалов аларм во Македонија

Временска Прогноза

пред 5 месеци

Според најновите информации на УХМР, претпладне променливо облачно и студено, понекаде и особено во источните делови ќе провејува слаб снег.

Од пладневните часови во поголемиот дел од земјата ќе биде сончево со мала до умерена облачност.

Ќе дува умерен, а вдолж Повардарието и во источните делови силен ветер од северозападен правец (над 70 км/час).

Во Скопје претпладне променливо облачно, студено и ветровито, а попладне со сончеви периоди. Ќе дува умерен до засилен ветер од северозападен правец, особено изразен на повисоко и во источните делови од регионот, велат од УХМР.